وەحی وه یوحەنا 7:17 - کتاب مقدس به زبان کردی جنوبی - گویش کلهوری

¹⁷ چوینکه وەرکەگه له ناوڕاس تەختەگه بوده شوان ئەوانه و ئەوانه وەرەو کیەنییل ئاو زنەیی دەر ڕێنماییان کەێد. و خودا هەر ئەسرێگ له چەویان پاکەو کەێد.»

وەحی وه یوحەنا 7:17 Referans Kwoze

یوحەنا 4:14

وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

یوحەنا 4:11

ژنەگه وه عیسا وەت: «گەورەم، دوڵ نێرید تا ئاو بکیشێ و چاڵاوەگەیش قویله، جا ئاو زنەیی دەر له کورەو تیەرێ؟

وەحی وه یوحەنا 22:1

ئەو وەخته فریشتەگه چەم ئاو ژیان نیشانم دا که هەر جور بلور بریقەێ هاتیاد و له تەخت خودا و تەخت وەرکەگه کەفتویه ڕێ و

وەحی وه یوحەنا 21:4

ئەیو هەر ئەسرێگ له چەویلیان پاکەو کەێد. دیتر مەرگ نیه؛ و دیتر ئازیەتی و گیره و ژان هەر نیه، چوینکه چشتیل جاران گوزەریاس.»

وەحی وه یوحەنا 21:6

ئەیو وه پێم فەرمایش کرد: «وه دی هات! منم ’ئا‘ و منم ’ی‘، من سەرداڵم و من دەس ئاخرم. مه وه هەر کەسێگ تیەنی بود، له کیەنی ئاو ژیان وه پەتی دەمه پێ.

یوحەنا 10:11

«من شوان خاسەگەم. شوان خاس گیان خوەێ ئەڕا پەسەگان دەێ.

یوحەنا 10:14

مه شوان خاسەگەم. مه پەسەگان خوەم ناسم و پەسەگانمیش مه ناسن،

وەحی وه یوحەنا 5:6

له ناوڕاس تەختەگه و ئەو چوار گیانەوەر زنی و له ناوڕاس پیریل، وەرکێگ دیم وساوی، چمانێگ سەری بڕیاوید، هەفت گله شاخ داشت و هەفت گله چەو که هەفت روح خوەدان که کل کریاسه بان گشت زەوی.

ئنجیل مەتا 2:6

«”ئێ بەیت‌لحم، که هایده میلکان یەهودا، تو له ناو فەرمانرەوایل یەهودا هەراێهەر کەمتر نید، چوینکه له تنەو فەرمانرەواێگ ئاشکرا بود که شوانی قەومەگەم ئێسرائیل کەی.“»

وەحی وه یوحەنا 4:11

«ئێ خوداوەند و خوداێ ئیمه، تو شایسەێ که جەڵاڵ و عزەت و هێز، پێشکەش بوده پێد، چوینکه تو گشت چشتێگ وه دی هاوردی و گشت چشتێگ وه خاست توی درسکریا و وه دی هات.»

یەکم پتروس 5:2

ریەنەگەێ خودا که هانه ناودان شوانی بکەن و هێوەتێان بکەن، وەلێ نه وه زور بەڵکەم وه مەیل و دڵ خوەدان، ئەوجورە که خودا تواێ؛ نه وه تەمای نەف خوەدان بەڵکەم له ڕوی شوق و زوق.

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

ئنجیل مەتا 5:4

خوەش وه حاڵ ئەوانه که ئازیەتبارن، چوینکه دڵنەوایی گرن.

یوحەنا 4:10

عیسایش جواو دا: «ئەگەر بەخشین خودا بزانستیاێ و هەر ئیجوره بزانستیاێ کیه که وه پێد ئویشێ ”تکێ ئاو بیه پێم،“ ئەوسا توی له لێ داوا کردیای ئەیویش ئاو زنەییدەر دیاده پێد.»

وەحی وه یوحەنا 14:4

ئیانه هەر ئەو کەسیلنه که خوێان وەگەرد ژنيل ناپاکەو نەکردنه، چوینکه ئی پیاێله ئازەون. وەرک ئەڕا هەر شونێگ بچود، ئیانه هانه شونیەو. ئیانه ڕزگاریان له بین ئایەمیزاێ سەنریاس، هەر جور نەوبەر ئەڕا خودا و ئەڕا وەرکەگه.

وەحی وه یوحەنا 21:22

مابەدێگ له ناو شار نێیم، چوینکه خوداوەند خوداێ هەر وه تویەنا و وەرکەگه، مابەد ئەوەنه.

وەحی وه یوحەنا 21:23

شار هەوەجیگ وه خوەر یا مانگ نێرید که وه ملێەو بدرەوشێد چوینکه جەڵاڵ خودا ڕوشنێ کەێد و وەرکەگه چراخ ئەوەسه.