رومیەگان 5:6 - کتاب مقدس به زبان کردی جنوبی - گویش کلهوری

⁶ ئەڕا ئیه که وەختێ هێمراێ ئیمه بێ هاز بیمن، مەسیح له وەخت مناسوێگ ئەڕا خودانەناسیل گیان خوەێ دا.

رومیەگان 5:6 Referans Kwoze

رومیەگان 5:8

وەلێ خودا مابەت خوەێ وه ئیمه ئیجوره نیشان دەێ که هناێ ئیمه هێمراێ گوناکار بیمن، مەسیح ئەڕامان مرد.

نامه وه کولوسییل 2:13

ئیوه که وەناو خەتایلدان و خەتەنه نوین جەسەدان مردوین، خودا ئیوه وەگەرد مەسیح زنیەو کرد. ئەیو گشت خەتایلمان بەخشا.

رومیەگان 5:10

چوینکه ئەگەر وەختێ که ئیمه دشمەن بویمن، وه وەسلەێ مەرگ کوڕەگەێ وەگەرد خوداوه ئاشتی دریایمن، چەنێ فرەتر ئێرنگه که وەگەرد خوداوه ئاشتی دریایمنه، وەگەرد زنەیی کوڕەگەێ نجات پەێا کیم.

رومیەگان 4:25

هەر ئەو عیسا که وەبونەێ خەتایل ئیمه دریاده دەس مەرگ و ئەڕا سالحان وه حساو هاتنمان زنیەو بی.

تیتوس 2:12

وه ئیمه یاێ دەێ که خودانەناسی و هەواوهەوەسیل دنیایی بنیمنه لا، وەگەرد زاڵ بوین وەسەرخوەمان و درسی و خوداترسی له ئی دەوره زنەیی بکێم و

رومیەگان 4:5

کەسێگ که کار نیەکێ، بەڵکەم پشت داسه خوداێگ که خودانەناسیل سالحان حساو کەێ، ئیمانێ ئەڕاێ سالح بوین وه حساو تێی.

عبرانییل 9:26

ئەڕا ئیه که ئەگەر ئیجوره بویاد، مەسیح باێه له وەخت دامەزراندن جهان، چەن جار رەنج کیشاوی. وەلێ هەر ئەوجورە که هەس ئەیو یەێ جار ئەڕا هەمویشه وه ئاخر گشت دەورەیل ئاشکرا بیه تا وەگەرد قوروانی کردن خوەێ، گونا له بین بوێد.

نامه وە غەلاتییل 4:4

وەلێ وەختێ ئەو زەمان دیاری کریاێ وه کەماڵ رەسێ، خودا کوڕەگەێ خوەێ کل کرد که له ژنێگ و له ژێر شەریعەت هاته دنیا،

یەکم نامەێ تیموتاوس 1:9

هەر ئیجوره زانیمن که شەریعەت نه ئەڕا درسکاریل، بەڵکەم ئەڕا یاسا شکەنیل و ملچەفتەوکەریل نویسریاس، ئەڕا خودانەناسیل و گوناکاریل، ناپاکیل و کفرچییل؛ قاتڵیل باوگ و قاتڵیل داڵگ؛ ئایەم کوشیل،

یەکم تسالونیکییل 5:9

چوینکه خودا ئیمه نه ئەڕا خەزەو، بەڵکەم ئەڕا وه دەس هاوردن نجات له ڕێ خوداوەندمان عیسا مەسیح دیاری کردێه،

یەکم پتروس 1:20

ئەیو وەرجه ئیه که جهان دامەرزیەد دیاری کریا، وەلێ له ئی زەمانیل ئاخره وه بونەێ ئیوه ئاشکراوه بوی.

یەهودا 1:4

چوینکه بڕێگ که له جارانەو ئەڕا ئی ماکومیەته دیاری کریانه، بیدەنگ خز خواردنەسه ناودان. ئیانه خودانەناسیلێگن که فیز خوداێ ئیمه کەنه هەرزەیی و عیسا مەسیح، که هەر یەێ ئەرواو و خوداوەندمانه، حاشا کەن.

یەهودا 1:15

تا وه مل گشتیەکی داوەری بکێد و گشت خودانەناسیل وه سەوەو گشت کاریل خودانەناسانێان که له خودانەناسی کردنه، ماکوم بکێد. هەرئیجوره وه بونه گشت قسیەيل گەنێگ که گوناکاریل خودانەناس وه زد خودا وەتنه، ماکوم بکێد.»

دویم پتروس 3:7

وەلێ هەر وه ئەو کەڵامه، ئاسمانیل و زەوی که ئێرنگه هەس ئەڕا ئاگر هەڵگریاس و تا ڕوژ داوەری و له بین چین خودانەناسیل، پارێزێید.

رومیەگان 11:26

جا ئیجوره گشت ئێسرائیل نجات پەێا کێ. جوری که وەناو نویسریایل موقەدەس نویسریاس: « ڕزگارکەر له کویەێ سەهیون تێد و خودانەناسی له نەتەوەێ یاقوب هەڵگرێد.

یەهودا 1:18

ئەوانه وەتنه پێدان: «له زەمانیل ئاخر، تویلەکی کەریلێگ تیەن که کەفتنەسه شون هەواوهەوەسیل خودانەناسانەێ خوێان.»

رومیەگان 5:7

چوینکه کەمتر پێش تێی کەسێگ وەبونەێ ئنسانێگ سالحان له گیان خوەێ دەس بشورێد، هەر چەن هاتێ کەسێگ ئی ئازایه بیاشتود که تەنانەت گیان خوەێ ئەڕا ئنسان خاسێگ بێی.

رومیەگان 8:32

ئێ خوداێگ که کوڕەگەێ خوەێ دریخ نەکرد، بەڵکەم ئەیو له ڕێ گشتمان داده دەسەو، ئێ وەگەردیشێەو گشت چشتێگ وه دەس دڵوازای نيەوەخشێده پێمان؟

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

عبرانییل 8:3

چوینکه هەر کاهن گەوراێگ ئەڕا تاویل داین پیشکەشییل و قوروانیيل دەسنیشان بود. وه ئی بونه، ئی کاهنیشه ئەڕاێ واجوه چشتێگ ئەڕا پیشکەش کردن بیاشتوید.