وەحی وه یوحەنا 7:14 - کتاب مقدس به زبان کردی جنوبی - گویش کلهوری

¹⁴ جواو دام: «ئیه تو زانیدن، گەورەم.» جا ئەو وەته پێم: «ئیانه کەسیلێگن که له ئەو بەرد فره گەورا ڕەد بینه و بەتیەگانێان وەناو خوین وەرکەگه شوردنه و چەرمگەو کردنه.

وەحی وه یوحەنا 7:14 Referans Kwoze

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.

وەحی وه یوحەنا 22:14

خوەش وه حاڵ ئەوانه که بەتیەگەێ خوێان شورن تا حەق دەس پەێا کردن وه دار ژیان بیاشتوین و تا بتویەنن له دەروازەێیلەو بچنه ناو شار.

عبرانییل 13:12

هەر ویجوره، عیسایش له دەیشت دەروازەێ شار رەنج کیشا تا له ڕێ خوین خوەێ، قەومەگه تەقدیسەو بکێد.

وەحی وه یوحەنا 1:5

له لاێ عیسا مەسیح، ئەو شاێەت ئەمینە و یەکم زگ له ناو مردگیل و فەرمانرەواێ پادشایل زەوی، وه ملدانەو بود. وه ئەیو که ئیمەیش دوس دێرێ و وەگەرد خوین خوەێ ئیمه له گونایلمان ڕزگار کردێه و

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

یەکم پتروس 1:19

بەڵکەم وه خوین گران قیمەت مەسیح، وه خوینێگ جور خوین وەرک بێ عێب و بی لەکه.

یەکم قورنتییل 6:11

بڕێگ لەلێدان جاران ئیجوره بین، وەلێ وه ناو عیسا مەسیح خوداوەند و له ڕێ روح خودامان شوریاینه، تەقدیس کریاینه و سالحان وه حساو هاتینه.

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

ئنجیل مەتا 24:21

چوینکه وه ئەو وەخته، ئەوجورە بەرد گەوراێگ پێش تێ که له شرو جهان تا ئێرنگه پێش ناتیه، هویچ وەختیش پێش نیەتێید.

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

وەحی وه یوحەنا 17:6

ئەو ژنه دیم که له خوین موقەدەسیل و خوین کەسیلێ که وەبونەێ عیسا شەهید بوین، سەرخوەشه. هەر ئیه که ئەوه دیم فره سەرم سڕ مەن.

رومیەگان 5:3

نه تەنیا ئیه، بەڵکەم وەناو عەزاویلمانیش شادی کيمن، چوینکه زانیمن که عەزاو بەردەوامی وه بار تیەرێ و

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

وەحی وه یوحەنا 15:2

جا چشتێگ دیم که مینستیاده دەریاێگ له شیشه که هامیته وه ئاگر بی، هەرئیجوره له لاێ دەریاێگ له شیشه کەسیلێگ وه سەر پاوەو دیم که وه مل گیانەوەر دڕنه و پێکەرەگەێ و ژمارەێ ناوێ زاڵەو بوین. ئیانه چەنگیلێگ له دەسێانەو بی که خودا داویدەێ پێان.

وەحی وه یوحەنا 2:9

له بەرد و دەستەنگێد ئاگادارم، وەلێ دەوڵەمەنی! له بختیل ئەوانه که خوێان جویلەکە زانن وەلێ نین، بەڵکەم کەنیسەێ شەیتانن، خەوەر دێرم.

دویم تسالونیکییل 1:4

وه ئی بونه، ئیمه خوەمان وەناو کلیسایل خودا وەبونەێ بەردەوام بین و ئیماندان وەناو گشت عەزاویل و بەردیلی که تاموڵ کین، وەپێدان شانازی کيمن.

مەرقوس 13:19

چوینکه وه ئەو ڕوژیله، ئەوجورە بەردیگ پێش تێ که له شرو جهان که خودا وه دی هاورد تا ئێرنگه پێش ناتیه و هویچ وەختیش پێش نیەتێید.

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.