رومیەگان 3:25 - کتاب مقدس به زبان کردی جنوبی - گویش کلهوری

²⁵ هەر ئەو مەسیح عیسا که خودا وەرجەوە دیاری کردوی تا بوده کەفارەت، کەفارەتێگ که وه وەسلەێ خوین ئەیو و له ڕێ ئیمان وه دەس تێی. ئیه ئەڕا نیشان داین دادپەروەری خودا کریا، چوینکه خودا وه سەور خودایی خوەێ، له گونایلێ که وەرجەوە ئەنجام گردوی، چەوێ بەساوی.

رومیەگان 3:25 Referans Kwoze

یەکم یوحەنا 4:10

مابەت هەر ئیەسه، نه ئەوه که ئیمه خودا مابەت کردیمنه، بەڵکەم ئەیو ئیمه مابەت کرد و کوڕەگەێ خوەێ کل کرد تا بوده کەفارەت گونایلمان.

یەکم یوحەنا 2:2

عیسا کەفارەت گونایلمانه، نه تەنیا گونایل ئیمه، بەڵکەم گونایل تەمام جهان.

رومیەگان 5:9

جا ئێرنگه که وەگەرد خوین ئەیو سالحان وه حساو هاتیمنه، چەنێ فرەتر له ڕێ ئەیو له خەزەو خودا نجات پەێا کەیمن.

کاریل ڕەسولەیل 17:30

خودا وه جاران وه ڕوی ئیجور نەزانیگ چەوێ بەسیاد. وەلێ ئێرنگه وه گشت مەردم وه هەر شونێگ دەستور دەی که توبه بکەن.

عبرانییل 10:4

ئەڕا ئیه که خوین گاێیل و بزنیل مەحاڵ که گونایل له بین بوێد.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

عبرانییل 11:7

وه ئیمان بی که نوح وەختێ که له لاێ خوداوه له باوەت هەڵکەفتیلێ که تا ئەو وەخته نوینریاوید هەڕەشه دریاده پێ، وه ترس و حرمەتەو ئەڕا نجات بنەماڵەگەێ خوەێ کەشتی درس کرد. ئەوه وه ئیمان خوەێ دنیا ماکوم کرد و بیه میراتی خوەر ئەو سالح بوینه که له ڕێ ئیمان تێد.

رومیەگان 5:1

جا وەخاتر ئیه که له ڕێ ئیمان سالحان وه حساو هاتیمنه، له ڕێ خوداوەندمان عیسا مەسیح وەگەرد خودا ئاشتی و سڵامەتی دێریم.

وەحی وه یوحەنا 20:15

جا هەر کەسێگ که ناوێ له دەفتەر ژیان نەنویسریاوی، فڕه دریاده ناو دەریاچەێ ئاگر.

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

عبرانییل 11:14

چوینکه ئەوانه که ئیجوره قسیه کەن، ئاشکرا نیشان دەن مینەێ نیشتمانیگ ئەڕا خوێان کەن.

یەکم یوحەنا 1:10

ئەگەر بویشیمن گوناێ نەکردیمنه، ئەیو وه دروزن دایمنەسه قەڵەم و کەڵامەگەێ وه ناومان نیه.

عبرانییل 11:17

وه ئیمان بی که ئێبراهیم وەختێ ئەزمون کریا، ئەسحاق هەر‎ جور قوروانی پیشکەش کرد؛ ئێبراهیم که وادەیل گردویه وەر گورجەو بی تەنیا کوڕەگەێ خوەێ قوروانی بکێد،

عبرانییل 9:5

وەبان سنویقەگه، فریشتەیل کەڕوبی ’جەڵاڵ‘ ساێەڕکی خوستوینه بان تەخت بەزەیی. ئیسه نیەتویەنیم وه وردیەو له باوەت ئی چشتیله قسیه بکێم.

یەکم نامەێ تیموتاوس 1:15

حەقه ئی قسیه تەمام و کەماڵ قەبوڵ بود که مەسیح عیسا هاته جهان تا گوناکاریل نجات بێید، که مه گەوراترین ئەوانەمە.

رومیەگان 5:11

نه تەنیا ئیه، بەڵکەم ئیمەیش له ڕێ خوداوەندمان عیسا مەسیح که ئێرنگه له ڕێ ئەیو وەگەرد خوداوه ئاشتی دریایمن، وەناو خودا شادی کیمن.

رومیەگان 3:26

ئەیو ئیجوره کرد تا دادپەروەری خوەێ وەناو ئی زەمانه نیشان بێی، تا دادپەروەر خوەێ بود و کەسێگیش که وه عیسا ئیمان دێرێ، سالحان وه حساو بارێ.

رومیەگان 2:4

یا دەوڵەمەنی مێرەبانی و سەور و تاموڵ خودا سوکەو کەێد و نیەزانێ که مێرەبانی خودا له ئەو باوەتەسه که تو وەرەو توبه بوێد؟

کاریل ڕەسولەیل 4:28

تا ئەو چشته که دەس توی و خاست خوەد که وەرجەوە دیاری کردوید، وه دی بارن.

کاریل ڕەسولەیل 3:18

وەلێ خودا ئەو چشته که وه زوان گشت پەێخەمەریل پێشگویی کردوی، هاورده دی: که مەسیحەگەێ رەنج کیشێد.

کاریل ڕەسولەیل 15:18

کاریلێگ که له جارانەو مالوم بوی.“

کاریل ڕەسولەیل 2:23

ئی عیسا وه پێ نەخشه و پێشدانی خودا دریاد دەسدانەو، ئیوه وه دەس گوناباریل وه سەلیب کیشاینێ و کوشتینێ.

یوحەنا 6:47

وه ڕاسی، وه ڕاسی، وەپێدان ئویشم، هەر کەس ئیمان بارێ، زنەیی ئەبەدی دێرێ.

کاریل ڕەسولەیل 14:16

وه نەتەوەیل جاران، ئەیو هیشت تا گشت ملەتیل وه ڕێیل خوێان بچن،

رومیەگان 5:18

جا هەر ئەوجورە که یەێ خەتا بیه بایس ماکومیەت گشت ئنسانیل، یەێ کردەوەێ سالحانەیش، بوده بایس سالح وه حساو هاتن و ژیان گشت ئنسانیل.

یەکم قورنتییل 5:7

جا خوەدان له خەویرترش کویەنه پاکەو بکێن تا بوینه خەویر تازه، ئەوجورە که ئیوه وه ڕاسی فەتیرەین. چوینکه مەسیح، وەرک پسەخ ئیمه، قوروانی بیه.

دویم قورنتییل 5:21

خودا کەسێگ که گونا نەناسێ، ئەڕا ئیمه کرده گونا، تا وه یەکەو بون وەگەرد ئەیو بویمنه سالحان خودا.

ئەفسوسیێل 1:7

وەناو مەسیح، ئیمه وه وەسلەێ خوین ئەیو ڕزگاری پەێا کردیمنه، که ئیه هەر ئەو بەخشیان خەتایلمانەسه، که وه پێ دەوڵەمەنی فیز خوەێ،

ئەفسوسیێل 2:13

وەلێ ئێرنگه وەناو مەسیح عیسا، ئیوه که زەمانێگ دویر بین، وه وەسلەێ خوین مەسیح هاوردیاینەسه نزیک.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

وەحی وه یوحەنا 1:5

له لاێ عیسا مەسیح، ئەو شاێەت ئەمینە و یەکم زگ له ناو مردگیل و فەرمانرەواێ پادشایل زەوی، وه ملدانەو بود. وه ئەیو که ئیمەیش دوس دێرێ و وەگەرد خوین خوەێ ئیمه له گونایلمان ڕزگار کردێه و