رومیەگان 15:13 - کتاب مقدس به زبان کردی جنوبی - گویش کلهوری

¹³ با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

رومیەگان 15:13 Referans Kwoze

رومیەگان 12:12

وەناو ئمید دڵشاد بون، وەناو بەرد سەور بیاشتون و وەناو دوعا بەردەوام بون.

دویم قورنتییل 9:8

جا خودا تویەنێ هەر نیمەتیگ ئەڕادان فرەوه بکێ تا وه گشت چشتێگ ئەڕا هەمویشه گشت هەوەجێیلدان بەراورده بکێ و ئەڕا وەجێ هاوردن هەر کار خاسێگ، وه فراوانی بیاشتوین.

رومیەگان 14:17

چوینکه پادشایی خودا خواردن و نوشاین نیه، بەڵکەم سالح بوین و ئاشتی و سڵامەتی و خوەشی وەناو روح‌القودوسه.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

رومیەگان 15:5

با خوداێگ که سەرچاوەی بەردەوامی و دڵگەرمیه، بوەخشێده پێدان تا ئەوجورە که وەگەرد خاست مەسیح عیسا جور دەرتێد، وەگەرد یەکترەکی هاوفکر بوین،

یوحەنا 14:1

«دڵدان پەشێو نود. وه خودا ئیمان بیاشتون؛ وه منیش ئیمان بیاشتون.

یوحەنا 14:27

ئاشتی و سڵامەتی ئەڕادان هیلمه جێ؛ ئاشتی و سڵامەتی خوەم دەمه پێدان. ئەوه که مه دەمه پێدان، جور ئەوه نیه که جهان دەێده پێدان. دڵدان پەشێو نود و ڕخدان نەچود.

یەکم پتروس 1:8

ئیوه هەرچەن نێنەسێ، وەلێ دوسێ دێرین و هەرچەن ئێرنگه نيوینینێ وەلێ ئیمانه پێ دێرین و له خوەشیگ که نیود شێوێ کرد و پڕ له جەڵاڵه، نیقەڵتوزەو بینه و

عبرانییل 6:11

تاسەێ ئیمه ئیەسه که هەر کامدان هەر ئی غیرەته تا وه ئاخر نیشان بێین تا ئمیددان وه تەمامی وه دی باێ،

یەکم نامەێ تیموتاوس 1:1

له پولوس که وه حوکم نجات دەر ئیمه خودا و ئمیدمان مەسیح عیسا، ڕەسول مەسیح عیساس؛

ئەفسوسیێل 1:2

فیز و ئاشتی و سڵامەتی له لاێ خودا، باوگ ئیمه و خوداوەند عیسا مەسیح، وه ملدانەو بود.

یەکم تسالونیکییل 1:5

ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

یەکم قورنتییل 2:4

جا وتار و پێخامم وەگەرد کەلیمەیل قانێکەر زانیارانەێ جهان نەوەتم، بەڵکەم وەگەرد مدویل روح خودا و هێز خودا وەتمەێ،

رومیەگان 15:19

وەگەرد هێز نیشانەیل و موجزەیل، وەگەرد هێز روح خودا - ئەوجورە که له شار ئورشەلیم تا شار ئیلیریکوم دەور دامه و خزمەت ئینجیل مەسیح وه تەمامی، ئەنجام دامه.