وەحی وه یوحەنا 19:7 - کتاب مقدس به زبان کردی جنوبی - گویش کلهوری

⁷ بایمنه سەر کەیف و خوەشی بکێم و ئەیو جەڵاڵ بێیم، چوینکه وەخت سویر وەرکەگه ڕەسیه و وەویەگەێ، خوەێ گورجەو کردێه؛

وەحی وه یوحەنا 19:7 Referans Kwoze

وەحی وه یوحەنا 21:9

ئمجا یەکیگ له ئەو هەفت گله فریشته که هەفت پیاڵەێ پڕ له هەفت بەڵای ئاخر داشتن، هات وه مه وەت: «بەو! مه وەوی، یانێ هاوسەر وەرکەگه نیشاند دەم.»

وەحی وه یوحەنا 21:2

جا شار موقەدەس یانێ ئورشەلیم تازه دیم که له ئاسمان له لاێ خوداوه هاتیاده خوار، گورجەو کریاێگ هەرجور وەویگ که ئەڕا شویەگەێ خوەێ ڕەژیایدەو.

دویم قورنتییل 11:2

ئەڕا ئیه که مه وە ئیوه غیرەت دێرم و ئیه له لاێ خوداس، چوینکه ئیوه دەزویران یە شوی کردمه تا جور دویەتازەوێگ پرچ پاک پیشکەشدان بکەمه مەسیح.

ئنجیل مەتا 22:2

«تویەنیم پادشایی ئاسمان وه شاێگ وێنه بکێم که ئەڕا کوڕەگەێ سویرێگ خسته ڕێ.

وەحی وه یوحەنا 19:9

ئمجا فریشتەگه وەپێم وەت: «ئیه بنویس: خوەش وه حاڵ ئەوانه که دەنگ کریانه ئەڕا نان ئێوارەێ سویر وەرکەگه.» بێجگه ئیه وەت: «ئیانه کەڵام ڕاسەکانی خودان!»

ئەفسوسیێل 5:32

ئیه راز فره گەوراێگه، جا مه ئویشم که ئیه له باوەت مەسیح و کلیساس.

یوحەنا 3:29

وەوی هن زاواس، وەلێ دوس زاوا که وسێده لاێ گوش دەیده ڵێ، له شنەفتن دەنگ زاوا فره دڵخوەشەو بود. جا ئیسه شادی منیش هەر ئیجوره کامڵەو بود.

ئەفسوسیێل 5:23

چوینکه شوی سەر ژنه، ئەوجورە که مەسیح سەر کلیساس و کلیسا جەسەیه، خویشێ نجات دەر کلیساس.

لوقا 12:36

جور کەسیلێ بون که چەوەڕێن تا گەورەێان له سویر باێدەو، تا وەختێ له ڕێەو رەسی و دەر کوتا، زویزی دەر ئەڕاێ واز بکەن.

نامەێ فیلیپییل 3:3

چوینکه خەتەنه کریایل ڕاسەکانی ئیمەیم که وەگەرد روح خودا، پەرەسش کەیمن و شانازیمان وه مەسیح عیساس و پشت نیەوەسیمنه جەسه،

ئنجیل مەتا 1:20

وەلێ وەختێگ وه ئی چشتیله فکر کردیا، یەێ فریشتەێ خوداوەند له ناو خەو وەپێ ئاشکرا بی و وەت: «ئێ یوسف، کوڕ داود، له ئیه که مریەم بخوازێ زاورد نەچود، چوینکه ئەوه که ها ناو زگێ، له روح‌القودوسه.

وەحی وه یوحەنا 11:13

هەر ئەو ساته، زەویه لەرزەێگ گەورا هەڵکەفت و ده یەکی شارەگه ڕمیاد و هەفت هەزار نەفەر وه ناو زەوی لەرزەگه کوشریان و ئەوانه که مەنوینەو فره رخێان چی و خوداێ ئاسمان جەڵاڵ دان.