رومیەگان 1:18 - کتاب مقدس به زبان کردی جنوبی - گویش کلهوری

¹⁸ چوینکه خەزەو خودا له ئاسمان ئاشکرا بود وه سەر هەر لەون خودانەناسی و نادرسێ ئایەمیلێگ که وەگەرد نادرسێ خوێان، نوای ڕاسی گرن.

رومیەگان 1:18 Referans Kwoze

ئەفسوسیێل 5:6

نێلن کەسێگ وەگەرد قسیەيل پویچ گولدان بێی، چوینکه وەبونەێ ئی چشتیلەسه که خەزەو خودا تێده سەر مناڵیل ملچەفتەوکەر.

رومیەگان 1:32

هەر چەن له حوکم دادپەروەرانەێ خودا ئاگادارن که ئەوانەێ که ئیجور کاریلێ کەن، سزاێان مەرگه، نه تەنیا خوێان ئەو کاریله کەن، بەڵکەم کەسیلێگیش که ئەو کاریله کەن، مور کەن.

نامه وه کولوسییل 3:6

وه سەوەو هەر ئیانەسه که خەزەو خودا وه سەر مناڵیل ملچەفتەوکەر ڕشێید.

دویم تسالونیکییل 2:10

هەر ئیجوره ها گەرد گشت جور شەڕئاشویی، که ئەوانه که هانه ڕێ نابودی، گول دەێد. ئیانه وه ئەو خاتره له بین چن که نەتواسن ڕاسی دوس بیاشتون و ئیجوره نجات پەێا بکەن.

رومیەگان 6:13

ئەنامیل جەسەدان نیەنه دەس گونا تا بونه وەسیلەێگ ئەڕا نادرسێ، بەڵکەم جور کەسیلێ که له مەرگ وەرەو زنەیی هاتنەسەو، خوەدان بێەنه دەس خودا و ئەنامیل جەسەدان بێەنه دەس خودا تا بونه وەسیلەێگ ئەڕا سالح بوین.

رومیەگان 5:9

جا ئێرنگه که وەگەرد خوین ئەیو سالحان وه حساو هاتیمنه، چەنێ فرەتر له ڕێ ئەیو له خەزەو خودا نجات پەێا کەیمن.

رومیەگان 4:15

چوینکه شەریعەت خەزەو خودا تیەرێ؛ وەلێ شونێ که شەریعەت نیه، دەس دریژی له شەریعەتیش نیه.

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

رومیەگان 2:3

جا تو ئێ ئایەمێ که کەسیلێ که ئیجور کاریلێ کەن داوەری کەی وەلێ خوەدیش هەر ئەو کاریله کەی، ئێ گومان کەی له داوەری خودا تویەنێ دەر بچید؟

رومیەگان 1:19

چوینکه ئەو چشته که لەباوەت خودا بود بناسی ئەڕاێان ئاشکراس، ئەڕا ئیه که خودا ئەوه نیشانیان داس.

رومیەگان 5:6

ئەڕا ئیه که وەختێ هێمراێ ئیمه بێ هاز بیمن، مەسیح له وەخت مناسوێگ ئەڕا خودانەناسیل گیان خوەێ دا.

رومیەگان 3:9

جا چه باێه بویشیم؟ ئێ ئیمه که جویلەکەیمن له باقی مەردم وەزمان خاستره؟ نەخیر! چوینکه ئیمه هەر ئێرنگەیش بخت کردیمنه که گشتیەکی، هەم جویلەکە و هەم یونانی گیرودەێ گونان.

دویم تسالونیکییل 2:6

ئیوه زانين که ئێرنگه چ چشتێگ نوای گری و سەوەو بود که ئەوه تەنیا له وەخت مناسو خوەێ ئاشکرا بود.