رومیەگان 1:14 - کتاب مقدس به زبان کردی جنوبی - گویش کلهوری

¹⁴ مه خوەم هەم وه یونانیەگان و هەم وه بەربەریل، هەم ئایەمیل زانا و هەم ئایەمیل نەزان قەرددار زانم.

رومیەگان 1:14 Referans Kwoze

نامه وه کولوسییل 3:11

وەناو ئی ئایەم تازه نه یونانی نه جویلەکە نه خەتەنه کریاێ نه خەتەنه نەکریای نه بەربەر نه سەکایی نه خوڵام نه ڕزگار دیتر مانا نێرید، بەڵکەم مەسیح گشت چشتێگەو ها ناو گشتیەکیگ.

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

کاریل ڕەسولەیل 22:21

«ئەیو وەپێم وەت: ”بچو؛ کلد کەم ئەڕا جایل دویر، ئەڕا لاێ ناجویلەکەیل.“»

رومیەگان 12:16

وەگەرد یەکترەکی بسازن! لویتبەرز نەون، بەڵکەم وەگەرد ئایەمیل پایەنزم، هات بچو بکەن. هویچ وەخت خوەدان وه زانا میەنه قەڵەم.

دویم قورنتییل 11:19

ئەڕا ئیه که ئیوه وه خوەشیەو گیلگەوجیل تاموڵ کین، نه که فره زاناین!

رومیەگان 16:19

چوینکه دەنگ گوش تەکانندان وەناو گشتیەکی پێچیاس؛ جوری که له باوەت ئیوه فره خوەشاڵم. وەلێ لەلێدان توام له باوەت هەر چشتێگ که خاسه زانیار و له باوەت هەر چشتێگ خراوه، ساده بوین.

رومیەگان 13:8

هویچ چشتێگ وه کەسێ قەرددار نەون، بێجگه ئیەک یەکترەکی مابەت بکێن. چوینکه کەسێگ که وه یەکیگ تر مابەت بکێ، شەریعەت وه جێ هاوردێه.

رومیەگان 8:12

جا ئێ برایل، ئیمه قەردداریم، وەلێ نه وه جەسه، تا وه پێ جەسه زنەیی بکێم.

رومیەگان 1:22

ئەوانه خوێان وه زانا زانستیان، وەلێ گیلگەوج بین و

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

دویم قورنتییل 10:12

نه ئیه که ئیمه جرئەت کیم خوەمان وەگەرد کەسیلێ که له خوێان تاریف کەن یەکی بکێم یا خوێان وەگەرد یەکترەکی هەڵسەنگنن. وەلێ وەختێ خوێان وەگەرد یەکترەکی بەراورد کەن، دیاره که چەنێ نەزانن.

یەکم قورنتییل 14:16

بێجگه ئیه، ئەگەر توی وەناو روح خەریک سپاس خودا بوید، چوی کەسێگ که زواند نیەفامێ وه سپاسەگەد ئامین بویشی؟ ئەڕا ئیه که نیەزانێ چه ئویشێ!

یەکم قورنتییل 14:11

جا ئەگەر نەتویەنم ماناێ زوان یەکیگتر بفامم، ئەڕا ئەوه بێگانەم و ئەویش ئەڕا مه.

یەکم قورنتییل 3:18

هویچ کەسێگ خوەێ فریو نەێەێ. ئەگەر کەسێگ له لێدان خوەێ وەگەرد پەێمانەیل ئی زەمانه زانا بزانێ، ئەڕا ئیه که بوده زانا باێه نەزان بود.

یەکم قورنتییل 2:13

جا ئیمه له ئیه قسیه کیم، ئەویشه نه وەگەرد کەلیمەیلێگ که وه وەسلەێ زانیاری ئنسانیه، بەڵکەم وەگەرد کەلیمەیلێگ که روح خودا تالیم دەێ؛ جا ویجوره حەقیقەتیل روحانی وەگەرد کەلیمەیل روحانی ئویشیمن.

رومیەگان 11:25

ئێ برایل، نیەتوام له ئی رازه بی خەوەر بوین - نەخواێ خوەدان وه زانا بزانین - دڵڕەقی وه بەشێگ له ئێسرائیل حوکم فەرما بیه، تا وەختێ که ژمارەێ ناجویلەکەیلێگ که وه مەسیح ئیمان تیەرن، کامڵەو بود.

کاریل ڕەسولەیل 28:4

وەختێ مەردم مارەگه دین که وه قێ دەسێ شوڕەو بیه، وه یەکترەکی وەتن: «بێ گومان ئیه پیاێ خوینکەرێگه که هەر چەن له دەریا نجات پەێا کرد، وەلێ دادپەروەری نێیلی زنی بمینێ.»

کاریل ڕەسولەیل 28:2

نیشتەجێیل ئەو جەزیره خاسی فرەێگ وەگەردمانەو کردن. ئاگرێگ ئەڕامان کردنەو، چوینکه واران وارێا و هوا سەرد بی، ئەوانه وه گەرمی هاتنه پیریمانەو.

لوقا 10:21

هەر ئەو وەخته، عیسا جار دا: «باوگه، خاون ئاسمان و زەوی، سپاسد کەم که ئی چشتیله، له زانیاریل و ئایەمیلێگ که فام دێرین شاردیدەسەو ئەڕا مناڵیل بویچگ ئاشکراێ کردیده. ئەرێ، باوگه، چوینکه خوەشنودی تو وه ئیه‎ بی.

ئنجیل مەتا 11:25

هەر ئەو وەخته، عیسا جار دا: «ئێ باوگه، خاون ئاسمان و زەوی، سپاسد کەم که ئی چشتەیله، وه زانیاریل و ئایەمیلێگ که فام دێرین شاردیدەسەو ئەڕا مناڵیل بویچگ ئاشکراێ کردیده.