رومیەگان 5:18 - کتاب مقدس به زبان کردی جنوبی - گویش کلهوری

¹⁸ جا هەر ئەوجورە که یەێ خەتا بیه بایس ماکومیەت گشت ئنسانیل، یەێ کردەوەێ سالحانەیش، بوده بایس سالح وه حساو هاتن و ژیان گشت ئنسانیل.

رومیەگان 5:18 Referans Kwoze

یەکم قورنتییل 15:22

چوینکه هەر ئەوجورە که وەناو ئایەم گشتیەکی مرن، وەناو مەسیحیش گشتیەکی زنیەو بون.

رومیەگان 5:12

جا، هەر ئەوجورە که گونا له ڕێ یەێ ئنسان هاته ناو جهان و له ڕێ گونایش مەرگ هات، جا ویجوره مەرگ ریش گشت ئایەمیل گرد، چوینکه گشتیەکی گونا کردن

رومیەگان 5:15

وەلێ خەڵاتی خودا جور ئەو خەتا نیه. چوینکه ئەگەر قێر فرەێگ له ڕێ خەتای یەێ ئنسان مردن، چەنێ فرەتر فیز خودا و ئەو خەڵاتیه که له ڕێ فیز یەێ ئنسان، یانێ عیسا مەسیح هاته دی، وه فراوانی دریاسه قێر فرەێگ.

رومیەگان 5:19

چوینکه هەر ئەوجورە که له ڕێ ملچەفتەو کردن یەێ ئنسان، قێر فرەێگ گوناکار بین، له ڕێ گوش تەکانن یەێ ئنسانیش قێر فرەێگ سالحانەو بون.

کاریل ڕەسولەیل 13:39

هەر کەس ئیمان بارێ، له ڕێ ئەیو له هەر چشتێگ که نەتویەنسیه وەگەرد شەریعەت موسا له لێ ڕزگار بود، ڕزگاری پەێا کەێ.

عبرانییل 2:9

وەلێ ئەیو دوینیمن که ماوەێ کەمێگ خوارتر له فریشتەیل دانریا، یانێ عیسا، که وه خاتر ئیه که رەنج مەرگ کیشا، تاج جەڵاڵ و حرمەت نریا بان سەری، تا وه پێ فیز خودا ئەڕا گشتیەکی تام مەرگ بکێ.

رومیەگان 4:25

هەر ئەو عیسا که وەبونەێ خەتایل ئیمه دریاده دەس مەرگ و ئەڕا سالحان وه حساو هاتنمان زنیەو بی.

یوحەنا 1:7

ئەو هات تا شاێەتیدەر بود، تا شاێەتی وه ئەو نویره بێید، تا گشت له ڕێ ئەیو ئیمان بارن.

یوحەنا 12:32

وەختێ مه له بان زەوی بەرزەو کریەم، گشت مەردم کیشمه ئەڕا لاێ خوەم.»

یەکم یوحەنا 2:20

وەلێ ئیوه وه وەسلەێ ئەو قودوسه مەسح و دەسنیشان کریاینه و گشتدان زانین ڕاسی چەس.

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

یوحەنا 3:26

جا شاگردەگانێ هاتنه ئەڕا لاێ یەحیا، وەپێ وەتن: «ماموستا، ئەو کەسه که له ئەو لاێ چەم ئوردون وەگەرددەو بی و توی ئەڕاێ شاێەتی دای، ئێرنگه خوەێ تەعمید دەێ و گشتیەکی چنه ئەڕا لاێ.»

رومیەگان 3:25

هەر ئەو مەسیح عیسا که خودا وەرجەوە دیاری کردوی تا بوده کەفارەت، کەفارەتێگ که وه وەسلەێ خوین ئەیو و له ڕێ ئیمان وه دەس تێی. ئیه ئەڕا نیشان داین دادپەروەری خودا کریا، چوینکه خودا وه سەور خودایی خوەێ، له گونایلێ که وەرجەوە ئەنجام گردوی، چەوێ بەساوی.

رومیەگان 6:14

چوینکه گونا وه سەردان حوکمرانی نیەکێ، ئەڕا ئیه که له ژێر شەریعەت نین، بەڵکەم هاینه ژێر فیز.