وەحی وه یوحەنا 3:18 - کتاب مقدس به زبان کردی جنوبی - گویش کلهوری

¹⁸ ئاموژیارید کەم که تەڵای ناب له ئاگر گوزەریاێ له مه بسێنێ تا دەوڵەمەنەو بید و دڵنگیل چەرمگ له مه بسێنێ تا بکێده وەرێد و شەرمزاری ڕویتیەگەد دیار نود؛ مەلهەمێگ له مه بسێنێ، تا بماڵیده بان چەویل خوەد و بیناوه بید.

وەحی وه یوحەنا 3:18 Referans Kwoze

وەحی وه یوحەنا 16:15

«بنوڕ، هەر جور دز تیەم! خوەش وه حاڵ ئەو کەسه وەخەوەر مەنید و دڵنگەگەێ ها وەرێ، تا نەخوای ڕویت خڕ بخوێ و له تەمام جهان حەێاێ بچود.»

یەکم پتروس 1:7

تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

وەحی وه یوحەنا 19:8

دڵنگ کەتان فره خاس و نویرانی و ترکتەمیس بەخشریاسه وەویەگه تا بکێدێ وەرێ.» چوینکه دڵنگ کەتان فره خاس، کاریل سالحان موقەدەسیله.

وەحی وه یوحەنا 7:13

ئەو وەخته یەکیگ له ئەو پیریله له لێم پرسی: «ئیانه که بەتیەێ چەرمگ ها وەرێان کین و له کوره هاتنه؟»

ئنجیل مەتا 13:44

«پادشایی ئاسمان جور گەنجێگه که وەناو زەویزارێگ شاریاویدەوه، جا یەکی پیاێ کەید و وه دواره شارێدێەو، ئمجا وه خوەشیەو چود هەر چی دێرێ فروشێد و ئەو زەویزاره سێنێ.

یاقوب 2:5

برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

وەحی وه یوحەنا 3:17

چوینکه ئویشێد: ”دەوڵەمەنم؛ ماڵ گردەو کردمه و هەوەجیم وه چشتێگ نیه.“ جا خەوەر نێری که چارەسیه و بێبەخت و گێا و کور و ڕویتی.

وەحی وه یوحەنا 2:9

له بەرد و دەستەنگێد ئاگادارم، وەلێ دەوڵەمەنی! له بختیل ئەوانه که خوێان جویلەکە زانن وەلێ نین، بەڵکەم کەنیسەێ شەیتانن، خەوەر دێرم.

دویم قورنتییل 8:9

چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.

دویم قورنتییل 5:3

ئەگەر بکێمنێ وەر، دیتر وه ڕویتی نیوینرێیم.

لوقا 12:21

ئیه ئاخر کەسێگه که ئەڕا خوەێ ماڵ و دارایی گردەو کەی، وەلێ له لاێ خوداوه دەوڵەمەن نیه.»

ئنجیل مەتا 25:9

وەلێ زاناگان جواو دان: ”نییمنه پێدان، ئەڕا ئیه که روین بەش ئیمه و ئیوه نیەکێ. بچن وه فروشندەیل ئەڕا خوەدان بسێنن.“

یەکم نامەێ تیموتاوس 6:18

وه ئەوانه دەستور بیه که خاسێ بکەن و ئەڕا کاریل خاس، دەوڵەمەن بون و بەخشەنه و دەسدڵواز بون.

وەحی وه یوحەنا 4:4

دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.