رومیەگان 16:2 - کتاب مقدس به زبان کردی جنوبی - گویش کلهوری

² تا وەناو خوداوەند، وه لەونی که شایسەێ ئیمانداریل وه مەسیحه، قەبوڵێ بکێن و له هەر چشتێگ که هەوەجی کەفێ پێدان مەیەتی بێین، چوینکه وه فره کەسیل، تەنانەت خود منیش مەیەت فرەێگ داس.

رومیەگان 16:2 Referans Kwoze

نامەێ فیلیپییل 2:29

جا وەناو خوداوەند، ئەوه وه خوەشی تەمام قەبوڵێ بکێن و حرمەت ئیجور کەسیلێگیش بیاشتوین،

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

دویم یوحەنا 1:10

ئەگەر کەسێگ هاته ئەڕا لادان و ئی تالیمه ناورد، ڕێ میەنه ماڵەگەدان یا ڕوی خوەش وەپێ نیشان مەێه‌ن،

نامه وه فیلیمون 1:17

جا ئەگەر مه وه دوس خود زانید، ئەوه هەر ئەوجورە قەبوڵ بکه که چماێ مه قەبوڵ کەید.

نامه وه فیلیمون 1:12

ئەوه که جگر گوشەێ منه وه دواره کلیەو کەم ئەڕا لاد.

تیتوس 2:3

هەر ئیجوره، ژنيل سن و ساڵ دار باێه ڕێ رەوشتیان وه حرمەتەو بود. نەباێه بختکەر بون یا گیرودەێ شراو بون، بەڵکەم باێه ئەو چشتێ که خاسه تالیم بێەن،

دویم تیموتاوس 1:18

خوداوەند وەپێ بوەخشێ که له ئەو ڕوژه له لاێ خوداوەند بەزەیی باێده پێەو. توی خوەد له خزمەتیل فرەێ ئەوه له شار ئەفسوس، خاس ئاگاداری.

یەکم نامەێ تیموتاوس 2:10

بەڵکەم وه تەرکی کاریل خاس بڕەژیەنەو، ئەو جورەکه شایسەێ ژنیلێگه که ئویشن خودا پەرەسن.

نامه وه کولوسییل 4:10

ئاریستارخوس که وەگەردمەو ها زندان، هەر ئیجوره مەرقوس، ئاموزاگەێ بەرنابا، سڵامدان رەسنن. وەرجه ئیه له باوەت مەرقوس وەپێدان سفارش کردمه که ئەگەر باێده ئەڕا لادان، وه گەرمی قەبوڵێ بکێن.

ئەفسوسیێل 5:3

وەلێ نەخواێ تەنانەت قسیەیگ له خیزی یا هەر جور ناپاکی یا تەماێگ له ناودان باێده دەیشت، چوینکه ئیانه ئەڕا ئیمانداریل وه مەسیح مناسو نیه.

رومیەگان 16:23

گایوس که مێواندار من و گشت کلیساس، سڵام رەسنێده پێدان.

رومیەگان 16:9

وه ئوربانوس هاوکارمان وەناو مەسیح و ئستاخیس عەزیزم، سڵام برەسنن.

رومیەگان 16:6

وه مریەم که ئەڕادان زامەت فرەێگ کیشاس، سڵام برەسنن.

رومیەگان 15:7

جا هەر ئەوجورە که مەسیح قەبوڵدان کردێه، ئیوەیش یەکترەکی قەبوڵ بکێن تا خودا جەڵاڵ پەێا بکێ.

کاریل ڕەسولەیل 9:41

پتروس دەسێ گرد و هێزێ دا. ئمجا ئیمانداریل وه مەسیح و بێوه ژنيل چڕێ و زنی سپاردەێ دەسێان.

کاریل ڕەسولەیل 9:39

پتروس وەگەردێان چی و وەختێ ڕەسیه ئەوره، بردنێ باڵاخانەگه. گشت بێوه ژنيل له دەورێ گردەو بوین، گیره کردیان و شەویەگان و دڵنگیلی که دورکاس وەختێ زنی بی دویرانویەی، نیشانی دیان.

کاریل ڕەسولەیل 9:36

وەناو شار یافا شاگردێگ زنەیی کردیا ناوێ تابیتا بی، که وه یونانی بوده دورکاس که وه ماناێ ئاسکه. ئی ژنه هەمویشه خەریک کاریل خاس و مەێەت داین وه کەمدەسیل بی.

ئنجیل مەتا 25:40

ئمجا پادشا جواویان دەێ: ”وه ڕاسی، وەپێدان ئویشم، هەر چی ئەڕا یەکی وه ئی بویچگترین برایلم کردین، ئەڕا مه کردین.“

کاریل ڕەسولەیل 9:13

وەلێ حەنانیا جواو دا: «خوداوەندا، وه فره کەس لەباوەت ئی پیا شنەفتمه که چەنێ وه ئیمانداریل تو له ئورشەلیم خراوی کردێه.

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

رومیەگان 16:15

وه فیلولوگوس، یولیا، نیریاس و خویشکەگەێ و ئولیمپاس و گشت ئیمانداریل وه مەسیح که هانه گەردێانەو سڵام برەسنن.