رومیەگان 7:23 - کتاب مقدس به زبان کردی جنوبی - گویش کلهوری

²³ وەلێ یاساێگتر وەناو ئەنامیل خوەم دوینم که وەگەرد شەریعەتێگ که زەین من قەبوڵێ کەێ، شەڕ کەێ و مه گیرودەێ یاساێ گونا کەێ که وەناو ئەنامیلم نیشتەجێه.

رومیەگان 7:23 Referans Kwoze

نامه وە غەلاتییل 5:17

چوینکه ئاوەختیێل جەسه وه زد روح خوداس و ئاوەختیێل روح خودا وه زد جەسەس؛ چوینکه ئی دوانه وه زد یەکترەکین، ئەو جوره که دی نیەتویەنین هەر چی که تواین، وه جێ بارین.

یاقوب 4:1

ئی شەڕیل و مرافەیل ناودانه له کوره سەرچاوه گرن؟ مەر ئیه نیه که هەواوهەوەسیلدان له ناودان چینەسه گژ یەکەو؟

رومیەگان 8:2

چوینکه وەناو مەسیح عیسا، شەریعەت روح زنەیی له یاساێ گونا و مەرگ ڕزگاردان کردێه؛

رومیەگان 6:19

من وەبونەێ بی هازییل سریشت بەشەریدان، ئی چشتیله وەگەرد کەلیمەیل بەشەری ئویشم: هەر ئەوجورە که یەێ وەختێگ ئەنامیل جەسەدان جور خوڵام داینه دەس ناپاکی و خراوی که وەرەو خراوییل فرەتر بەێد، ئێرنگەیش ئەنامیل جەسەدان جور خوڵام بێینه دەس سالح بوینی که وەرەو قودوسیەت بەێد.

رومیەگان 7:25

سپاس ئەڕا خودا له ڕێ خوداوەندمان عیسا مەسیح! ئمجا من خوەم وەگەرد زەینم خوڵامی شەریعەت خودا کەم، وەلێ وەگەرد جەسەم خوڵامی یاساێ گونا کەم.

یەکم پتروس 2:11

ئێ عەزیزەیل، وه ئیوه که وەناو ئی جهانه بێگانه و غەریوین لاڵکمه پێدانەو، له هەواوهەوەسیل جەسەیی که وەگەرد گیاندان شەڕ کەن، خوەدان بپارێزنن.

عبرانییل 12:4

هێمراێ له جەنگ خوەدان وه زد گونا تا پاێ گیان نەوساینه.

رومیەگان 7:21

جا وه ئی یاسا پێ بەم که وەختێ توام کار درس وه جێ بارم، خراوی ها وەر دەسمەو.

رومیەگان 7:5

چوینکه وەختێ که وه ژێر حوکمرانی جەسه زنەیی کردیایم، هەواوهەوەسیل گونابارمان که شەریعەت هانێان دیاد، وەناو ئەنامیلمان کار کردیا تا ئەڕا مەرگ بەر باریم.

رومیەگان 6:13

ئەنامیل جەسەدان نیەنه دەس گونا تا بونه وەسیلەێگ ئەڕا نادرسێ، بەڵکەم جور کەسیلێ که له مەرگ وەرەو زنەیی هاتنەسەو، خوەدان بێەنه دەس خودا و ئەنامیل جەسەدان بێەنه دەس خودا تا بونه وەسیلەێگ ئەڕا سالح بوین.

رومیەگان 7:14

چوینکه ئیمه زانیمن که شەریعەت روحانیه، وەلێ مه هامه ناو جەسه و جور خوڵامێگ فروشیامەسه گونا.

یاقوب 3:2

چوینکه گشتمان وەناو چشتیل فرەێگ خەتا کیم. ئەگەر کەسێگ له قسیه کردن خەتا نەکێ، ئنسان کامڵێگه و تویەنێ هەوسار گشت جەسەێ خویشێ بگرێه دەس.