وەحی وه یوحەنا 14:6 - کتاب مقدس به زبان کردی جنوبی - گویش کلهوری

⁶ ئمجا یەێ فریشتەتر دیم که له ناوڕاس ئاسمانەو باڵەو گردیا و ئینجیل ئەبەدی وەگەرد خوێەو داشت تا وه نیشتەجێیل زەوی جار بێی، وه هەر ملەت و هوز و زوان و قەومێگ که بون.

وەحی وه یوحەنا 14:6 Referans Kwoze

مەرقوس 16:15

جا وەپێان وەت: «وه سەرئانسەر دنیا بچن و ئینجیل ئەڕا گشت دنیا بانگەوازی بکەن.

وەحی وه یوحەنا 8:13

جا نوڕسم و شنەفتم هەڵوێگ هەر ئەوجورە که له ‎ناوڕاس ئاسمان باڵەو گرێ، وه دەنگ بەرز هاوار کرد: «وی، وی، وی وه نیشتەجێیل زەوی، چشتێگ نەمنیه دەنگ شەیپورەگان ئەو سێ فریشتەێتریشه هەڵسێد.»

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

وەحی وه یوحەنا 13:7

ئجازه دریاده پێ که وەگەرد ئیمانداریل وه مەسیح بجەنگێ و وه ملێانەو زاڵەو بود؛ وه سەر هەر هوز و قەوم و زوان و ملەت دەسڵات دریاده پێ.

عبرانییل 13:20

ئیسه، خوداێ ئاشتی و سڵامەتی که شوان گەوراێ پەسیل یانێ خوداوەند ئیمه عیسا وه خوین ئەو پەێمان ئەبەدیه له مردگیل زنیەو کرد،

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

ئنجیل مەتا 10:27

هەر چی وەناو تیەریکی وەپێدان ئویشم، وەناو ڕوشنایی بویشن و هەر چی وه پچه شنەفین، له بان ماڵیل جار بێەن.

وەحی وه یوحەنا 10:11

ئمجا وه مه وەتریا: «توی وه دواره باێه له باوەت قەومیل فرەێگ و ملەتیل فرەێگ و زوانیل فرەێگ و پادشایل فرەێگ نەبوەت بکێد.»

یەکم پتروس 1:25

وەلێ کەڵام خوداوەند تا ئەبەد مینێدی.» جا ئی کەڵامه ئەو مزگانیەسه که وەپێدان جار دریاس.

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

وەحی وه یوحەنا 10:7

بەڵکەم وه ئەو ڕوژیلی که فریشتەێ هەفتم پف بکێده شیپورەگەێ، راز خودا وه دی تێد، ئەوجورە که وه خزمەتکاریل خوەێ یانێ پەێخەمەریل، جار دا.»