رومیەگان 7:18 - کتاب مقدس به زبان کردی جنوبی - گویش کلهوری

¹⁸ چوینکه زانم که وەناو من، یانێ وەناو جەسەم، هویچ چشت خاسێگ نیشتەجێ نیه. چوینکه توام ئەو چشته که درسه وه جێ بارم، وەلێ نیەتویەنم وه جێ بارمەێ.

رومیەگان 7:18 Referans Kwoze

یوحەنا 3:6

ئەو چشته که له جەسه باێه دنیا، جەسەییه و ئەو چشته که له روح باێه دنیا، روحانیه.

نامه وە غەلاتییل 5:17

چوینکه ئاوەختیێل جەسه وه زد روح خوداس و ئاوەختیێل روح خودا وه زد جەسەس؛ چوینکه ئی دوانه وه زد یەکترەکین، ئەو جوره که دی نیەتویەنین هەر چی که تواین، وه جێ بارین.

رومیەگان 7:25

سپاس ئەڕا خودا له ڕێ خوداوەندمان عیسا مەسیح! ئمجا من خوەم وەگەرد زەینم خوڵامی شەریعەت خودا کەم، وەلێ وەگەرد جەسەم خوڵامی یاساێ گونا کەم.

نامه وە غەلاتییل 5:24

ئەوانه که هن مەسیح عیسان، جەسه وەگەرد هەواوهەوەسیل و ئاوەختیێل کیشانەسه سەلیب.

نامەێ فیلیپییل 2:13

چوینکه خوداس که ئەڕا خوەشنودی خوەێ وەناو ئیوه کار کەید، هەم وەناو خاست و هەم وەناو کردەوه.

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

رومیەگان 7:19

چوینکه ئەو کار خاسه که توام، وه جێ نیەتێەرم، بەڵکەم کار خراوێگ که نیەتوام، هەر وه جێ تیەرم.

رومیەگان 7:15

مه نيەزانم چه کەم، چوینکه نه ئەو کاره که توام، بەڵکەم هەر ئەو کاره که قینمه لێ تێی، وه جێ تیەرم.

ئنجیل مەتا 15:19

چوینکه له دڵه که فکریل خراو، خوین‎کردن، داوانپێسی، خیزی، دزی، شاێەتی درو، بخت کردن تێدە دەیشت.

یەکم پتروس 4:2

وەئی بونه باقی ژیانی وه جەسه ئەڕا خاست خودا زنەیی کێ، نه ئەڕا هەواوهەوەسیل بەشەری.

نامەێ فیلیپییل 3:12

نیویشم هەر ئێرنگەیش ئیه وه دەس هاوردمه یا هەر ئێرنگەیش کامڵم، بەڵکەم خوەم وەرەو نوا ڕانم تا چشتێگ وه دەس بارم که مەسیح عیسا ئەڕا ئەوه مه کردێەسه هن خوەێ.

لوقا 11:13

جا ئەگەر ئیوه وەگەرد گشت بەێ زاتیدان زانین که باێه وه مناڵیلدان خەڵاتییل خاس بیەین، چەنێ فرەتر باوگ ئاسمانیدان، روح‌القودوس وه هەر کەس که داوا له لێ بکێ، بەخشێدن.»

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

رومیەگان 7:5

چوینکه وەختێ که وه ژێر حوکمرانی جەسه زنەیی کردیایم، هەواوهەوەسیل گونابارمان که شەریعەت هانێان دیاد، وەناو ئەنامیلمان کار کردیا تا ئەڕا مەرگ بەر باریم.