وەحی وه یوحەنا 7:9 - کتاب مقدس به زبان کردی جنوبی - گویش کلهوری

⁹ له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.

وەحی وه یوحەنا 7:9 Referans Kwoze

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

یوحەنا 12:13

پەلیل دار خورما گردنه دەس و چینه پیریەو، هاوار کردیان: «نجات بیه! بمارکه ئەوه که وه ناو خوداوەندەو تێ، بمارکه پادشاێ ئێسرائیل!»

وەحی وه یوحەنا 11:15

ئمجا فریشتەێ هەفتم شیپورەگەێ هاورده دەنگ؛ له ناکاوەو دەنگیل بەرزێگ پێچیاده ناو ئاسمان که وەتیا: «حوکومەت جهان، بیەسه هن خوداوەند ئیمه و مەسیح ئەیو. جا ئەیو تا ئەبەد و تا ئەبەد حوکم کەێد.»

وەحی وه یوحەنا 6:11

ئمجا وه هەر کام له ئەوانه، بەتیەێ چەرمێگ دریاد و وەتریاده پێان که قێرێگ‎تر ئارام بگرن تا وەختێگ که ژمارەێ هاوخزمەتیل و برایلێان که باێه جور ئەوانه بکوشریەن، کامڵەو بود.

وەحی وه یوحەنا 3:18

ئاموژیارید کەم که تەڵای ناب له ئاگر گوزەریاێ له مه بسێنێ تا دەوڵەمەنەو بید و دڵنگیل چەرمگ له مه بسێنێ تا بکێده وەرێد و شەرمزاری ڕویتیەگەد دیار نود؛ مەلهەمێگ له مه بسێنێ، تا بماڵیده بان چەویل خوەد و بیناوه بید.

رومیەگان 11:25

ئێ برایل، نیەتوام له ئی رازه بی خەوەر بوین - نەخواێ خوەدان وه زانا بزانین - دڵڕەقی وه بەشێگ له ئێسرائیل حوکم فەرما بیه، تا وەختێ که ژمارەێ ناجویلەکەیلێگ که وه مەسیح ئیمان تیەرن، کامڵەو بود.

لوقا 21:36

جا هەمویشه هوشدان بود و دوعا بکەن تا بتویەنێن وه گشت ئی چشتیله که وی زوی هەڵکەفێ، له ئەمان بمینێن و له وەردەم کوڕ ئنسان بوسین.»

لوقا 12:1

وه ئی وەخته، هەزاران نەفەر گردەو بین، ئەوقره که پا نیانه مل یەکەو. عیسا یەکم جار وەگەرد شاگردیل خوەێ شرو کرده قسیه کردن وەت: «له خەویرترش فەریسیەیل که هەر ئەو دوڕوییەسه، دویری بکەن.

وەحی وه یوحەنا 4:4

دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.

عبرانییل 12:22

وەلێ ئیوه هاتینەسه ئەڕا کویەێ سەهیون و وه شار خوداێ زنی که ئورشەلیم ئاسمانیه. هاتینەسه ناو جەم سەرخوەش فریشتەیلێ که نیود بژمارێدیان،

عبرانییل 11:12

ویجوره، له یەێ پیا، ئەوەیشه له کەسێگ که جور مردگێگ وەپێ هاتوی، نەتەوەێگ فره گەورا هەر جور هەسارەیل ئاسمان و جور شنیل لیوەێ دەریا که نیود بژمارێدیان، هاته دنیا.

ئەفسوسیێل 6:13

جا چەک خودا وه تەمامی و حساوی بکەنه وەردان، تا له ڕوژ شەڕئاشویی بتوانین بوسین، دویای وه جێ هاوردن گشت چشتێگ، بتویەنێن قورس بوسین.

وەحی وه یوحەنا 5:11

ئمجا نوڕستم و دەنگ فریشتەیل فرەێگ شنەفتم که له دەورادەور ئەو تەخته و ئەو گیانەوەریل زنی و ئەو پیریله، گردەو بوین. ژمارەێ ئەوانه هەزاریل هەزار و کوروریل کرور بی.

وەحی وه یوحەنا 7:8

له هوز زبولون، دوانزه هەزار نەفەر، له هوز یوسف، دوانزه هەزار نەفەر و له هوز بنیامین دوانزه هەزار نەفەر مور کریان.

وەحی وه یوحەنا 22:3

جا دیتر هویچ لانەتێگ نیه. بەڵکەم تەخت خودا و تەخت وەرکەگه ها ناوێ و خزمەتکاریلی پەرەسنێ.