وەحی وه یوحەنا 19:6 - کتاب مقدس به زبان کردی جنوبی - گویش کلهوری

⁶ ئمجا دەنگێگ شنەفتم که مینستیاده دەنگ جەماێەت فره گەوراێگ و جور قیڕەێ ئاویل فرەێگ و جور دەنگ هەورەتریقەێ گەوراێگ، که وەتیا: «هەللویاه! چوینکه خوداوەند خوداێ ئیمه، ئەیو که هەر وه تویەناس، سەڵتەنەت کەێد.

وەحی وه یوحەنا 19:6 Referans Kwoze

وەحی وه یوحەنا 14:2

جا دەنگێگ له ئاسمان شنەفتم جور گرمەێ ئاویل فره؛ جور دەنگ هەوره تریقەێ بەرز؛ ئەو دەنگه که شنەفتم مینستیاده دەنگ چەنگ‎ژەنیل ئەو وەخته که چەنگیلێان بژەنن.

وەحی وه یوحەنا 19:1

وەشون ئیه، دەنگێگ شنەفتم مینستیاده دەنگ بەرز جەماێەت فره گەوراێگ له ئاسمان، که وەتیان: «هەللویاه! نجات و جەڵاڵ و هێز هن خوداێ ئیمەس،

وەحی وه یوحەنا 6:1

وەختێ وەرکەگه یەکمین مور له ئەو هەفت گله موره واز کرد، مه خوەم نوڕستم و شنەفتم یەکیگ له ئەو چوار گیانەوەر زنیه وەگەرد دەنگێگ هەر جور هەورەتریقه ئویشێ: «بەو!»

وەحی وه یوحەنا 1:15

پایلێ هەر جور برنجەێگ بی که بریقەێ هاتیاد، که له ناو کویره تاویاویدەو، هەر ئیجوره، دەنگێ مینێستیاده قیڕەێ ئاویل فرەێگ.

وەحی وه یوحەنا 21:22

مابەدێگ له ناو شار نێیم، چوینکه خوداوەند خوداێ هەر وه تویەنا و وەرکەگه، مابەد ئەوەنه.

وەحی وه یوحەنا 12:10

ئمجا دەنگ بەرزێگ له ناو ئاسمان شنەفتم که وەتیا: «ئێرنگه نجات و هێز و پادشایی خوداێ ئیمه و دەسڵات مەسیح ئەیو ڕەسیه. چوینکه ئەوه که ئەڕا برایل ئیمه قوڕات دێ که شەو و ڕوژ له نواێ خوداێ ئیمه بخت ئەوانه کەێد، فڕه دریاسه خوار.

وەحی وه یوحەنا 8:5

ئمجا فریشته بوخورسزنەگه هەڵگرد و له ئاگر قوروانگا تەپان و خستەی بان زەوی. ئمجا هەورەتریقه و گرمەگرم و بڵاچه هەڵسیاد و زەوی که لەرزیاد.

وەحی وه یوحەنا 4:5

جا له تەختەگه، بڵاچه، گرمەگرم و هەورەتریقه هەڵسیاد. له نوای تەختەگه، هەفت گله مەشخەل گڕەکەر بی. ئیانه هەفت روح خوەدان.

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

وەحی وه یوحەنا 1:8

خوداوەند خودا فەرمایش کەێد: «منم ’ئا‘ و منم ’ی‘ منم ئەیو هەر وه تویەنا که هەس و بی و تێد.»

وەحی وه یوحەنا 19:4

جا ئەو بیس و چوار پیره و ئەو چوار گیانەوەر زنیه کەفتنه مل خاک ‎و خوداێگ که له بان تەختەگه دانيشتوی، پەرەسیان و دەنگ هەڵ هاوردن که: «ئامین. هەللویاه!»