رومیەگان 12:3 - کتاب مقدس به زبان کردی جنوبی - گویش کلهوری

³ چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.

رومیەگان 12:3 Referans Kwoze

نامه وە غەلاتییل 6:3

چوینکه ئەگەر ئایەمێگ هەرچەن کەسێگ نیه و خوەێ وه ئایەم گەوراێگ بزانێ، دێرێ خوەێ گول دی.

یەکم پتروس 5:5

هەرئیجوره ئیوه ئێ جوانیل، له شێخیل گوش بتەکنن. گشتدان وەناو ڕێ رەوشتدان وەگەرد یەکترەکی دڵنگ بێ فیسی بکەنه وەردان چوینکه، «خودا وه نوای لویتبەرزەیل وسێد، وەلێ وه بێ فیسیل فیز بەخشێد.»

رومیەگان 12:16

وەگەرد یەکترەکی بسازن! لویتبەرز نەون، بەڵکەم وەگەرد ئایەمیل پایەنزم، هات بچو بکەن. هویچ وەخت خوەدان وه زانا میەنه قەڵەم.

یەکم پتروس 5:8

جا هوشیار بوین، هوشدان بود. دشمەندان ئبلیس هەر جور شێرێگ که قیڕنێد و خڕ خوێد وەشون کەسێگ گەردێد تا قویرتی بێید.

یەکم پتروس 4:7

ئاخر گشت چشتێگ نزیکه؛ جا وه سەر خوەدان زاڵ بون و وه بونەێ دوعایلدان هوشیار بون.

یاقوب 4:6

وەلێ فیزێگ که خودا بەخشێد، فڕه فرەترە. وەئی بونه وەناو کتاو مەسلەتیل سلێمان پادشا، نویسریاس: «خودا لەنواێ لویتبەرزیل وسێد، وەلێ وه بێ فیسیل فیز بەخشێد.»

یەکم پتروس 4:11

هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.

یەکم قورنتییل 7:17

تەنیا بیلێن هەر کەس ئەوجورە که خوداوەند ئەڕاێ دیاری کردێه و خودا ئەڕا ئەوه دەنگێ کردێه زنەیی بکێ. ئیه یاساێگه که من وەناو گشت کلیسایل حوکمه پێ کەم.

تیتوس 2:12

وه ئیمه یاێ دەێ که خودانەناسی و هەواوهەوەسیل دنیایی بنیمنه لا، وەگەرد زاڵ بوین وەسەرخوەمان و درسی و خوداترسی له ئی دەوره زنەیی بکێم و

تیتوس 2:2

پیاێل سن و ساڵ دار باێه هوشیار و سەنگین ڕەنگین بون و وەسەرخوێان زاڵ بون و وه ناو ئیمان و مابەت و بەردەوامی وه شایسەێ بیەنەسەر.

دویم قورنتییل 12:7

وەلێ ئەڕا ئیه که گەورایی بی ئەنازەی ئی وەحیێله لویتبەرزم نەکێ، دڕگیگ وەناو جەسه دریاسه پێم، جور کل کریاێ شەیتان، تا عەزاوم بێی، تا که لویتبەرز نەوم.

رومیەگان 11:20

ڕاس ئویشێ. ئەوانه وه بونەێ بی ئیمانیێان بڕیانه، وەلێ توی له ڕێ ئیمان بەردەوامی. جا لویتبەرز نەو بەڵکەم ڕخد بچود.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.

تیتوس 2:4

تا وه ژنيل جوان یاێ بێەن که شوی دوس و مناڵ دوس بون و

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

یوحەنا 3:34

چوینکه ئەوه که خودا کلی کردێه، کەڵام خودا وه زوان تیەرێ، چوینکه خودا روح خوەێ بی ئەنازه بەخشێد.

ئەفسوسیێل 4:16

له ئەیوه که گشت جەسه، وه وەسلەێ هەر مەفسەلیگ که ئەڕا ئەوانه گورجەو بیه، بەسیەنه قێ یەک و یەکترەکی گرن. جا وەختێ هەر ئەنامێگ درس کار بکێ، بایس بود جەسه گەورا بود تا خوەێ وەناو مابەت بنێدەێ سەر پاوه.

لوقا 18:11

فەریسیەگه هەڵساده سەر پاوه و ئیجوره دوعا کرد: ”خودایا، سپاسد کەم که جور باقی مەردمیل بەێکاره و دز و خیز، یا تەنانەت جور ئی باجگره نیم.

تیتوس 2:6

هەر ئیجوره پیاێل جوانیش ئاموژیاری بکه تا وەسەر خوێان زاڵ بون.

یەکم نامەێ تیموتاوس 2:15

وەلێ ژنيل وەگەرد مناڵ هاوردن ڕزگار بون، ئەگەر ئەوانه وەگە‎رد وەسەرخوێان زاڵ بوین وەناو ئیمان و مابەت و موقەدەس بوین، بەردەوام بمینن.

یەکم نامەێ تیموتاوس 2:9

هەر ئیجوره توام که ژنيل دڵنگیل شایسه بکەنه وەریان و خوێان وەگەرد حەیا و حرمەت و وەسەرخوێان زاڵ بوین بڕەژننەوه، نه وه قژیل چنیاێ یا تەڵا و مرواری یا دڵنگیل گران قیمەت،

یەکم نامەێ تیموتاوس 1:14

فیز خوداوەند ئیمه له ڕێ ئیمان و مابەتێگ که وەناو مەسیح عیسا پەێا بود، فره فره ڕشیاده ملمانا.

ئەفسوسیێل 3:4

وەگەرد خوەنین ئەوه تویەنين وه چەن و چوین دەرک من له راز مەسیح پێ بوین،

دویم قورنتییل 12:13

وه بەراورد وەگەرد باقی کلیسایل، چ ستەمێگ له حەقدان بیه، بێجگه ئیەک هەراێهەر بارێگ وه سەر کوڵدان نویمه؟ ئەڕا ئی هەڵەمه بوەخشینەم!

یەکم قورنتییل 3:10

وه پێ فیزێگ که خودا بەخشاسه پێم، جور بەناێگ کار زان بنەواێگ دامەزرانم و یەکیگ تر وه سەری بنیاد نی. وەلێ هەر کەس باێه ئاگادار بود که چوی درسێ کەێد.

رومیەگان 11:25

ئێ برایل، نیەتوام له ئی رازه بی خەوەر بوین - نەخواێ خوەدان وه زانا بزانین - دڵڕەقی وه بەشێگ له ئێسرائیل حوکم فەرما بیه، تا وەختێ که ژمارەێ ناجویلەکەیلێگ که وه مەسیح ئیمان تیەرن، کامڵەو بود.

سێیەم یوحەنا 1:9

یەێ چشت ئەڕا کلیسا نویسامه، وەلێ دیوترفیس که دوس دێرێ جیگەێ یەکم داشتوی، دەسڵات ئیمه قەبوڵ نیەکێ.

نامه وه کولوسییل 2:13

ئیوه که وەناو خەتایلدان و خەتەنه نوین جەسەدان مردوین، خودا ئیوه وەگەرد مەسیح زنیەو کرد. ئەیو گشت خەتایلمان بەخشا.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

ئەفسوسیێل 3:2

گومان کەم ئیوه له باوەت کاروەدەسێ فیز خودا که ئەڕادان بەخشریاسە مه، شنەفتینه،

دویم قورنتییل 10:13

وەلێ ئیمه فره وه خوەمان شانازی نیەکيمن بەڵکەم ئەوقره که خودا ئەڕامان دیاری کردێه، ئیه ئیوەیش گریده وەر.

نامەێ فیلیپییل 2:13

چوینکه خوداس که ئەڕا خوەشنودی خوەێ وەناو ئیوه کار کەید، هەم وەناو خاست و هەم وەناو کردەوه.