وەحی وه یوحەنا 7:12 - کتاب مقدس به زبان کردی جنوبی - گویش کلهوری

¹² وەتن: «ئامین! ستایش و جەڵاڵ و زانیاری و سپاس و حرمەت و هێز و تویەنایی ئەڕا خوداێ ئیمه بود، تا ئەبەد و تا ئەبەد. ئامین!»

وەحی وه یوحەنا 7:12 Referans Kwoze

یەهودا 1:25

وه ئەیو خوداێگ که یەکێگە و نجات دەر ئیمه، له ڕێ عیسا مەسیح، خوداوەند ئیمه، وه ئەیو که له ئەزەڵ بیه، ئێرنگه هەس و تا ئەبەد هەر هەسەێ، جەڵاڵ و گەورایی و حوکمرانی و دەسڵات بود! ئامین.

وەحی وه یوحەنا 19:4

جا ئەو بیس و چوار پیره و ئەو چوار گیانەوەر زنیه کەفتنه مل خاک ‎و خوداێگ که له بان تەختەگه دانيشتوی، پەرەسیان و دەنگ هەڵ هاوردن که: «ئامین. هەللویاه!»

نامه وه کولوسییل 3:17

جا هەر چی کین، چ وه وتار و چ وه کردەوه، گشت چشتێ وه ناو خوداوەند عیسا وەجێ بارن و له ڕێ ئەیو خوداێ باوگ شوکر بکێن.

نامه وه کولوسییل 2:7

وەناو ئەیو ریشه بکوتن و بنریەنە سەرپاوه و هەر ئەوجورە که تالیم گردین، وەناو ئیمان بەردەوام بون و نیقەڵتوز شوکر کردن بون.

دویم قورنتییل 4:15

ئەڕا ئیه که ئیانه گشتێ وەبونەێ ئیوەس، تا فیزێگ که کەسیل فرەتر و فرەتر گرێدە وەر، بوده بایس سپاس فرەتر ئەڕا جەڵاڵ خودا.

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

وەحی وه یوحەنا 1:18

منم ئەوه که زنیه. مردم، بنوڕ تا ئەبەد زنیم و کلیلەیل مەرگ و جهان مردگیل ها دەس منەو.

رومیەگان 11:36

چوینکه گشت چشتێگ له ئەیو و له ڕێ ئەیو و ئەڕا ئەیوه. تا ئەبەد جەڵاڵ ئەڕا ئەیو بود. ئامین.

یەکم قورنتییل 14:16

بێجگه ئیه، ئەگەر توی وەناو روح خەریک سپاس خودا بوید، چوی کەسێگ که زواند نیەفامێ وه سپاسەگەد ئامین بویشی؟ ئەڕا ئیه که نیەزانێ چه ئویشێ!