رومیەگان 2:10 - کتاب مقدس به زبان کردی جنوبی - گویش کلهوری

¹⁰ وەلێ هەر کەسێگ که خاسێ بکێ، جەڵاڵ و حرمەت و ئاشتی و سڵامەتی بوده نسیوێ، یەکم جار جویلەکە و لەشونی یونانی.

رومیەگان 2:10 Referans Kwoze

یەکم پتروس 1:7

تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

یاقوب 3:13

وەناو ئیوه کامدان زانیاره و فام دێرێ؟ بیلێن تا ئەوه وەگەرد ڕێ رەوشت خاس خوەێ، نیشان بێید، وەگەرد کاریل هامیته وه بێ فیسی که له زانیاری سەرچاوه گری.

رومیەگان 8:6

دەرئەنجام دڵبەساین وه چشتیل جەسەێ، مەرگه، وەلێ دەرئەنجام وەشون کەفتن له چشتیل روحانی، ژیان و ئاشتی و سڵامەتیه.

رومیەگان 2:7

ئەیو زنەیی ئەبەدی بەخشێده کەسیلێ که وەگەرد سەور، کاریل خاس وەجێ تیەرن و هانه شون جەڵاڵ و حرمەت و نەمری؛

لوقا 1:79

تا وه کەسیلێگ که هانه ناو تیەریکی و ژێر ساێەڕ مەرگ، نویر خوەێ بدرەوشێدەو، وه گامیلمان وه ڕێ ئاشتی و سڵامەتی ڕێنمایی بکێ.»

یاقوب 2:22

دوينی که ئیمان و کردەوەێ وه یەکەو کار کردیان و ئیمانێ وەگەرد کردەوەێ کامڵەو بی.

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

رومیەگان 5:1

جا وەخاتر ئیه که له ڕێ ئیمان سالحان وه حساو هاتیمنه، له ڕێ خوداوەندمان عیسا مەسیح وەگەرد خودا ئاشتی و سڵامەتی دێریم.

رومیەگان 2:9

هەر ئایەمێگ که خراوی بکێ تویش بەرد و پەشێوی تێ، یەکم جار جویلەکە و لەشونی یونانی.

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

نامەێ فیلیپییل 4:7

ئاشتی و سڵامەتی خودا که فره بانتر له گشت فامەیله، دڵیل و فکریلدان وەناو مەسیح عیسا پارێزنێد.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

رومیەگان 14:17

چوینکه پادشایی خودا خواردن و نوشاین نیه، بەڵکەم سالح بوین و ئاشتی و سڵامەتی و خوەشی وەناو روح‌القودوسه.

رومیەگان 9:23

تا دەوڵەمەنی جەڵاڵ خوەێ وه دەفریل بەزەیی ئاشکرا بکێ، دەفریلی که وەرجەوە ئەڕا جەڵاڵ گورجەو کردێه؟

رومیەگان 9:21

مەر کویزەدرسکەر حەق نێری که له یە پاخوا خەڕێ، دەفرێگ ئەڕا کاریل گرنگ و دەفرێگ تر ئەڕا کاریل مامولی درس بکێ؟

کاریل ڕەسولەیل 10:35

بەڵکەم له هەر ملەتێگ، هەر کەس له خودا ڕخێ بچود و سالحان بود، پەسەن ئەیوه.

یوحەنا 12:26

ئەگەر کەسێگ خزمەتم کەی، باێه بکەفێه شونم؛ مه له هەر کوره بوم، خزمەتکارەگەمیش ها ئەوره. ئەگەر کەسێگ خزمەتم بکێ، باوگ ئاسمانی سەربەرزێەو کەێ.

لوقا 22:14

وەختێ ئەو ساته رەسی عیسا وەگەرد ڕەسولەیلێ نیشته سەر سفره.

لوقا 19:42

وەت: «خوزگەو تنیش وه ئی ڕوژه بزانستیاێ که چ چشتێگ ئەڕاد ئاشتی و سڵامەتی تیەرێ. وەلێ وه داخەو که وه چەویلد شاریاسەو.

لوقا 12:37

خوەش وه حاڵ خوڵامیلێگ که وەختێ گەورەێان باێدەو، ئەوانه وه خەوەر و هوشیار دوینید. وه ڕاسی، وەپێدان ئویشم، خوەێ ناوقه ئەڕا خزمەت کردنێان بەسێد؛ بەڵێ، تیەرێ نێدیانه سەر سفره و تێدە نوا، له لێان مێواندارێ کەی.

لوقا 9:48

وەپێان وەت: «هەر کەس ئی مناڵه وه ناو منەو قەبوڵ بکێ، مه قەبوڵ کردێه؛ هەر کەیش مه قەبوڵ بکێ، ئەو کەسه قەبوڵ کردێه که مه کل کردێه. چوینکه وەناو ئیوه ئەو کەسه گەوراتره که وه گشتێ بویچگتر بود.»

ئنجیل مەتا 10:13

ئەگەر ئەو ماڵه شایسه بود، بەرەکەت سڵامەگە‎دان تێدە ملێانەو‎ وەلێ ئەگەر شایسه نەون بەرەکەت سڵامەگە‎دان تێدەو ئەڕا خوەدان.

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.

یوحەنا 14:27

ئاشتی و سڵامەتی ئەڕادان هیلمه جێ؛ ئاشتی و سڵامەتی خوەم دەمه پێدان. ئەوه که مه دەمه پێدان، جور ئەوه نیه که جهان دەێده پێدان. دڵدان پەشێو نود و ڕخدان نەچود.

یەکم نامەێ تیموتاوس 1:17

وه ئەو خوداێگ که یەکێگە، پادشاێ دەورەیله، نەمر و نادیاریه، تا دنیا دنیاس حرمەت و جەڵاڵ بود؛ ئامین!

عبرانییل 2:7

ئەوه ئەڕا ماوەێ کەمێگ خوارتر له فریشتەیل درسی کردی، تاج جەڵاڵ و حرمەت نایدەسه بان سەری