Biblia Todo Logo
Bib sou entènèt

- Piblisite -




رومیەگان 5:15 - کتاب مقدس به زبان کردی جنوبی - گویش کلهوری

15 وەلێ خەڵاتی خودا جور ئەو خەتا نیه. چوینکه ئەگەر قێر فرەێگ له ڕێ خەتای یەێ ئنسان مردن، چەنێ فرەتر فیز خودا و ئەو خەڵاتیه که له ڕێ فیز یەێ ئنسان، یانێ عیسا مەسیح هاته دی، وه فراوانی دریاسه قێر فرەێگ.

Gade chapit la Kopi




رومیەگان 5:15
20 Referans Kwoze  

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.


چوینکه وه وەسلەێ فیز و له ڕێ ئیمان نجات پەێا کردینه، ئیه کار خوەدان نیه؛ ئیه خەڵاتی خوداس،


جا، هەر ئەوجورە که گونا له ڕێ یەێ ئنسان هاته ناو جهان و له ڕێ گونایش مەرگ هات، جا ویجوره مەرگ ریش گشت ئایەمیل گرد، چوینکه گشتیەکی گونا کردن


ئەو شاێەتێیشه ئیەسه که خودا ژیان ئەبەدی دا پێمان و ئی ژیانه هاناو کوڕەگەێ.


سپاس ئەڕا خودا ئەڕا خەڵاتی که نیود شێوێ بکێ!


عیسا کەفارەت گونایلمانه، نه تەنیا گونایل ئیمه، بەڵکەم گونایل تەمام جهان.


وەلێ ئەیو دوینیمن که ماوەێ کەمێگ خوارتر له فریشتەیل دانریا، یانێ عیسا، که وه خاتر ئیه که رەنج مەرگ کیشا، تاج جەڵاڵ و حرمەت نریا بان سەری، تا وه پێ فیز خودا ئەڕا گشتیەکی تام مەرگ بکێ.


عیسایش جواو دا: «ئەگەر بەخشین خودا بزانستیاێ و هەر ئیجوره بزانستیاێ کیه که وه پێد ئویشێ ”تکێ ئاو بیه پێم،“ ئەوسا توی له لێ داوا کردیای ئەیویش ئاو زنەییدەر دیاده پێد.»


«چوینکه خودا جهان ئەوقره مابەت کرد که تەنیا کوڕەگەێ خوەێ دا تا هەر کەس وەپێ ئیمان بارێ نابود نود، بەڵکەم زنەیی ئەبەدی بیاشتوێد.


ئیەسه خوین مه ئەڕا پەێمان تازه که وەبونەێ قێر فرەێگ ئەڕا بەخشین گونایل، ڕشێید.


تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»


وەلێ ئیمه ئیمان دێریم که وه فیز خوداوەند عیساس که نجات پەێا کردیمنه، ئەوانیش هەر ئیجوره.»


چوینکه هایمنه ژێر دەس مابەت مەسیح، وەختێ دڵنیايم که یە نەفەر وەبونەێ گشتیەکی مرد، جا گشت مردن.


Swiv nou:

Piblisite


Piblisite