رومیەگان 6:21 - کتاب مقدس به زبان کردی جنوبی - گویش کلهوری

²¹ وه ئەو وەخته، له وه جێ هاوردن کاریلێ که ئێرنگه له لێان شەرمزارین، چ بەرێگ بردینه؟ چوینکه ئاخر ئەو کاریله مەرگه!

رومیەگان 6:21 Referans Kwoze

رومیەگان 1:32

هەر چەن له حوکم دادپەروەرانەێ خودا ئاگادارن که ئەوانەێ که ئیجور کاریلێ کەن، سزاێان مەرگه، نه تەنیا خوێان ئەو کاریله کەن، بەڵکەم کەسیلێگیش که ئەو کاریله کەن، مور کەن.

رومیەگان 7:5

چوینکه وەختێ که وه ژێر حوکمرانی جەسه زنەیی کردیایم، هەواوهەوەسیل گونابارمان که شەریعەت هانێان دیاد، وەناو ئەنامیلمان کار کردیا تا ئەڕا مەرگ بەر باریم.

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

یەکم یوحەنا 2:28

جا ئێرنگه، ئێ ڕوڵەیل ورد، وەناو ئەیو نیشتەجێ بوین تا وەخت ئاشکرا بوینی دڵنیا بیمن و وەخت هاتنێ، وه لاێ شەرمزار نویمن.

عبرانییل 6:8

وەلێ ئەگەر زەوی دڕگ و دواڵ دەێده دەس، هویچ نیەتیەرزێد و نزیکه که لانەت بکرێی، ئاخریشێ سزیانه.

رومیەگان 8:13

چوینکه ئەگەر وه پێ جەسه زنەیی بکێن، مرین؛ وەلێ ئەگەر له ڕێ روح خودا، کردەوەێ جەسه بکوشین، زنەیی کین.

رومیەگان 8:6

دەرئەنجام دڵبەساین وه چشتیل جەسەێ، مەرگه، وەلێ دەرئەنجام وەشون کەفتن له چشتیل روحانی، ژیان و ئاشتی و سڵامەتیه.

وەحی وه یوحەنا 20:14

جا مەرگ و جهان مردگیل فڕه دریانه ناو دەریاچەێ ئاگر. دەریاچەێ ئاگر، مەرگ دویمه.

وەحی وه یوحەنا 16:6

چوینکه ئەوانه خوین موقەدەسیل و پەێخەمەریل ڕشاننه، جا وه ئەوانه خوین دایده تا بنوشن که سزاێان هەر ئیەسه!»

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟

یاقوب 5:20

ئەو ئایەمه بزانێ که هەر کەس گوناکارێگ له چەفتیەگەێ باریدێەو، گیانێ له مەرگ نجات دەێ و گونایل فرەێگیش داپوشانێه.

یاقوب 1:15

جا هەواوهەوەس که ئێمڵه بود، گونا تیەرێده دنیا و گونایش وەختێ حساوی گەورا بود، مەرگ وه بار تیەرێ.

عبرانییل 10:29

جا وه گومان ئیوه کەسێگ که کوڕ خودا پاوڵا کردێه و خوین پەێمانێگیش که وه ئەوه تەقدیس بویه، ناپاک ژماردیه و وه روح پڕ له فیز خودا، بی حرمەتی کردێه، چەنێ فرەتر شایسەێ موجازاتێگ سەختتر بود؟

دویم قورنتییل 7:11

ئەڕا ئیه که بوينن که ئی خەم و خوسەێگ که ئەڕا خوداس چ تاسەیلێ وەناودان وه دی هاوردێه: چ تاسەێگ که بیتاوانیدان نیشان بێی، چ توڕەیێگ، چ زاورچینێگ، چ حەسرەتێگ، چ غیرەتێگ، چ ئەدەو کردنێگ. ئیوه خاس نیشاین داینه که له هەر باوەته بیتاوانین.

نامەێ فیلیپییل 3:19

ئاخر ئەوانه له بین چینه. خوداێ ئەوانه زگێانه و وه چشتیل نەنگ هاوەرێان شانازی کەن و فکریلێان ها بان چشتیلێگ که هن زەوین.

رومیەگان 5:12

جا، هەر ئەوجورە که گونا له ڕێ یەێ ئنسان هاته ناو جهان و له ڕێ گونایش مەرگ هات، جا ویجوره مەرگ ریش گشت ئایەمیل گرد، چوینکه گشتیەکی گونا کردن

رومیەگان 6:16

ئێ نيەزانين ئەگەر خوەدان جور خوڵامیلێ که هانه ژێر فەرمان، بێینه دەس کەسێگ، ئەوسا بوینه خوڵامیل ئەو کەسه که گوشە لێ تەکنین، تواێ خوڵام گونا، که وەرەو مەرگ بەێد، تواێ خوڵام گوش تەکانن له خودا، که وەرەو سالح بوین بەێد؟

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.