رومیەگان 13:11 - کتاب مقدس به زبان کردی جنوبی - گویش کلهوری

¹¹ بێجگه ئیه ئیوه زانین هاینه ناو چ زەمانێگ. چوینکه ساتێ ڕەسیه که له خەو هەڵسێن، ئەڕا ئیەک ئێرنگه وه بەراورد وەگەرد ئەو وەخته که تازه ئیمان هاوردیم، نجات وه ئیمه نزیکتره.

رومیەگان 13:11 Referans Kwoze

یەکم پتروس 4:7

ئاخر گشت چشتێگ نزیکه؛ جا وه سەر خوەدان زاڵ بون و وه بونەێ دوعایلدان هوشیار بون.

ئەفسوسیێل 5:14

چوینکه هەر چشتێگ که بوینرید، نویره. له ئی باوەته وەتریاس: «ئێ ئەو کەسه که خەفتیدە، له خەو هەڵس، له مردگیل زنیەو به، که مەسیح نویر خوەێ وه سەرد درەوشنێد.»

یەکم قورنتییل 15:34

بانه سەر خوەدان و دیتر گونا مەکەن؛ چوینکه بڕێگ هەن که خودا نیەناسن. ئیه ئەڕا شەرمزاریدان ئویشم.

وەحی وه یوحەنا 22:20

ئەیو که وه ئی چشتیله شاێەتی دێ، ئویشێد: «دڵنیا به و ئی زویه تیەم.» ئامین. بەو، ئێ خوداوەند عیسا!

لوقا 21:28

وەختێ ئی کاریله شرو بود، ڕاس بوسن و سەردان بگرنه بان، چوینکه ڕزگاریدان نزیکەو بیه!»

وەحی وه یوحەنا 22:12

«بنوڕ، و ئی زویه تیەم و دەسخوەشانەێ من ها گەردمەو تا وه هەر کەس وه پێ کارێ که کردێه له جێ بيەمه پێ.

یەکم قورنتییل 10:11

ئێرنگه ئی چشتیله جور نمونەێگ هاته سەریان و نویسریا تا بوده عبرەتێگ ئەڕا ئیمه، چوینکه وەناو ڕوژگاریل ئاخر زنەیی کەیمن.

ئنجیل مەتا 16:3

دەم شەوەکیش ئویشین ”ئیمڕو هەوا خراوه، چوینکه ئاسمان سویەرەو بیه و دەم ناسه یەک.“ ئیوه خاس زانین چوی شێوەێ ئاسمان بخوەنین، وەلێ نیەتویەنین نیشانەیل زەمانیل بخوەنین.

یاقوب 5:8

جا ئیوەیش سەور بیاشتوین و دڵدان قورس بود، چوینکه هاتن خوداوەند نزیکه!

دویم پتروس 3:9

وه پێچەوانەێ گومان بڕێگ، خوداوەند له وه جێ هاوردن وادەێ خوەێ ماتەڵی نیەکەێد، بەڵکەم وه سەور تاموڵدان کەێد، چوینکه نیەتواید کەسێگ له بین بچود بەڵکەم تواید گشت‎یەکی ڕوی بارنه توبه.

دویم پتروس 3:11

جا ئیسه که گشت ئیانه وەئی جوره تویچیەن، ئیوه چوی مەردمیلێگ باێه بوین؟ ها ملدانەو که زنەیی موقەدەس و خودا پەسەنێگ بیاشتوین.

یەکم یوحەنا 2:18

ئێ ڕوڵەیل، سات ئاخر ڕەسیه و هەر ئەوجورە که شنەفتینه ”زد مەسیح“ تێد، ئێرنگەیش فره له زد مەسیحیل هاتنه، وه ئی بونه زانیمن که سات ئاخره.

وەحی وه یوحەنا 1:3

خوەش وه حاڵ کەسێگ که ئی کەڵام نەبوەته خوەنێد و خوەش وه حاڵ ئەوانه که شنەفنێ و ئەو چشته که وه ناو‎ی نویسریاس، وه جێ تیەرن؛ چوینکه وەختەگه نزیکه.

وەحی وه یوحەنا 22:10

ئەو وەخته وه مه وەت: «کەڵام نەبوەت ئی کتاوه مور مەکه چوینکه ئەو وەخته نزیکه.