رومیەگان 12:7 - کتاب مقدس به زبان کردی جنوبی - گویش کلهوری

⁷ ئەگەر خزمەت کردنه، وەناو خزمەت کردنمان. کەسێگ که تالیم دەێ، وەناو تالیمەگەێ.

رومیەگان 12:7 Referans Kwoze

ئەفسوسیێل 4:11

جا ئەیو بی که بەخشی ڕەسولەیل، نەبوەتکەریل، مزگانیدەریل، شوانیل و ماموستایل،

دویم تیموتاوس 4:2

کەڵام بانگەوازی بکێد و وەخت و بی وەخت ئەڕا ئی کاره گورج بوێد و وەگەرد سەور فره و تالیم فره درس، وه درس بوین و گازتاوه و هانداین کار بکێد.

یەکم نامەێ تیموتاوس 5:17

شێخیلێگ که خاس ڕابەری کردوین، شایسەێ حرمەت دو ئەوقرەنه، وه تایبەتی ئەوانه که له کار بانگەوازی و تالیم زامەت کیشن.

کاریل ڕەسولەیل 13:1

وەناو کلیساێ شار ئەنتاکیه چەن گله نەبوەتکەر و ماموستا بین: بەرنابا، شەمعون ماروف وه نیجر، لوکیوس قیرەوانی، مانائن که له ڕەفیقەیل قەدیمی هیرودیس حاکم بی که له مناڵێ وەگەردیەو گەورا بوی وەگەرد شائول.

دویم تیموتاوس 2:24

خزمەتکار خوداوەند نەبایه شەڕ بکێد، بەڵکەم باێه وەگەرد گشتیەکی مێرەبان بود و تویەناێ تالیم و سەور بیاشتوید.

دویم تیموتاوس 2:2

و ئەو چشته که له لاێ شاێەتیل فرەێگ له مه شنەفتی، وه مەردمیل ئەمینێگ بسپار که بتویەنن وه کەسێلێگتر یاێ بێەن.

یەکم نامەێ تیموتاوس 4:16

خاس خاس، هوشده رێ رەوشت زنەیی و تالیم خوەد بو. وەناو ئەوانه بەردەوام بو، که ئەگەر ئیجوره بکێد هەم خوەد و هەم ئەوانه که وه‎ لێد شنەفن نجات دەێ.

یەکم نامەێ تیموتاوس 3:2

و ئی بونه، هێوەتکەر کلیسا نەبایه وەناو زنەیی چشتێگ بیاشتوی که بوده بایس سەرزەنشتێ، شوی وەفادار یەێ ژن بود، هوشیار بود، وەسەرخوێا زاڵ بود، ئاوڕویدار و مێواندار بود و تویەناێ تالیم بیاشتوید؛

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

نامه وه کولوسییل 4:17

وه ئارخیپوس بویشن: «هوشد بود تا خزمەتی که وەناو خوداوەند پەێا کردیده وه کەماڵ برەسنێ.»

نامه وە غەلاتییل 6:6

هەر کەس له کەڵام چشتێگ یاێ گری، باێه ماموستاگەێ له هەر چشت خاسێگ بەشدارەو بکێ.

یەکم قورنتییل 12:28

خودا وەناو کلیسا دانا، یەکم ڕەسولەیل، دویم نەبوەتکەریل، سێیەم ماموستایل؛ وەشونێ هێز موجزەیل، ئمجا خەڵاتییل شەفا داین و مەیەت داین و ئێداره کردن و قسیه کردن وه زوانیلتر.

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

کاریل ڕەسولەیل 20:20

ئیوه زانين وه هەر چی که ئەڕادان فایده داشتیه دریخ نەکردمه، بەڵکەم پێخامەگه وەپێدان بانگەوازی کردمه، چ وەناو جەم و چ وەناو ماڵيلدان تالیمدان دامه.

کاریل ڕەسولەیل 6:1

وه ئەو ڕوژیله که شاگردیل فرەوه بویان، جویلەکەیل یونانی زوان وه سەر جویلەکەیل عبرانی زوان خوتەخوت کردیان که بێوه ژنیلیان له بەش نان ڕوژانه بی نسیو مینن.

یوحەنا 3:2

یەێ شەو ئی پیا هاته ئەڕا لاێ عیسا و وەته پێ: «ماموستا، زانیمن تو ماموستاێگی که لەلاێ خوداوه هاتیدە، چوینکه کەس نیەتویەنی ئی نیشانه و موجزەیله بکێ که توی کەید، مەر ئیه که خودا وەگەردێەو بود.»

ئنجیل مەتا 28:19

جا بچن، گشت ملەتیل بکەنه شاگرد، وه ناو باوگ و کوڕ و روح‌القودوس خوسڵ تەعمیدیان بێەن،

یەکم قورنتییل 12:5

خزمەتیل جورواجورن، وەلێ خوداوەند هەر ئەوەسه؛

یەکم قورنتییل 14:26

جا ئێ برایل مەبەست چەس؟ وەختێ که وه دەور یەکەو گردە‎و بوین، هەر کەس بەیتێگ، تالیمێگ، وەحیێگ، قسیه کردن وه زوانێگتر یا هەڵوگەرداننێ دێرێ. ئیانه گشتێ باێه ئەڕا بنیاد ناین کلیسا وه کار بچود.