وەحی وه یوحەنا 9:11 - کتاب مقدس به زبان کردی جنوبی - گویش کلهوری

¹¹ پادشاگەێان فریشتەێ چاێ هاویه بی که ناوێ وه زوان عبرانییل ’ئەبەدون‘ وه زوان یونانی ’ئاپولیون‘ یانێ خاپورکەره.

وەحی وه یوحەنا 9:11 Referans Kwoze

ئەفسوسیێل 2:2

یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

یوحەنا 16:11

له باوەت داوەری، چوینکه سەروک ئی جهانه ماکوم کریاس.

یوحەنا 14:30

وەخت فرەێگ نەمنیه که وەگەرددانەو قسیه بکەم، چوینکه سەروک ئی جهانه دێرێ تێی. ئەوه هویچ قوڕاتیگ نیەتویەنێ ئەڕام بێید؛

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

یەکم یوحەنا 5:19

ئیمه زانیمن که له خودایمن و گشت جهان پاڵەو داسه ژێر هێز ئەو شەڕئاشوه.

یەکم یوحەنا 4:4

ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

یوحەنا 12:31

ئێرنگه وەخت داوەری ئی جهانەسه؛ ئێرنگه سەروک ئی جهانه دەر کریەد.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

لوقا 8:31

دێوەگان لاڵکیانه عیسا و تواسن دەستور نێده پێان تا بچنه جهان مردگیل.

یوحەنا 5:2

وەناو ئورشەلیم، له لاێ ’دەروازەێ پەس‘ حەوزێگ هەس که وه زوان ئارامی ’بەیت‌حسدا‘ وەپێ ئویشن که پەنج گله وەرتاێرمه دێرێ.

وەحی وه یوحەنا 16:16

ئمجا ئەو سێ روح ناپاکه، پادشایل زەوی له شونێگ که وه زوان عبرانییل ’حارمەگدون‘ خوەنرێی، گردەو کردن.