رومیەگان 1:20 - کتاب مقدس به زبان کردی جنوبی - گویش کلهوری

²⁰ چوینکه هەر له ئەو وەخته که جهان وه دی هات، سفەتیل نادیاری خودا، یانێ هێز ئەبەدی و خودابوینێ، وەناو چشتیلی که درس کردێه، خاس بو بوینیدێ. جا هویچ دەسپێچکێگ ئەڕا ئەوانه نیه.

رومیەگان 1:20 Referans Kwoze

رومیەگان 1:19

چوینکه ئەو چشته که لەباوەت خودا بود بناسی ئەڕاێان ئاشکراس، ئەڕا ئیه که خودا ئەوه نیشانیان داس.

رومیەگان 2:15

ئەوانه نیشان دەن که کار شەریعەت وه بان دڵیان نویسریاس، هەر ئەوجورە که وژدانێانیش وه ئیه شاێەتی دێ و فکریلێان وه نوای یەکترەکی یا تاوانبارێان کەێ یا بێتاوان.

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

یوحەنا 15:22

ئەگەر ناتیام و ئەڕاێان قسیه نەکردیام، گوناێگ نیاشتن؛ وەلێ ئێرنگه دیتر دەسپێچکێگ ئەڕا گونایلێان نێرن.

یەکم نامەێ تیموتاوس 1:17

وه ئەو خوداێگ که یەکێگە، پادشاێ دەورەیله، نەمر و نادیاریه، تا دنیا دنیاس حرمەت و جەڵاڵ بود؛ ئامین!

نامه وه کولوسییل 2:9

چوینکه گشت پڕی خودا بوین، وه شێوەێ جەسەێ وەناو مەسیح نیشتەجێه،

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

رومیەگان 2:1

ئمجا تو ئێ ئایەم که یەکیگ تر ماکوم کەی، هەر کەسێگ که هید، هویچ دەسپێچکێگ نێری. چوینکه وه هەر باوەتێ که یەکیگ تر ماکوم کەی، خوەد ماکوم کردیده؛ چوینکه تو که داوەری کەی، خوەد هەر ئەو کاریله کەی.

نامه وه کولوسییل 1:15

ئەیو وێنەێ خوداێ نادیاریه، یەکم زگ، نواتر و بانتر له گشت درسکریایل خوداس،

یەکم نامەێ تیموتاوس 6:16

وه ئەیو که تەنیا وجود نەمریگه و له ناو نویریگ نیشتەجێه که کەس نیەتویەنێ وه ئەیو نزیکەو بود، ئەیو که هویچکەسێگ نێە‎سەێ و نیەتویەنێد بوینێدەێ، وه ئەیو حرمەت و حوکمرانی ئەبەدی بود. ئامین.

رومیەگان 16:26

وەلێ ئێرنگه ئاشکراوه بیه و له ڕێ نویسرایەگان پەێخەمەریل، وه پێ حوکم خوداێ ئەبەدی، وه گشت ملەتیل ئاشکرا بیه تا ئەوانه ئیمان بارن و گوش بتەکنن.

کاریل ڕەسولەیل 17:29

«جا چوینکه نەتەوەێ خودایم، نەبایه ئیجوره فکر بکێم که خودا بوین جور تەڵا یا نقره یا کوچگیگه، که وەگەرد هونەر و تویەنایی ئایەم وێنەێ پێکەرێگ تاشیاوی.

عبرانییل 11:27

وه ئیمان بی که موسا مسر هیشته جێ و له توڕەیی پادشا ڕخێ نەچی، چوینکه ئەوه جور کەسێگ که خوداێ نادیاری هەمویشه له وەر چەویل خوەێ دوینید، بەردەوام بی.

ئنجیل مەتا 5:45

تا بوینه ڕوڵەیل باوگدان که ها ناو ئاسمان. چوینکه ئەیو خوەر خوەێ وه مل خراویل و خاسیل هەڵ تیەرێ و وارانیشی وه مل دادپەروەریل و ستەمکەریل وارنێ.

کاریل ڕەسولەیل 22:1

«ئێ برایل و باوگیل، ئێرنگه گوش بێەنه دەفای که له خوەم کەم.»

مەرقوس 10:6

وەلێ له شرو وه دی هاتن دنیا، خودا ”ئیانه پیا و ژن وه دی هاورد.“

یەکم قورنتییل 1:20

وه ڕاسی، زانیار ها کوره؟ ماموستاێ دین ها کوره؟ باسکەر ئی دەوره ها کوره؟ مەر خودا، زانیاری ئی جهانه پویچەو نەکردیه؟