رومیەگان 4:17 - کتاب مقدس به زبان کردی جنوبی - گویش کلهوری

¹⁷ ئەوجورە که وەناو تەورات نویسریاس: «مه تو کردمەسه باوگ ملەتیل فرەێگ.» له وەر چەو خودایش ئیجورەسه، خوداێ که ئێبراهیم وەپێ ئیمان هاورد، خوداێ که مردگیل زنیەو کەێ و چشتیلی که نیەن، تیەرێده دی.

رومیەگان 4:17 Referans Kwoze

یەکم قورنتییل 1:28

خودا ئەو چشته که وەناو ئی جهانه پایەنزم و سوکه و تەنانەت وه هویچ و پویچن، هەڵوژارد تا چشتیلی که هەن، پویچەڵ بکێ،

یوحەنا 5:21

چوینکه هەر ئەوجورە که باوگ مردگیل زنیەو کەید و زنەیی وەپێان بەخشی، کوڕیش وه هەر کەسێگ که خوەێ بتواێ، زنەیی بەخشی.

یەکم پتروس 2:10

وەرجه ئیه قەومێگ نوین، وەلێ ئێرنگه قەوم خوداین؛ زەمانێگ له بەزەیی ماروم بوین، وەلێ ئێرنگه بەزەیی هاتیەسه پێدانەو.

یوحەنا 6:63

روح خوداس که زنەیی بەخشی؛ جەسه وه هویچ دەردیگ نیەخوێ. قسیەیلی که مه وه گەردانەو کردمه، روح و زنەییه.

رومیەگان 8:11

ئەگەر روح ئەیو که عیسا له مردگیل زنیەو کرد وەناودان نیشتەجێ بود، ئەیو که مەسیح عیسا له مردگیل زنیەو کرد، له ڕێ روح خوەێ که وەناودان نیشتەجێه وه جەسەیلدانیش که مرێ، زنەیی بەخشێد.

یوحەنا 5:25

وه ڕاسی، وه ڕاسی، وەپێدان ئویشم، زەمانێگ رەسێ، بەڵکەم هەر ئیسەسه که مردگیل دەنگ کوڕ خودا شنەفن و کەسیلێگیش که شنەفن، زنیەو بون.

عبرانییل 11:12

ویجوره، له یەێ پیا، ئەوەیشه له کەسێگ که جور مردگێگ وەپێ هاتوی، نەتەوەێگ فره گەورا هەر جور هەسارەیل ئاسمان و جور شنیل لیوەێ دەریا که نیود بژمارێدیان، هاته دنیا.

رومیەگان 3:29

ئێ خودا تەنیا خوداێ جویلەکەیله؟ ئێ خوداێ ناجویلەکەیلیش نیه؟ هەڵبەت که ئەیو خوداێ ناجویلەکەیلیش هەس.

دویم پتروس 3:8

وەلێ ئێ عەزیزەیل، چەودان وه مل ئی ڕاسیه نەوەسن که له لاێ خوداوەند یەێ ڕوژ هەر جور هەزار ساڵه و هەزار ساڵ هەر جور یەێ ڕوژه.

عبرانییل 11:7

وه ئیمان بی که نوح وەختێ که له لاێ خوداوه له باوەت هەڵکەفتیلێ که تا ئەو وەخته نوینریاوید هەڕەشه دریاده پێ، وه ترس و حرمەتەو ئەڕا نجات بنەماڵەگەێ خوەێ کەشتی درس کرد. ئەوه وه ئیمان خوەێ دنیا ماکوم کرد و بیه میراتی خوەر ئەو سالح بوینه که له ڕێ ئیمان تێد.

یەکم نامەێ تیموتاوس 6:13

جا له نوای خوداێگ که وه گشت چشتێگ زنەیی بەخشێد و له لاێ مەسیح عیسا که له شاێەتی خوەێ له لاێ پونتیوس پیلاتوس ئێقرار خاسەگه کرد، ئاموژیارید کەم

رومیەگان 9:26

«درس هەر وه ئەو شونه که وەپێان وەتریا: ”ئیوه قەوم مه نین“، هەر وه ئەو شونه ’کوڕیل خوداێ زنی‘ خوەنریەن.»

یەکم قورنتییل 15:45

ئەوجورە که وەناو تەورات نویسریاس: «ئنسان یەکم، یانێ ئایەم، بیه گیانێگ زنی»؛ ئایەم ئاخر، بیه روحێگ زنەیی دەر.

رومیەگان 4:2

چوینکه ئەگەر ئێبراهیم وه پێ کردەوه سالحان وه حساو هاتوی، چشتێ ئەڕا شانازی کردن داشت؛ وەلێ لەلاێ خوداوه ئیجوره نیه.

کاریل ڕەسولەیل 15:18

کاریلێگ که له جارانەو مالوم بوی.“

ئنجیل مەتا 3:9

له لاێ خوەدانەو‎ نویشن: ”ئێبراهیم پەێخەمەر باپیرمانه.“ چوینکه وەپێدان ئویشم، خودا تویەنێ له ئی کوچگیله ڕوڵەیل ئەڕا ئێبراهیم درس بکێ.

رومیەگان 4:18

وەشونێگ که ئمید نوی، ئێبراهیم وه ڕوی ئمیدەو باوەڕ کرد که باێه بوده باوگ ملەتیل فرەێگ، ئەوجورە که وەتریاویه پێ که «نەتەوەێ تو ئیجوره بود.»

رومیەگان 9:11

- ئەڕا ئیەک ئامانج خودا وەناو هەڵوژاردن بەردەوام بمینێ، نه وەبونەێ کردەوه، بەڵکەم وەبونەێ ئەیو که دەنگ کەێد - وەرجه ئەوه که مناڵیلێ بانه دنیا، یا کار خاس یا خراوێگ بکەن

عبرانییل 11:3

وه ئیمانه که زانیمین جهان وه وەسلەێ کەڵام خودا درس کریا، ئەوجورە که ئەو چشته که دوینرێی له چشتیل دیاری درس نەکریا.