رومیەگان 2:25 - کتاب مقدس به زبان کردی جنوبی - گویش کلهوری

²⁵ چوینکه خەتەنه وه ڕاسی ئەو وەخته تیەرزێ که شەریعەت وه جێ باری، وەلێ ئەگەر شەریعەت بنێدی ژێر پا، چماێ خەتەنه نەکریایده.

رومیەگان 2:25 Referans Kwoze

نامه وە غەلاتییل 6:15

چوینکه نه خەتەنه بوین چشتێگه و نه خەتەنه نوین؛ ئەو چشته که گرنگه، وه دی هاتن تازەس.

کاریل ڕەسولەیل 7:51

«ئێ مەردمیل ملهوڕ، ئێ کەسیلێ که دڵ و گوشیلدان خەتەنه نەکریاس! ئیوەیش جور باپیریلدان هەر لەنواێ روح‌القودوس پا دینه گەز.

رومیەگان 2:28

چوینکه جویلەکەێ ڕاسەکانی ئەوه نیه که وه شێوه جویلەکە بود و خەتەنەێ ڕاسەکانییش کارێگ وه شێوه و جەسەی نیه.

رومیەگان 2:23

تو که وه شەریعەت شانازی کەی، ئێ وەگەرد ژێر پا ناین شەریعەت، خودا بی حرمەتەو کەی؟

رومیەگان 2:13

چوینکه تەنیا ئەوانەێ که شەریعەت شنەفن لەلاێ خوداوه سالحان نین، بەڵکەم کەسیلێ سالحان وه حساو تیەن که شەریعەت وه کار بەن.

رومیەگان 2:26

جا ئەگەر پیاێگ که خەتەنه نویه، حوکمیل شەریعەت وه جێ بارێ، ئێ خەتەنه کریا وه حساو نیەتێد؟

رومیەگان 2:27

جا ئەوه که وەناو جەسەوه خەتەنه نویه، وەلێ شەریعەت پارێزنێ، تنێ که حوکمیل نویسریای وەناو شەریعەت دێرێ و خەتەنه بویده وەلێ شەریعەت نێده ژێر پا، ماکوم کەێ.

یەکم قورنتییل 7:19

ئەڕا ئیه که خەتەنه کردن یا نەکردنی گرنگ نیه، بەڵکەم وه جێ هاوردن حوکمیل خودا گرنگه.

نامه وە غەلاتییل 6:13

چوینکه تەنانەت ئەوانه که خەتەنه بون خوێان شەریعەت وه جا نيەتیەرن، بەڵکەم توان ئیوه خەتەنه بوین تا شانازی وه جەسەدان بکەن.