رومیەگان 15:16 - کتاب مقدس به زبان کردی جنوبی - گویش کلهوری

¹⁶ تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

رومیەگان 15:16 Referans Kwoze

رومیەگان 11:13

ئێرنگه ڕوی دەمم ها گەرد ئیوه ناجویلەکەیل. له ئەوره که من ڕەسول ناجویلەکەیلم، وه خزمەتەگەی خوەم فره شانازی کەم،

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

دویم تیموتاوس 1:11

ئەڕا ئیه که مه هەڵوژاریامه تا بانگەوازیکەر، ڕەسول و ماموستاێ ئی ئینجیله بوم.

یەکم نامەێ تیموتاوس 1:11

تالیمێگ وه ڕوی ئینجیل پڕ جەڵاڵ خوداێ بمارک که وه مه سپاریاس.

عبرانییل 13:16

خاسێ کردن و بەشدار کردن ئەو باقی مەردم وه ئەو چشته که دێرین مەخەنه پشت گوش، چوینکه ئیجور قوروانیيلێگ خودا خوەشنودەو کێ.

رومیەگان 15:18

چوینکه جرئەت نیەکەم له باوەت چشتێگ قسیه بکەم بێجگه ئەو چشته که مەسیح له ڕێ منەو وه جێ هاوردێه تا ناجویلەکەیل ئەڕا گوش تەکانن له ئیمان بارم - وەگەرد قسیەیلم و وەگەرد کاریلم،

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

دویم قورنتییل 5:20

جا سەفیریل مەسیحیم، وه لەونی که خودا له زوان ئیمه ئەڕا ئاشتی دەنگدان کێ. ئیمه لەلاێ مەسیحەو لاڵکیمنه پێدانەو که وەگەرد خودا ئاشتی بکێن.

یەکم قورنتییل 4:1

جا گشتیەکی باێه ئیمه جور خزمەتکاریل مەسیح و کاروەدەسیل رازیل خودا بوینن.

یەکم پتروس 2:5

ئیوەیش خوەدان جور کوچگیل زنی وێنەێ ماڵێگ روحانی نرێینه سەرپاوه تا کاهنیلێگ موقەدەس بوین و وه وەسلەێ عیسا مەسیح، قوروانییل روحانی که خودا قەبوڵێ کەێد، پیشکەش بکێن.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

یەکم تسالونیکییل 5:23

با خوداێ ئاشتی و سڵامەتی، خوەێ ئیوه وه تەمامی تەقدیس بکێد و گشت روح و گیان و لەشدان وه ڕوژ هاتنەوەێ خوداوەندمان عیسا مەسیح، بی نەخس بپارێزیەد.

یەکم تسالونیکییل 2:9

چوینکه ئێ برایل، مێنەت و سەختیمان ها هویردان، که شەو و ڕوژ کار کردیایم تا وەختێگ ئینجیل خودا وەپێدان جار دايمن، سەربار هویچ کامدان نویمن.

یەکم تسالونیکییل 2:2

بەڵکەم ئەو جوره که زانين، هەر چەن وەرجەوە له شار فیلیپی عەزاو دیمن و وه خراوی ڕێ رەوشت وەگەردمانا کریاد، وەلێ وەناو خوداێ خوەمان، ئازای دایمنه خەرج تا وەناوڕاس ئی هەمگه ناکوکیه ئینجیل خودا وەپێدان جار بێیم.

نامەێ فیلیپییل 4:18

من گشت ئەو پویله تاویل گردمه و تەنانەت فرەتر له هەوەجی خوەم دێرم. ئیسه که خەڵاتیلی که ئیوه هناردین له ئەپافرودیتوس تاویل گردمه، له گشت چشتێگ فره فره دێرم. خەڵاتیەگەدان هویرات خوەشبو و قوروانی قەبوڵ کریاێگه که خودا خوەشنود کەێد.

ئەفسوسیێل 2:22

ئیوەیش وەناو مەسیح عیسا وه یەکەو نرێینه سەرپاوه تا بوینه خانگێگ که خودا له ڕێ روح خوەێ وەناوێ نیشتەجێ بود.

ئەفسوسیێل 2:18

چوینکه له ڕێ ئەیو، هەردگمان وەناو یەێ روح دەسمان رەسده لاێ باوگ ئاسمانی.

نامه وە غەلاتییل 3:5

ئێ خوداێ که روح قودوسێ بەخشێده پێدان و موجزەیل وەناودان کەی، ئی کاریله وەبونەێ ئیه‎ کەی که کردەوەێ شەریعەت وه جێ تیەرێن، یا وەبونەێ ئیه که ئیمان وه ئەو چشته هاوردین که شنەفتین؟

دویم قورنتییل 11:23

ئێ خزمەتکار مەسیحن؟ جور شێتیل قسیه کەم، مه فرەتر هەم! له گشت سەختتر کار کردمه، چەن جار فرەتر له ئەوانه کەفتمەسه زندان، له گشت فرەتر قەمچی خواردمه، چەن جار وەگەرد مەرگ ڕوی وه ڕوی بیمه.

دویم قورنتییل 8:5

ئیانه تەنانەت فرەتر له ئەو چشته که ئیمه چەوەڕێ بیمن کار کردن، چوینکه یەکم جار خوێان پیشکەش خوداوەند کردن و ئمجا وه خاست خودا خوێان پیشکەش ئیمەیش کردن.

یەکم قورنتییل 6:19

ئێ نيەزانين که جەسەدان مابەد روح‌القودوسه که ها ناودان و ئەوه له خودا گردينه و دی هن خوەدان نین؟

یەکم قورنتییل 3:5

مەر ئاپولوس کیه؟ پولوس کیه؟ ئەوانه تەنیا خزمەتکاریلێگن که خودا کارێگ داسه دەس هەر کامێان تا ئیوه له ڕێ ئەوانه ئیمان بارین.

رومیەگان 15:29

زانم که وەختێ بامه ئەڕا لادان، وه پڕی بەەرکەت مەسیح تیەم.

رومیەگان 5:5

ئمید نیوده بایس شەرمزاریمان، چوینکه مابەت خودا وه وەسلەێ روح‌القودوس که بەخشریاسە ئیمه، ڕشیاسه ناو دڵمان.

کاریل ڕەسولەیل 22:21

«ئەیو وەپێم وەت: ”بچو؛ کلد کەم ئەڕا جایل دویر، ئەڕا لاێ ناجویلەکەیل.“»

کاریل ڕەسولەیل 20:32

«ئێرنگه ئیوه سپارمه خودا و کەڵام فیز ئەیو، که تویەناس ئیوه وەناو ئیماندان بنێده سەر پاوه و بەەرکەتیلێ که میراتی ئیمانداریل وه مەسیحه، بوەخشێده پێدان.

کاریل ڕەسولەیل 13:2

وەختێ که ئەوانه خوداوەند پەرەسیان و وه ڕوژه بین، روح‌القودوس فەرمایش کرد: «بەرنابا و شائول ئەڕام جیاێانەو بکێن، ئەڕا کارێ که دەنگیان کردمه.»

رومیەگان 15:19

وەگەرد هێز نیشانەیل و موجزەیل، وەگەرد هێز روح خودا - ئەوجورە که له شار ئورشەلیم تا شار ئیلیریکوم دەور دامه و خزمەت ئینجیل مەسیح وه تەمامی، ئەنجام دامه.

رومیەگان 15:20

ئاوەختم هەمویشه ئیه بی که وەشونێگ ئینجیل بانگەوازی بکەم که ناو مەسیح تا ئەو وەخته نەشنەفتنه، تا نەخواێ که وه سەر بنەواێ یەکیگتر، بنیاد بنەم،

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.