رومیەگان 1:30 - کتاب مقدس به زبان کردی جنوبی - گویش کلهوری

³⁰ بختکەرن، کەسیلێگن که قینێان له خودا تێ، بێ شەرم، لویتبەرز و خودپەرەسن. ئەڕا وه جێ هاوردن کاریل شەڕئاشویی، ڕێیل تازه درس کەن. ملچەفتەوکەر وه داڵگ و باوگ،

رومیەگان 1:30 Referans Kwoze

دویم تیموتاوس 3:2

مەردمیل خود‎پەرەس، پویلدوس، قتقوز، لویتبەرز، خراودەر، ملچەفتەوکەر وه داڵگ و باوگ، قێر نەزان، ناپاک،

یەهودا 1:16

ئیانه خوتەخوتکەر و گلەییکەرن و کەفتنەسه شون ئاوەختیێل گونابار خوێان؛ قوڕات قوین و وەبونەێ وه دەس هاوردن نەف خوێان پشت بڕێگ گرن.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

یاقوب 4:16

ئیوه وه لویتبەرزیدان شانازی کین. گشت ئیجور شانازییله، خراوه!

یاقوب 3:5

وه ئیجوره، زوانیش ئەنامێگ بویچگه، وەلێ قوڕاتیل قویێگ دێرێ. ترویسکەێ بویچگیگ چ دارسانیل گەوراێگ ئاگر دەێ.

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

دویم تسالونیکییل 2:4

ئەوه له نوای هەر چی که خودا خوەنریەد و پەرەسیەد، وسێد و خوەێ نێده بانتر، جوری که له ناو مابەد خودا دانیشێد و خوەێ وه خودا ناسنێد.

دویم قورنتییل 10:15

ئیمه حەد خوەمان پارێزنیم و وه کاریلێ که کەسیلتر کردنه شانازی نیەکیم. وەلێ ئمیدمان ئیەسه که هەر چ ئیماندان فرەتر بود، پاناێ خزمەتمان وەناو ئیوەیش فرەترەو بود،

رومیەگان 3:27

جا ئەگەر ئیجورەسه وه چه شانازی کیم؟ وه هویچ چشتێگ! وه پێ چ شەریعەتێگ؟ وه پێ شەریعەت کردەوه؟ نه، بەڵکەم وه پێ شەریعەت ئیمان.

رومیەگان 2:23

تو که وه شەریعەت شانازی کەی، ئێ وەگەرد ژێر پا ناین شەریعەت، خودا بی حرمەتەو کەی؟

رومیەگان 2:17

وەلێ ئەگەر تو خوەد وه جویلەکە زانید و پاڵەو دایدەسه شەریعەت و ئەڕا ئیه که خودا ناسی وه خوەد شانازی کەی و

کاریل ڕەسولەیل 5:36

چەن وەخت پێش، پیاێگ تئوداس ناو هەڵساد که خوەێ وه کەسێگ زانستیا، نزیک چوارسەد نەفەریش وه دەور خوەێ گردەو کرد. وەلێ ئەوه کوشریا و ئەوانه که کەفتوینه شونێ گشتێان تەفرتوینا بین.

لوقا 21:16

تەنانەت داڵگ و باوگ و برایلدان، خزمیل و دوسیلدان، ئیوه دەنه دەس دشمەن و بڕێگ له لێدان کوشن.

ئنجیل مەتا 16:21

وه ئەو وەخته عیسا شرو کرد ئاگادار کردن شاگردەگانێ که باێه بچوده ئەڕا شار ئورشەلیم، وه ئەوره وه دەس شێخیل و سەران کاهنیل و ماموستایل تەورات رەنج فرەێگ بکیشێ و بکوشرێی و وه ڕوژ سێیەم زنیەو بود.

ئنجیل مەتا 15:4

چوینکه خودا حوکم کرد: ”حرمەت داڵگ و باوگد بگر،“ هەر ئیجوریشه ”هەر کەس خراو بیده داڵگ یا باوگێ، مەرگ حەقیه.“

یوحەنا 7:7

جهان نیەتویەنی له ئیوه قینێ باێ، وەلێ له مه قینێ تێ، چوینکه مه له باوەتێەو شاێەتی دەم که کاریلێ گەنه.

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.