رومیەگان 2:14 - کتاب مقدس به زبان کردی جنوبی - گویش کلهوری

¹⁴ ئەڕا ئیه که هناێ ناجویلەکەیل که شەریعەت نێرن، له ڕوی سریشتێان حوکمیل شەریعەت وه جا تیەرن، ئەوانه هەر چەن شەریعەت نێرن، وەلێ خویان ئەڕا خویان شەریعەتێگن.

رومیەگان 2:14 Referans Kwoze

رومیەگان 2:12

ئەڕا ئیه که گشت کەسیلێ که بی ئیه که شەریعەت داشتوین گونا کردنه، بی شەریعەتیش له بین چن و گشت کەسیلێ که له ژێر شەریعەت گونا کردنه، له ڕێ شەریعەت داوەری بون.

رومیەگان 2:27

جا ئەوه که وەناو جەسەوه خەتەنه نویه، وەلێ شەریعەت پارێزنێ، تنێ که حوکمیل نویسریای وەناو شەریعەت دێرێ و خەتەنه بویده وەلێ شەریعەت نێده ژێر پا، ماکوم کەێ.

ئەفسوسیێل 2:12

وه هویردان بود که وه ئەو وەخته له مەسیح جیا و وەناو قەوم ئێسرائیل غەریوه و له پەێمانیل واده بێگانه بین و بی ئمید و بی خودا وه ئی جهانه دیاینی سەر.

کاریل ڕەسولەیل 17:30

خودا وه جاران وه ڕوی ئیجور نەزانیگ چەوێ بەسیاد. وەلێ ئێرنگه وه گشت مەردم وه هەر شونێگ دەستور دەی که توبه بکەن.

کاریل ڕەسولەیل 10:35

بەڵکەم له هەر ملەتێگ، هەر کەس له خودا ڕخێ بچود و سالحان بود، پەسەن ئەیوه.

رومیەگان 1:32

هەر چەن له حوکم دادپەروەرانەێ خودا ئاگادارن که ئەوانەێ که ئیجور کاریلێ کەن، سزاێان مەرگه، نه تەنیا خوێان ئەو کاریله کەن، بەڵکەم کەسیلێگیش که ئەو کاریله کەن، مور کەن.

یەکم قورنتییل 11:14

ئێ سریشتی خوەێ یاێدان نێی که ئەڕا پیا شەرمزاریه قژی دریژەو بکێ،

نامەێ فیلیپییل 4:8

ئاخرسەر، ئێ برایل، هەر چشتێ که ڕاسه، هەر چشتێ که حرمەت دێرێ، هەر چشتێ که درسه، هەر چشتێ که پاکه، هەر چشتێ که بود دوسی بیاشتوین و هەر چشتێ که تاریفیه. ئەگەر چشتێ هەس که فره خاسه و ئەگەر چشتێ هەس که تیەرزێ ستایشێ بکێ، وه ئی چشتیله فکر بکێن.

کاریل ڕەسولەیل 14:16

وه نەتەوەیل جاران، ئەیو هیشت تا گشت ملەتیل وه ڕێیل خوێان بچن،

رومیەگان 2:15

ئەوانه نیشان دەن که کار شەریعەت وه بان دڵیان نویسریاس، هەر ئەوجورە که وژدانێانیش وه ئیه شاێەتی دێ و فکریلێان وه نوای یەکترەکی یا تاوانبارێان کەێ یا بێتاوان.

یەکم قورنتییل 9:21

له لاێ ناجویلەکەیل که شەریعەت موسای پەێخەمەر نێرن بیمەسه جور ئەوانه، هەر چەن جیا له شەریعەت خودا نویم، بەڵکەم هامه ژێر شەریعەت مەسیح، تا بتوانم ئەوانه که وه ژێر شەریعەت نین وه ئیمان بارم.

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.