رومیەگان 5:12 - کتاب مقدس به زبان کردی جنوبی - گویش کلهوری

¹² جا، هەر ئەوجورە که گونا له ڕێ یەێ ئنسان هاته ناو جهان و له ڕێ گونایش مەرگ هات، جا ویجوره مەرگ ریش گشت ئایەمیل گرد، چوینکه گشتیەکی گونا کردن

رومیەگان 5:12 Referans Kwoze

رومیەگان 5:19

چوینکه هەر ئەوجورە که له ڕێ ملچەفتەو کردن یەێ ئنسان، قێر فرەێگ گوناکار بین، له ڕێ گوش تەکانن یەێ ئنسانیش قێر فرەێگ سالحانەو بون.

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

رومیەگان 3:23

چوینکه گشتیەکی گونا کردنه و له جەڵاڵ خودا کەم تیەرن.

یاقوب 1:15

جا هەواوهەوەس که ئێمڵه بود، گونا تیەرێده دنیا و گونایش وەختێ حساوی گەورا بود، مەرگ وه بار تیەرێ.

رومیەگان 5:21

تا هەر ئەوجورە که گونا وەناو مەرگ حوکمرانی کرد، فیزیش له ڕێ سالح بوین حوکمرانی بکێد و له ڕێ خوداوەندمان عیسا مەسیح، وەرەو ژیان ئەبەدی بوێد.

یاقوب 3:2

چوینکه گشتمان وەناو چشتیل فرەێگ خەتا کیم. ئەگەر کەسێگ له قسیه کردن خەتا نەکێ، ئنسان کامڵێگه و تویەنێ هەوسار گشت جەسەێ خویشێ بگرێه دەس.

رومیەگان 5:18

جا هەر ئەوجورە که یەێ خەتا بیه بایس ماکومیەت گشت ئنسانیل، یەێ کردەوەێ سالحانەیش، بوده بایس سالح وه حساو هاتن و ژیان گشت ئنسانیل.

رومیەگان 6:21

وه ئەو وەخته، له وه جێ هاوردن کاریلێ که ئێرنگه له لێان شەرمزارین، چ بەرێگ بردینه؟ چوینکه ئاخر ئەو کاریله مەرگه!

یەکم قورنتییل 15:56

چز مەرگ گوناس و هێز گونایش، شەریعەته.

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.