وەحی وه یوحەنا 4:4 - کتاب مقدس به زبان کردی جنوبی - گویش کلهوری

⁴ دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.

وەحی وه یوحەنا 4:4 Referans Kwoze

وەحی وه یوحەنا 11:16

جا ئەو بیس و چوار پیره که له نوای خودا له بان تەختەگان خوێان نیشن، ڕوی نانه بان خاک و خودا پەرەسش کردن و

ئنجیل مەتا 19:28

عیسا وەپێان وەت: «وه ڕاسی، وەپێدان ئویشم، وه دنیاێ تازه، وەختێ که کوڕ ئنسان وه سەر تەخت جەڵاڵ خوەێ دانیشێ، ئیوەیش که وەشونمەو هاتینه، دانیشینه سەر دوانزه تەخت و وه دوانزه هوز ئێسرائیل داوەری کین.

وەحی وه یوحەنا 4:10

ئەو بیس و چوار پیره، له وەر دەم تەخت نشینەگه کەفنه مل خاک و پەرەسش ئەیو کەن که له ئەبەد تا ئەبەد زنیه، ئەوانه تاجیل خوێان خەنه نوای تەختەگه و ئویشن:

وەحی وه یوحەنا 7:11

جا گشت فریشتەیل، دەورادەور تەختەگه و دەورادەور پیریل و چوار گیانەوەر زنی وساوین؛ جا گشتێان له نوای تەختەگه وه دەمەو کەفتنه مل زەویا و خودا پەرەسیان،

وەحی وه یوحەنا 20:4

جا تەختیلێگ دیم که له بان ئەوانه کەسیلێگ دانیشتوین که دەسڵات داوەری دریاویه پێان. هەر ئیجوره گیانیل کەسیلێگ دیم که سەریان له ڕێ شاێەتی وه عیسا و له ڕێ کەڵام خودا، له جەسەیان جیاوه‎ بوی. ئیانه ئەو گیانەوەر دڕنه یا پێکەرەگەێ پەرەسش نەکردوین و نیشانەێ ئەوه وه بان تەخت تێوڵ یا وه بان دەسیلێان نەگردوینه وەر. ئیانه وه دواره زنیەو بین و وەگەرد مەسیح هەزار ساڵ سەڵتەنەت کردن.

وەحی وه یوحەنا 5:14

جا ئەو چوار گیانەوەر زنیه وەتن: «ئامین»، و ئەو پیریله کەفتنه مل زەوی و پەرەسش کردن.

وەحی وه یوحەنا 5:8

جا وەشون ئەوه که تومارەگه گرد، ئەو چوار گیانەوەر زنی و ئەو بیس و چوار پیره له نوای وەرکەگه کەفتنه بان خاک. ئەوانه هەر کامێان چەنگێگ له دەسێانەو بی و پیاڵەێگ تەڵایی نیقەڵتوز له بوخورێگ که هەر ئەو دوعایل ئیمانداریل مەسیحەسه.

لوقا 22:30

تا وه سەر سفرەێ من وەناو پادشایی من بخوین و بنوشن و وه سەر تەختیل بنیشن و وه دوانزه هوز ئێسرائیل داوەری بکێن.

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

وەحی وه یوحەنا 19:4

جا ئەو بیس و چوار پیره و ئەو چوار گیانەوەر زنیه کەفتنه مل خاک ‎و خوداێگ که له بان تەختەگه دانيشتوی، پەرەسیان و دەنگ هەڵ هاوردن که: «ئامین. هەللویاه!»

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.

وەحی وه یوحەنا 19:14

لەشکەریل ئاسمان وەشونیەو هاتیان که سوار وه ئەسپیل چەرمگ بین و دڵنگیل کەتان فره خاس و چەرمگ و ترکتەمیس له وەرێان بی.

وەحی وه یوحەنا 6:11

ئمجا وه هەر کام له ئەوانه، بەتیەێ چەرمێگ دریاد و وەتریاده پێان که قێرێگ‎تر ئارام بگرن تا وەختێگ که ژمارەێ هاوخزمەتیل و برایلێان که باێه جور ئەوانه بکوشریەن، کامڵەو بود.

وەحی وه یوحەنا 9:7

شێوەێ ئەو کولەیله هەر مینستیاده ئەسپیلێگ که ئەڕا شەڕ گورجەو بوینه. له بان سەریانەو چشتێگ بی که مینستیاده تاج تەڵا و دەمچەویان هەر جور دەمچەو ئنسان بی.

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

وەحی وه یوحەنا 3:18

ئاموژیارید کەم که تەڵای ناب له ئاگر گوزەریاێ له مه بسێنێ تا دەوڵەمەنەو بید و دڵنگیل چەرمگ له مه بسێنێ تا بکێده وەرێد و شەرمزاری ڕویتیەگەد دیار نود؛ مەلهەمێگ له مه بسێنێ، تا بماڵیده بان چەویل خوەد و بیناوه بید.

وەحی وه یوحەنا 4:6

جا له نوای تەختەگه، چشتێگ بی که مینستیاده دەریاێگ له شیشه ، جور بلور. دەور تا دەور تەختەگه، وه هەر لاێ تەختەگه، چوار گیانەوەر زنی بی که له نوا و له دویاوه پڕ له چەو بی.

وەحی وه یوحەنا 5:6

له ناوڕاس تەختەگه و ئەو چوار گیانەوەر زنی و له ناوڕاس پیریل، وەرکێگ دیم وساوی، چمانێگ سەری بڕیاوید، هەفت گله شاخ داشت و هەفت گله چەو که هەفت روح خوەدان که کل کریاسه بان گشت زەوی.

وەحی وه یوحەنا 5:11

ئمجا نوڕستم و دەنگ فریشتەیل فرەێگ شنەفتم که له دەورادەور ئەو تەخته و ئەو گیانەوەریل زنی و ئەو پیریله، گردەو بوین. ژمارەێ ئەوانه هەزاریل هەزار و کوروریل کرور بی.

وەحی وه یوحەنا 14:3

جا بەیتیگ تازه خوەنیان له نوای ئەو تەخت و له نوای ئەو چوار گیانەوەر زنی و له نوای ئەو پیریله. هویچکەسێگ نیەتویەنست ئەو بەیته یاێ بگرێد، مەر ئەو سەد و چل و چوار هەزار نەفەره که وەناو مەردم بان زەوی ڕزگاریان سەنریاوی.