رومیەگان 2:2 - کتاب مقدس به زبان کردی جنوبی - گویش کلهوری

² ئیمه زانیمن که داوەری خودا وه سەر کەسیلێ که ئیجور کاریلێ کەن، حەقه.

رومیەگان 2:2 Referans Kwoze

وەحی وه یوحەنا 19:2

چوینکه حوکمەگانێ حەق و داده. وەبونەێ ئیه که سزاێ ئەو داوانپێس گەورا داس هەر ئەوه که زەوی وەگەرد خیزی خوەێ وه گەنیان کیشا و خودا له ئەوه ئنتقام خوین خزمەتکاریل خوەێ گردێه.»

وەحی وه یوحەنا 16:5

ئمجا شنەفتم فریشتەێگ که دەسڵات ئاویل دریاویده پێ، ئیجوره وەت: «توی دادپەروەرید وه ئی حوکمیله که کردیده، تو که هەید و بید، ئێ قودوس؛

رومیەگان 9:14

جا چه بویشیم؟ ئێ خودا دادپەروەر نیه؟ هەڵبەت که ئیجوره نیه!

رومیەگان 2:5

وەلێ تو وەبونەێ کەلەڕەقی و دڵ توبه نەکەرد، خەزەو ئەڕا خوەد، ئەڕا ڕوژ خەزەو گردەو کەی، ڕوژیگ که داوەری دادپەروەرانەێ خودا ئاشکراوه بود.

کاریل ڕەسولەیل 17:31

چوینکه ڕوژیگ دیاری کردێه که وەناوێ له ڕێ پیاێگ که دەسنیشانێ کردێه، جهان داداپەروەرانه داوەری کەێ. جا وەگەرد زنیەو کردنێ له مردگیل، گشتیەکی له ئی کاره دڵنیاوه کردێه.»

رومیەگان 2:1

ئمجا تو ئێ ئایەم که یەکیگ تر ماکوم کەی، هەر کەسێگ که هید، هویچ دەسپێچکێگ نێری. چوینکه وه هەر باوەتێ که یەکیگ تر ماکوم کەی، خوەد ماکوم کردیده؛ چوینکه تو که داوەری کەی، خوەد هەر ئەو کاریله کەی.

رومیەگان 2:3

جا تو ئێ ئایەمێ که کەسیلێ که ئیجور کاریلێ کەن داوەری کەی وەلێ خوەدیش هەر ئەو کاریله کەی، ئێ گومان کەی له داوەری خودا تویەنێ دەر بچید؟