رومیەگان 5:1 - کتاب مقدس به زبان کردی جنوبی - گویش کلهوری

¹ جا وەخاتر ئیه که له ڕێ ئیمان سالحان وه حساو هاتیمنه، له ڕێ خوداوەندمان عیسا مەسیح وەگەرد خودا ئاشتی و سڵامەتی دێریم.

رومیەگان 5:1 Referans Kwoze

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

نامه وه کولوسییل 1:20

له ڕێ ئەیو گشت چشتێگ چ وه بان زەوی و چ وەناو ئاسمان، وەگەرد خوەێ دوسی بێید، له ڕێ ئاشتی و سڵامەتێگ که وەگەرد ڕشیان خوین ئەیو وه بان سەلیب، وەدی هاورد.

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

رومیەگان 14:17

چوینکه پادشایی خودا خواردن و نوشاین نیه، بەڵکەم سالح بوین و ئاشتی و سڵامەتی و خوەشی وەناو روح‌القودوسه.

دویم تسالونیکییل 3:16

ئیسه، با خوداوەند ئاشتی و سڵامەتی، خوەێ هەمویشه و له هەر باوەتەو وه پێدان ئاشتی و سڵامەتی بوەخشێد. خوداوەند وەگەرد گشتدانەو بود.

یوحەنا 14:27

ئاشتی و سڵامەتی ئەڕادان هیلمه جێ؛ ئاشتی و سڵامەتی خوەم دەمه پێدان. ئەوه که مه دەمه پێدان، جور ئەوه نیه که جهان دەێده پێدان. دڵدان پەشێو نود و ڕخدان نەچود.

رومیەگان 4:5

کەسێگ که کار نیەکێ، بەڵکەم پشت داسه خوداێگ که خودانەناسیل سالحان حساو کەێ، ئیمانێ ئەڕاێ سالح بوین وه حساو تێی.

نامه وه کولوسییل 3:15

با ئاشتی و سڵامەتی مەسیح وەناو دڵدان حوکمفەرما بود، که وه ڕاسی وەناو یەێ جەسه ئەڕا ئی ئاشتی و سڵامەتیه دەنگ کریاینه. شوکر خودا بکێن.

رومیەگان 15:33

خوداێ ئاشتی و سڵامەتی وەگەرد گشتدانەو بود. ئامین.

کاریل ڕەسولەیل 10:36

ئیوه ئەو پێخامه زانین که خودا ئەڕا قەوم ئێسرائیل کل کرد، له ڕێ عیسا مەسیح که خوداوەند گشته، مزگانی ئاشتی و سڵامەتی جار دا.

نامەێ فیلیپییل 3:9

وەناو ئەیو پەێا بوم، نه وەگەرد سالح بوین خوەم که له شەریعەته، بەڵکەم وەگەرد ئەو سالح بوینه که له ڕێ ئیمان وه مەسیح وه دەس تێد، ئەو سالح بوینه که له خوداس و وه ڕوی ئیمانه.

یەکم تسالونیکییل 5:23

با خوداێ ئاشتی و سڵامەتی، خوەێ ئیوه وه تەمامی تەقدیس بکێد و گشت روح و گیان و لەشدان وه ڕوژ هاتنەوەێ خوداوەندمان عیسا مەسیح، بی نەخس بپارێزیەد.

رومیەگان 5:18

جا هەر ئەوجورە که یەێ خەتا بیه بایس ماکومیەت گشت ئنسانیل، یەێ کردەوەێ سالحانەیش، بوده بایس سالح وه حساو هاتن و ژیان گشت ئنسانیل.

لوقا 19:42

وەت: «خوزگەو تنیش وه ئی ڕوژه بزانستیاێ که چ چشتێگ ئەڕاد ئاشتی و سڵامەتی تیەرێ. وەلێ وه داخەو که وه چەویلد شاریاسەو.

رومیەگان 1:7

وه گشت ئەوانه که وەناو شار روم، خودا دوسیان دێرێ و دەنگ کریانه تا له موقەدەسیل بون: فیز و ئاشتی و سڵامەتی لەلاێ خودا، باوگ ئیمه و خوداوەند عیسا مەسیح، وەگەرددانەو بود.

لوقا 19:38

وەتیان: «بمارکه ئەو پادشا که وه ناو خوداوەند تێ! ئاشتی و سڵامەتی و جەڵاڵ و شکو وەناو ئاسمان بەرز بود!»

نامه وە غەلاتییل 2:16

وه ئی حاڵەو زانیمن که ئایەم وەگەرد کردەوەێ شەریعەت سالحان وه حساو نیەتێ، بەڵکەم وه پێ ئیمان وه عیسا مەسیح سالحان وه حساو تێ. جا خوەمانیش وه مەسیح عیسا ئیمان هاوردیمنه تا وەگەرد ئیمان وه مەسیح، سالحان وه حساو بایمن نه وەگەرد کردەوەێ شەریعەت، چوینکه وەگەرد وه جێ هاوردن کردەوەێ شەریعەت کەسێگ سالحان وه حساو نیەتێد.

یوحەنا 20:31

وەلێ ئیانه نویسریاس تا ئیمان بارین که عیسا هەر ئەو مەسیح واده دریایه، کوڕ خودا، تا که وه ئی ئیمانه، وه ناو ئەیو زنەیی بیاشتون.

رومیەگان 10:10

چوینکه وەگەرد دڵه که ئایەم ئیمان تیەرێ و سالحان وه حساو تێد و وەگەرد زوانه که ئێقرار کەێد و نجات پەێا کێ.

رومیەگان 3:30

چوینکه خودا یەکێگە، جا ئی خودا خەتەنه کریایەگان یانێ جویلەکەیل وه پێ بنەواێ ئیمان و خەتەنه نەکریایەگانیش یانێ ناجویلەکەیل له ڕێ هەر ئەو ئیمانه، سالحان وه حساو تیەرێ.

رومیەگان 1:17

چوینکه وەناو ئینجیل، ئەو سالح بوینه که له خوداس ئاشکراوه بود، که له سەرەتا تا وه ئاخر ها مل ئیمان. هەر ئەوجورە که وەناو کتاو حەبەقوق پەێخەمەر نویسریاس: «سالحان وه ئیمان زنەیی کەی.»

عبرانییل 13:20

ئیسه، خوداێ ئاشتی و سڵامەتی که شوان گەوراێ پەسیل یانێ خوداوەند ئیمه عیسا وه خوین ئەو پەێمان ئەبەدیه له مردگیل زنیەو کرد،

ئەفسوسیێل 2:7

تا وه دەورەی وەرەڕوی، دەوڵەمەنی بی ئەنازەی فیز خوەێ، له ڕێ مێرەبانی که وەناو مەسیح عیسا وه ئیمه دێرێ، نیشان بێید.

نامه وە غەلاتییل 3:25

وەلێ ئێرنگه که ئیمان هاتێه، دی وه ژێر دەس یەێ دایه نیمن.

رومیەگان 10:15

چوی بانگەوازی بکەن، ئەگەر کل نەکریەن؟ هەر ئەوجورە که وەناو کتاو ئەشعەیاێ نویسریاس: «چ ڕەنگینه پاێ کەسیلێ که ئەو مزگانیه بانگەوازی کەن.»

رومیەگان 9:30

جا چه بویشیم؟ ناجویلەکەیلێگ که وەشون سالح بوین نوین، ئەوه وه دەس هاوردنه، یانێ ئەو سالح بوینه که له ڕێ ئیمان وه دەس تێی؛

لوقا 2:14

«جەڵاڵ ئەڕا خودا وه ئاسمان بەرز و ئاشتی و سڵامەتی ئەڕا مەردمیلێگ که وەبان زەوی، خودا وه لێان خوەشنوده!»

رومیەگان 3:22

ئی سالح بوینه که له خوداس له ڕێ ئیمان وه عیسا مەسیحه و نسیو گشت ئەوانه بود که ئیمان تیەرن. ئەڕا ئیه که هویچ جیاوازیگ نیه.

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

رومیەگان 5:11

نه تەنیا ئیه، بەڵکەم ئیمەیش له ڕێ خوداوەندمان عیسا مەسیح که ئێرنگه له ڕێ ئەیو وەگەرد خوداوه ئاشتی دریایمن، وەناو خودا شادی کیمن.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،