رومیەگان 1:8 - کتاب مقدس به زبان کردی جنوبی - گویش کلهوری

⁸ وەرجه هەر چشتێ، له ڕێ عیسا مەسیح، وەبونەێ گشتدان سپاس خوداێ خوەم کەم چوینکه ئیماندان وه گشت کورەێ دنیا دەنگ داسەو.

رومیەگان 1:8 Referans Kwoze

رومیەگان 16:19

چوینکه دەنگ گوش تەکانندان وەناو گشتیەکی پێچیاس؛ جوری که له باوەت ئیوه فره خوەشاڵم. وەلێ لەلێدان توام له باوەت هەر چشتێگ که خاسه زانیار و له باوەت هەر چشتێگ خراوه، ساده بوین.

یەکم قورنتییل 1:4

مه هەمویشه ئەڕا ئیوه سپاس خوداێ خوەم کەم، وەبونەێ فیز خودا که وەناو مەسیح عیسا بەخشریاسە پێدان.

رومیەگان 6:17

وەلێ سپاس ئەڕا خودا که هەر چەن یەێ وەختێگ خوڵامیل گونا بین، وەلێ وه قوڕن دڵ مل ناینەسه ژێر ئەو تالیمه که وەپێ سپاریاین.

یەکم پتروس 4:11

هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.

یەکم پتروس 2:5

ئیوەیش خوەدان جور کوچگیل زنی وێنەێ ماڵێگ روحانی نرێینه سەرپاوه تا کاهنیلێگ موقەدەس بوین و وه وەسلەێ عیسا مەسیح، قوروانییل روحانی که خودا قەبوڵێ کەێد، پیشکەش بکێن.

عبرانییل 13:15

جا باین له ڕێ عیسا یەێ‌سەر قوروانی سپاس پیشکەش خودا بکێم. ئی قوروانیه، هەر ئەو بەر دەم و لیویلێگه که ناو ئەیو وه زوان تیەرن.

نامه وه کولوسییل 1:3

ئیمه هەمویشه له وەخت دوعا ئەڕا ئیوه، خودا، باوگ خوداوەندمان عیسا مەسیح شوکر کیم،

نامەێ فیلیپییل 1:3

هەر وەخت تیەرمەدانه هویرم، سپاس خوداێ خوەم کەم.

ئەفسوسیێل 1:15

وه ئی بونه، چوینکه مه له باوەت ئیمان ئیوه وه خوداوەند عیسا و مابەتدان وه گشت ئیمانداریل وه مەسیح شنەفتم،

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

ئەفسوسیێل 5:20

هەمویشه و ئەڕا گشت چشتێگ وه ناو خوداوەندمان عیسا مەسیح، سپاس خوداێ باوگ بکەن.

ئنجیل مەتا 24:14

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.

ئەفسوسیێل 3:21

جا وه ئەیو وەناو کلیسا و وەناو مەسیح عیسا، له گشت نەتەوەیل، تا ئەبەد و تا ئەبەد جەڵاڵ بود! ئامین.

کاریل ڕەسولەیل 11:28

یەکی له ئەوانه که ناوێ ئاگابوس بی، هەڵساد و وه ڕێنمایی روح‌القودوس پێشگویی کرد که قاتوقڕی سەختێگ سەرئانسەر جهان گرێده وەر. ئی قاتوقڕیه وه دەوران حوکومەت کلودیوس هەڵکەفت.

لوقا 2:1

وه ئەو ڕوژیله، ئاگوستوس قیسەر روم، حوکمێگ دا تا گشت مەردمیلی که وه ژێر فەرمان روم بین سەرژماری بون.

کاریل ڕەسولەیل 28:22

وەلێ خوەشمان تێ له خوەد بشنەفیمن، چوینکه زانیمن که مەردم له هەر شونێگەو باس خراوی ئی فرقه کەن.»

رومیەگان 10:18

وەلێ پرسم: ئێ نەشنەفتنه؟ هەڵبەت که شنەفتنه، چوینکه وەناو کتاو زەبور نویسریاس: «دەنگیان وەناو سەرئانسەر زەوی پەخشەو بیه و کەڵامیان تا ئەو پەر جهان ڕەسیه.»

دویم قورنتییل 2:14

وەلێ سپاس ئەڕا خودا که هەمویشه ئیمه وەناو مەسیح، وەناو ڕز سەرکەفتێیل خوەێ بید و هەویرات خوەش ماریفەت له ڕێ ئیمه وه گشت‎کوره پەخشەو کێ.

ئەفسوسیێل 1:16

له شوکر کردن ئەڕا ئیوه واز نیەتێەرم و یەێ‌سەر له دوعایل خوەم تیەرمەدانه هویرم

یەکم تسالونیکییل 1:2

ئیمه هەمویشه وه خاتر گشتدان شوکر خودا کیم و یەێ‌سەر له دوعایلمان ناودان تیەرێم،

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

دویم تسالونیکییل 1:3

ئێ برایل، ئیمه باێه هەمویشه وەبونەێ ئیوه سپاس خودا بکێم و درسیشێ هەر ئیەسه، چوینکه ئیمان ئیوه فره فره گەوراوه بود و مابەت هەر کامدان وه یەکترەکی فرەوه بود.

دویم تیموتاوس 1:3

وەختێگ شەو و ڕوژ، یەێ‌سەر توی له ناو دوعایلم تیەرمه هویرم، سپاس خودا کەم، خوداێگ که منیش هەر‎ جور باپیریلم وەگەرد وژدان پاکێگەو خزمەتی کەم.

نامه وه فیلیمون 1:4

مه هەر وەختێگ وەناو دوعایلم تو تیەرمه هویرم، هەمویشه سپاس خوداێ خوەم کەم،