وەحی وه یوحەنا 7:2 - کتاب مقدس به زبان کردی جنوبی - گویش کلهوری

² ئەو وەخته فریشتەێگتر دیم که له ڕوژهەڵاتەو وەرەو ئاسمان بەرزەو بویاد و مور خوداێ زنی وەگەردیەو بی. ئەو وه دەنگ بەرزێگ ئەو چوار فریشته که هێز دریاویده پێان تا وه زەوی و دەریا زەرەر برەسنن، چڕێ و

وەحی وه یوحەنا 7:2 Referans Kwoze

ئەفسوسیێل 4:30

روح‌القودوس خودا که له ڕێ ئەیو ئەڕا ڕوژ ڕزگاری مور کریاینه، خەمبارەو مەکەن.

دویم قورنتییل 1:22

و مور خوەێ کوتاسه ملمانا که هن خوەێ بویمن و روح خوەێ جور بەیانه وەناو دڵمان جێ داس.

وەحی وه یوحەنا 9:4

وەپێان وەتریا که وه گژگیای زەوی یا هویچ گیاێ سەوزێگ یا دارێگ زەرەر نەرەسنن، بەڵکەم تەنیا وه ئەو ئایەمیله زەرەر برەسنن که مور خودا له تەخت تێوێڵێانەو نێرن.

دویم تیموتاوس 2:19

وه ئی حاڵەو، بنەواێ قورسیگ که خودا داناس، ها سەر جێ خوەێ و وەگەرد ئی قسیه مور کریاس که: «خوداوەند کەسیل خوەێ ناسێد،» و «هەر کەسێگ ناو خوداوەند وه زوان بارێ، باێه له نادرسێ دویرەو بود.»

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

وەحی وه یوحەنا 5:2

جا فریشتەێ هێزدارێگ دیم که وه دەنگ بەرز جار دیاد: «کیه که شایسەێ واز کردن تومار و شکانن موریلێ بود؟»

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

وەحی وه یوحەنا 1:3

خوەش وه حاڵ کەسێگ که ئی کەڵام نەبوەته خوەنێد و خوەش وه حاڵ ئەوانه که شنەفنێ و ئەو چشته که وه ناو‎ی نویسریاس، وه جێ تیەرن؛ چوینکه وەختەگه نزیکه.

وەحی وه یوحەنا 10:4

جا وەختێ ئەو هەفت گله هەورەتریقه قسیه کردن، تواسم بنویسم وەلێ شنەفتم دەنگێگ له ئاسمانەو وەت: «ئەو چشتێ که ئەو هەفت گله هەورەتریقه وەتنه، مورێ بکه و مەنویس.»

وەحی وه یوحەنا 10:1

ئەو وەخته فریشتەێ هێزدارێگ‎تر دیم که له ئاسمانەو هاتیاده خوار و هەورێگ وه دەوریەو پێچیاوی و سیمینەوزەرینەێگ له بان سەرێ. دەمچەوێ جور خوەر بی و پایلێ جور کوڵەکەیل ئاگر.

وەحی وه یوحەنا 8:3

جا فریشتەێگتر هات که بوخورسزنێگ له تەڵا وەگەرد خوێەو داشت و وساده لاێ قوروانگا. بوخور فرەێگ دریاده پێ تا ئەوه وەگەرد دوعایل گشت ئیمانداریل وه مەسیح له بان قوروانگای تەڵایی که ها نوای تەخت، پیشکەشێ بکێد.

عبرانییل 12:22

وەلێ ئیوه هاتینەسه ئەڕا کویەێ سەهیون و وه شار خوداێ زنی که ئورشەلیم ئاسمانیه. هاتینەسه ناو جەم سەرخوەش فریشتەیلێ که نیود بژمارێدیان،

یەکم تسالونیکییل 1:9

چوینکه ئەوانه خوێان تاریف کەن که چوی ئیوه وه ڕوی خوەش له بین خوەدان قەبوڵمان کردین و له ئیەک چوی له بتیل دەس کیشاین و وەر‎و خودا هەڵوگەردیاین تا خوداێ زنی و ڕاسەکانی خزمەت بکێن

ئنجیل مەتا 26:63

وەلێ عیسا هەر بێدەنگ مەن. کاهن گەورا وەپێ وەت: «قەسەمد دەم وه خوداێ زنی ئەگەر تو مەسیح، کوڕ خوداێ، وەپێمان بویش؟»

ئنجیل مەتا 16:16

شەمعون پتروس جواو دا: «تو مەسیح وادەدریاید، کوڕ خوداێ زنی!»

وەحی وه یوحەنا 9:14

جا شنەفتم که وه ئەو فریشتەێ شەشمه که شەیپور داشت، وەت: «ئەو چوار فریشته که له لاێ چەم گەوراێ فورات بەسیانەسەو، وێڵێان بکه.»

وەحی وه یوحەنا 16:12

فریشتەێ شەشم پیاڵەێ خوەێ ڕشانه مل چەم گەوراێ فورات و ئاوەگەێ وشک بی، تا ڕێ ئەڕا پادشایلێ که له ڕوژهەڵاتەو تیەن، گورجەو بود.