Biblia Todo Logo
Bib sou entènèt

- Piblisite -




رومیەگان 2:1 - کتاب مقدس به زبان کردی جنوبی - گویش کلهوری

1 ئمجا تو ئێ ئایەم که یەکیگ تر ماکوم کەی، هەر کەسێگ که هید، هویچ دەسپێچکێگ نێری. چوینکه وه هەر باوەتێ که یەکیگ تر ماکوم کەی، خوەد ماکوم کردیده؛ چوینکه تو که داوەری کەی، خوەد هەر ئەو کاریله کەی.

Gade chapit la Kopi




رومیەگان 2:1
20 Referans Kwoze  

«داوەری نەکەن تا داوەری نەکرێین. ماکوم نەکەن تا ماکوم نوین. بوەخشن تا بوەخشرێن.


جا تو ئێ ئایەمێ که کەسیلێ که ئیجور کاریلێ کەن داوەری کەی وەلێ خوەدیش هەر ئەو کاریله کەی، ئێ گومان کەی له داوەری خودا تویەنێ دەر بچید؟


وەلێ ئێ ئایەم، تو کیێد که وەگەرد خودا دەمقاڵ بکێ؟ «مەر درسکریا وه درسکەرگەێ خوەێ ئویشێ ئەڕا مه ئیجوره درس کردیده؟»


ئێ برایل، خراوی یەکترەکی نەویشن. هەر کەس له براگەێ خوەێ خراو بویشی، یا براگەێ خوەێ ماکوم بکێ، وه ڕاسی وه شەریعەت خراو وەتیه و شەریعەت ماکوم کردێه. وەلێ ئەگەر توی شەریعەت ماکوم بکێ، دیتر نه وەجێ هاوەر شەریعەت، بەڵکەم داوەر ئەویده!


ئێ نەفام، تواێ بزانێ ئەڕا ئیمان بێ کردەوه وەدەرد نەخوەره؟


ئەویش وەپێ وەت: ”ئێ خوڵام بەێکاره، وه پێ قسیەێ خوەد وەپێد حوکم کەم. تو که زانستی پیاێ سەختگرێگم، ئەوه که دا نەنامه و بەمێ و ئەوه که نەکاڵیمه و درەوی کەم،


چوینکه ئێ ژن، له کوره زانید که بایس نیەوێد که شویەگەد نجات پەێا بکێ؟ جا ئێ پیا، له کوره زانید که بایس نجات ژنەگەد ‎نیەویدن؟


عیسا جواو دا: «پیاگه، کی مه وەناو ئیوه کردێەسه قازی یا بەشکەر؟»


ئیمه زانیمن که داوەری خودا وه سەر کەسیلێ که ئیجور کاریلێ کەن، حەقه.


جا چه باێه بویشیم؟ ئێ ئیمه که جویلەکەیمن له باقی مەردم وەزمان خاستره؟ نەخیر! چوینکه ئیمه هەر ئێرنگەیش بخت کردیمنه که گشتیەکی، هەم جویلەکە و هەم یونانی گیرودەێ گونان.


باوەڕێ که له باوەت ئی چشتیله دێرێ، با لەلاێ خوەد و خودا بمینێ. خوەش وه حاڵ کەسێگ که له باوەت ئەو چشته که خوەێ پەسەنی کەێد، داوەری خوەێ نیەکێ.


جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.


Swiv nou:

Piblisite


Piblisite