رومیەگان 3:22 - کتاب مقدس به زبان کردی جنوبی - گویش کلهوری

²² ئی سالح بوینه که له خوداس له ڕێ ئیمان وه عیسا مەسیحه و نسیو گشت ئەوانه بود که ئیمان تیەرن. ئەڕا ئیه که هویچ جیاوازیگ نیه.

رومیەگان 3:22 Referans Kwoze

رومیەگان 10:12

چوینکه له بین جویلەکە و یونانی جیاوازیگ نیه، ئەڕا ئیەک هەر ئەو خوداوەنده، خوداوەند گشتیەکیگه و فره فره بەەرکەت دەێه گشت ئەوانه که ئەیو بچڕن.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

نامه وە غەلاتییل 2:16

وه ئی حاڵەو زانیمن که ئایەم وەگەرد کردەوەێ شەریعەت سالحان وه حساو نیەتێ، بەڵکەم وه پێ ئیمان وه عیسا مەسیح سالحان وه حساو تێ. جا خوەمانیش وه مەسیح عیسا ئیمان هاوردیمنه تا وەگەرد ئیمان وه مەسیح، سالحان وه حساو بایمن نه وەگەرد کردەوەێ شەریعەت، چوینکه وەگەرد وه جێ هاوردن کردەوەێ شەریعەت کەسێگ سالحان وه حساو نیەتێد.

رومیەگان 8:1

جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

نامه وه کولوسییل 3:11

وەناو ئی ئایەم تازه نه یونانی نه جویلەکە نه خەتەنه کریاێ نه خەتەنه نەکریای نه بەربەر نه سەکایی نه خوڵام نه ڕزگار دیتر مانا نێرید، بەڵکەم مەسیح گشت چشتێگەو ها ناو گشتیەکیگ.

نامەێ فیلیپییل 3:9

وەناو ئەیو پەێا بوم، نه وەگەرد سالح بوین خوەم که له شەریعەته، بەڵکەم وەگەرد ئەو سالح بوینه که له ڕێ ئیمان وه مەسیح وه دەس تێد، ئەو سالح بوینه که له خوداس و وه ڕوی ئیمانه.

رومیەگان 2:1

ئمجا تو ئێ ئایەم که یەکیگ تر ماکوم کەی، هەر کەسێگ که هید، هویچ دەسپێچکێگ نێری. چوینکه وه هەر باوەتێ که یەکیگ تر ماکوم کەی، خوەد ماکوم کردیده؛ چوینکه تو که داوەری کەی، خوەد هەر ئەو کاریله کەی.

یاقوب 2:23

ئەو چشته که وەناو تەورات نویسریاس هاته دی که ئویشێ: «ئێبراهیم وه خودا ئیمان هاورد و ئیه ئەڕاێ سالح بوین وه حساو هات،» و ئەوه دوس خودا خوەنریا.

کاریل ڕەسولەیل 15:9

ئەیو وەناو ئیمه و ئەوانه هویچ جیاوازێگ نەنا، بەڵکەم وه ئیمان، دڵیلێان پاکەو کرد.

یەکم قورنتییل 4:7

ئەڕا ئیه که کی توێ سەرتر درس کردێه؟ چه ديری که نەوەخشریاسه پێد؟ جا ئەگەر بەخشریاسە پێد، ئەڕا ئەوجورە شانازی کەی که چماێ نەگردیدەسێ؟

رومیەگان 9:30

جا چه بویشیم؟ ناجویلەکەیلێگ که وەشون سالح بوین نوین، ئەوه وه دەس هاوردنه، یانێ ئەو سالح بوینه که له ڕێ ئیمان وه دەس تێی؛

لوقا 15:22

وەلێ باوگێ وه خوڵامەگانێ وەت: ”زوی بچن! خاسترین بەتیه بارن بکەنه وەرێ. کلکەوانەێگ بکەنه کلکێ و کەوشیش بکەنه پاێ.

کاریل ڕەسولەیل 3:16

وەخاتر ئیمان وه ناو عیسا، ئی پیا که ئیوه دوینین و ناسینێ، ناو عیسا قەوەتی بەخشاس. له ڕێ ئیمان وه ناو ئەیو ئی کاره وەجێ هاتێه. ئەرێ، ئیمان وه عیسا خوداوەند بی که له وەرچەو گشتدان وه تەمامی ساقێەو کردێه.

کاریل ڕەسولەیل 11:12

روح خودا وەپێم وەت که بێ شک و دودڵی وەگەردێان بچم. ئی شەش برایشێ وەگەردم هاتن، ئیمەیش چیمنه ماڵ ئەو پیا.

رومیەگان 1:17

چوینکه وەناو ئینجیل، ئەو سالح بوینه که له خوداس ئاشکراوه بود، که له سەرەتا تا وه ئاخر ها مل ئیمان. هەر ئەوجورە که وەناو کتاو حەبەقوق پەێخەمەر نویسریاس: «سالحان وه ئیمان زنەیی کەی.»

رومیەگان 3:30

چوینکه خودا یەکێگە، جا ئی خودا خەتەنه کریایەگان یانێ جویلەکەیل وه پێ بنەواێ ئیمان و خەتەنه نەکریایەگانیش یانێ ناجویلەکەیل له ڕێ هەر ئەو ئیمانه، سالحان وه حساو تیەرێ.

رومیەگان 4:16

وه ئی بونەسه که واده پاڵەو داسه ئیمان تا وه پێ فیز بود و زمانەتێگ بود ئەڕا گشت نەتەوەێ ئێبراهیم، یانێ نه تەنیا ئەڕا ئەوانه که کەفتنەسه شون شەریعەت، بەڵکەم هەر ئیجوریشه ئەڕا کەسیلێ که وەناو ئیمان ئێبراهیمیش که باوگ گشتمانه، بەشدارن.

رومیەگان 10:4

چوینکه مەسیح بن شەریعەته تا هەر کەس ئیمان بارێ، سالحان وه حساو باێ.

یەکم قورنتییل 12:13

چوینکه گشتمان، چ جویلەکە و چ یونانی، چ خوڵام و چ ڕزگار، وەناو یە روح خوسڵ تەعمید گردیمنه تا یە جەسه درس بکێم؛ جا گشتمان له یە روح نوشایمنه.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

نامه وە غەلاتییل 3:22

وەلێ کتاو موقەدەس وەت که گشت چشتێگ گیرودەێ بەن گوناس، تا ئەو واده که له ڕێ ئیمان وه عیسا مەسیحه‎، بێرێیده ئەوانه که ئیمان دێرن.

ئەفسوسیێل 3:12

ئیمه وەناو مەسیح له ڕێ ئیمانێگ که وەپێ دێریم، تویەنيمن وه ئازای و دڵنیایی وه خودا نزیکەو بویمن.