وەحی وه یوحەنا 2:9 - کتاب مقدس به زبان کردی جنوبی - گویش کلهوری

⁹ له بەرد و دەستەنگێد ئاگادارم، وەلێ دەوڵەمەنی! له بختیل ئەوانه که خوێان جویلەکە زانن وەلێ نین، بەڵکەم کەنیسەێ شەیتانن، خەوەر دێرم.

وەحی وه یوحەنا 2:9 Referans Kwoze

وەحی وه یوحەنا 3:9

بنوڕ، ئەوانه که له کەنیسەی شەیتانن و خوێان وه جویلەکە زانن وەلێ نیەن، بەڵکەم درو دەن، بنوڕ، وادارێان کەم تا بان و بکەفنه بان پاد و بفامن که مه دوسد داشتمه.

دویم قورنتییل 8:9

چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.

رومیەگان 9:6

وەلێ ئیجوره نیه که چماێ کەڵام خودا وه دی ناتیه، چوینکه گشت ئەوانه که له قەوم ئێسرائیلن، وه ڕاسی ئێسرائیلی نین و

دویم قورنتییل 6:10

وەگەردمان جور ئایەمیل خەمبار ڕێ رەوشت کریەێ، وەئی حاڵەو هەمویشه دڵشادیم؛ وەگەردمان جور دەستەنگیل ڕێ رەوشت کریەێ، وەئیحالەو فره کەس دەوڵەمەنەو کیم؛ وەگەردمان جور کەسێگ که هویچ نێری ڕێ رەوشت کریەێ، وەئیحالەو خاون گشت چشتێگیم.

یەکم نامەێ تیموتاوس 6:18

وه ئەوانه دەستور بیه که خاسێ بکەن و ئەڕا کاریل خاس، دەوڵەمەن بون و بەخشەنه و دەسدڵواز بون.

لوقا 4:18

«روح خوداوەند ها ملمەو، چوینکه من مەسح و دەسنیشان کردێه تا وه دەستەنگیل مزگانی بێەم. کلم کردێه تا ڕزگاری گیرودەیل و بینایی کوریل جار بێەم و ستەم کیشەیلیش ڕزگاریان بکەم و

وەحی وه یوحەنا 2:2

خەوەر کاریلد دێرم و له زامەت و سەور و بەردەوام بویند ئاگادارم. زانم که نیەتویەنی شەڕئاشویل تاموڵ بکێ، بەڵکەم کەسیلێگیش که خوێان وه ڕەسول زانن وەلێ نین، دایدەسێانه سەر‎نج و فامیده که ئەوانه دروزنن.

لوقا 6:20

ئمجا عیسا ڕوی کرده شاگردەگانێ و وەت: «خوەش وه حاڵ ئیوه که دەستەنگین، چوینکه پادشایی خودا ئەڕا ئیوەس.

رومیەگان 12:12

وەناو ئمید دڵشاد بون، وەناو بەرد سەور بیاشتون و وەناو دوعا بەردەوام بون.

رومیەگان 5:3

نه تەنیا ئیه، بەڵکەم وەناو عەزاویلمانیش شادی کيمن، چوینکه زانیمن که عەزاو بەردەوامی وه بار تیەرێ و

یەکم نامەێ تیموتاوس 1:13

هەر چەن له جاران، کفرچی و ستەمکەریل و زورگو بیم، وەلێ بەزەیی وە مه کریا، چوینکه له ڕوی نەزانی و بی ئیمانی بی که ئیجوره کردیام.

یەکم تسالونیکییل 3:4

چوینکه وەختێگ که وەگەرد ئیوه بیمن، هەر ئیجوره وەرجەوە وەپێدان وەتیایم که ئیمه باێه عەزاو و بەرد بوینیمن، هەر ئەوجورە که ئاگادارین، ئیجورەیشه بیه.

دویم قورنتییل 8:2

چوینکه ئەوانه وەبونەێ بەردیل سەختێگ ئەزمون بویان، هەرچەن فره دەستەنگن وەلێ له خوەشی فره پڕەو بینه و ئی خوەشیه بیەسه بایس دەسدڵوازی بی ئەنازەیان.

رومیەگان 8:35

کیه که ئیمه له مابەت مەسیح جیاوه کەێ؟ بەرد یا پەشێوی یا عەزاو یا قاتوقڕی یا ڕویتی یا خەتەر یا شمشێر؟

وەحی وه یوحەنا 7:14

جواو دام: «ئیه تو زانیدن، گەورەم.» جا ئەو وەته پێم: «ئیانه کەسیلێگن که له ئەو بەرد فره گەورا ڕەد بینه و بەتیەگانێان وەناو خوین وەرکەگه شوردنه و چەرمگەو کردنه.

لوقا 22:65

وه قسیەیل خراو فرەێگەو وەپێ کفر کردیان.

لوقا 12:21

ئیه ئاخر کەسێگه که ئەڕا خوەێ ماڵ و دارایی گردەو کەی، وەلێ له لاێ خوداوه دەوڵەمەن نیه.»

رومیەگان 2:17

وەلێ ئەگەر تو خوەد وه جویلەکە زانید و پاڵەو دایدەسه شەریعەت و ئەڕا ئیه که خودا ناسی وه خوەد شانازی کەی و

کاریل ڕەسولەیل 26:11

فره وەختیل وه گشت کەنیسەیل سزاێان دیام و تەقالا کردیام تا ناچار بون کفر بکەن. ئەوقره قینمه لێان هاتیاد که تەنانەت تا شاریل بیگانەیش کەفتیامه شونێان.

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

ئنجیل مەتا 4:10

ئمجا عیسا وەته پێ: «دویرەو بکەفه مه ئێ شەیتان، چوینکه وەناو تەورات نویسریاس: «”خوداوەند، خوداێ خوەد بپەرەس و تەنیا وه ئەیو خزمەت بکه“»

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

وەحی وه یوحەنا 2:13

زانم له کوره نیشتەجێید، ئەوره که تەخت شەیتانه. وه ئی هەمگه وه ناو مه وەفادار مەنیده و ئیمانێ که وەپێم داشتی، حاشا نەکردێ، تەنانەت وه ڕوژگاریل ئانتیپاس، ئەو شاێەت ئەمین منه که وه ناو ئیوه کوشریاد، هەر ئەو شونه که شەیتان وەناوێ نیشتەجێه.

وەحی وه یوحەنا 2:24

وەلێ وه ئەو باقیدان وه ناو تیاتیرا که نەکەفتینەسه شون ئی تالیمەو هەرئیجوره ئەو چشته یاێ نەگردینه که بڕێگ وەپێ ئویشن ’رازیل قویل شەیتان‘، وەپێدان ئویشم که وه ملدانەو بارێگ فرەتر له ئەوه که ها بان کوڵدانەو، نیەیلم.