وەحی وه یوحەنا 15:3 - کتاب مقدس به زبان کردی جنوبی - گویش کلهوری

³ ئەوانه بەیت خزمەتکار خودا، موسا، خوەنیان و بەیت وەرکەگه که: «فره گەورا و سەرسڕهاوەرە کاریل توی، ئێ خوداوەند خوداێ هەر وه تویەنا. داد و حەقه ڕێیل توی، ئێ پادشاێ ملەتیل.

وەحی وه یوحەنا 15:3 Referans Kwoze

عبرانییل 3:5

ئێرنگه موسا له جیگەێ خزمەتکار، وەناو گشت ماڵ خودا ئەمین بی تا وه ئەو چشتیله که باێه وەشونەو بویشرێید، شاێەتی بێید.

یوحەنا 1:17

چوینکه شەریعەت له ڕێ موسای پەێخەمەر دریاد؛ فیز و ڕاسی له ڕێ عیسا مەسیحەو هات.

وەحی وه یوحەنا 19:2

چوینکه حوکمەگانێ حەق و داده. وەبونەێ ئیه که سزاێ ئەو داوانپێس گەورا داس هەر ئەوه که زەوی وەگەرد خیزی خوەێ وه گەنیان کیشا و خودا له ئەوه ئنتقام خوین خزمەتکاریل خوەێ گردێه.»

وەحی وه یوحەنا 14:3

جا بەیتیگ تازه خوەنیان له نوای ئەو تەخت و له نوای ئەو چوار گیانەوەر زنی و له نوای ئەو پیریله. هویچکەسێگ نیەتویەنست ئەو بەیته یاێ بگرێد، مەر ئەو سەد و چل و چوار هەزار نەفەره که وەناو مەردم بان زەوی ڕزگاریان سەنریاوی.

وەحی وه یوحەنا 17:14

ئەوانه وەگەرد وەرکەگه شەڕ کەن و وەرکەگه وه ملێانەو زاڵەو بود، چوینکه ئەیو خوداوەند خوداوەندیل و شاێ شاێیله؛ و ئەوانه که هانه گەردێەو، دەنگ کریایل و هەڵوژاردیل و پێرەویل وەفادارین.»

وەحی وه یوحەنا 11:17

وەتن: «سپاسد کیم ئێ خوداوەند خوداێ هەر وه تویەنا، که هید و بید. چوینکه هێز فره گەوراێ خوەد گردیدەسه دەس و سەڵتەنەت شرو کردیده.

وەحی وه یوحەنا 4:8

ئەو چوار گیانەوەر زنیه، هەر کامێان شەش باڵ دێرن و دەور تا دەور و تەنانەت له ژێر باڵەگانێانیش، پڕ له چەوه و شەو و ڕوژ نیه‎وسن و ئویشن: «قودوس، قودوس، قودوسه خوداوەند خوداێ هەر وه تویەنا، ئەیو که بیه و هەس و تێد.»

وەحی وه یوحەنا 19:16

له بان بەتیه و له بان ڕانێ ناوێگ نویسریاس: ’شاێ شاێیل و خوداوەند خوداوەندیل.‘

وەحی وه یوحەنا 14:8

فریشتەێگتر یانێ فریشتەێ دویم وه شونیەو هات و وەت: «کەفته خوار! بابڵ گەورا کەفته خوار! ئەوه که گشت ملەتیل وادار کرد تا له شراو هەواوهەوەس خێزیەگەێ بخوەن.»

یەکم نامەێ تیموتاوس 1:17

وه ئەو خوداێگ که یەکێگە، پادشاێ دەورەیله، نەمر و نادیاریه، تا دنیا دنیاس حرمەت و جەڵاڵ بود؛ ئامین!

وەحی وه یوحەنا 1:8

خوداوەند خودا فەرمایش کەێد: «منم ’ئا‘ و منم ’ی‘ منم ئەیو هەر وه تویەنا که هەس و بی و تێد.»