وەحی وه یوحەنا 14:1 - کتاب مقدس به زبان کردی جنوبی - گویش کلهوری

¹ ئمجا وەختێ نوڕستم، ئەو وه‎ڕکه دیم که له بان کویەێ سەهیون وساوی، وەگەرد سەد و چل و چوار هەزار نەفەر که ناو ئەیو و ناو باوگ ئەیو وه بان تەخت تێوڵیان نویسریاوی.

وەحی وه یوحەنا 14:1 Referans Kwoze

وەحی وه یوحەنا 3:12

هەر کەسێگ بوێدەو، ئەوه کەمه کوڵەکەیگ له ناو مابەد خوداێ خوەم. ئەوه هەراێهەر ئەوره نێلیده جێ. وه ملێەو ناو خوداێ خوەم و ناو شار خوداێ خوەم، یانێ ئورشەلیم تازه که له لاێ خودا خوەم له ئاسمان تێدە خوار، نویسم و ناو تازه خوەم نویسم.

لوقا 12:8

«وەپێدان ئویشم، هەر کەس له لاێ مەردمەو وه مه ئێقرار بکێ، کوڕ ئنسانیش وه نوای فریشتەیل خودا ئێقرارێ کەید.

رومیەگان 9:33

ئەوجورە که وەناو کتاو ئەشعەیاێ پەێخەمەر نویسریاس: «بنوڕ، وەناو کویەێ سەهیون کوچگێگ نەم که بوده بایس کەفتن و تاش کەمەرێگ که بوده بایس وه خوار کەفتن؛ هەر کەس ئیمان بارێده پێ، شەرمزارەو نیود.»

وەحی وه یوحەنا 14:14

ئمجا وەختێ نوڕستم، هەورێگ چەرمگ وه نوای چەوم بی. له بان ئەو هەوره یەکیگ دانيشتوی که مینستیاده کوڕ ئنسان و تاجێگ له تەڵا وه بان سەر و داسێگ تێژ له دەسیەو بی.

وەحی وه یوحەنا 15:5

جا وەشون ئیه دیم که مابەد، یانێ دەوار شاێەتی، وەناو ئاسمان واز بی.

وەحی وه یوحەنا 6:8

وەختێ نوڕستم، ئەسپ رەنگ ڕوی پەڕیاێگ وه نوای چەوم دیار داد و ئەوه که سوار ئەسپەگه بی مەرگ ناوێ بی و جهان مردگیل وەشونیەو هاتیان. جا وه ئەوانه دەسڵات دریاد تا چواریەکی زەوی وەگەرد شمشێر و قاتوقڕی و نەخوەشی خراو و دڕنەێیل بان زەوی، بکوشن.

وەحی وه یوحەنا 4:1

جا وەشون ئیه نوڕستم و ئێرنگه وه نوای چەوم دەر واز کریاێگ وەناو ئاسمان بی و هەر ئەو دەنگ یەکم جاره که جور دەنگ شەیپورێگ بی و شنەفتویم وەگەردمەو قسیه کردوی، وەت: «بەوه بان ئەڕا ئێرا و مه ئەو چشته که له شون ئیه باێه هەڵبکەفێ، نیشاند دەم.»

وەحی وه یوحەنا 14:3

جا بەیتیگ تازه خوەنیان له نوای ئەو تەخت و له نوای ئەو چوار گیانەوەر زنی و له نوای ئەو پیریله. هویچکەسێگ نیەتویەنست ئەو بەیته یاێ بگرێد، مەر ئەو سەد و چل و چوار هەزار نەفەره که وەناو مەردم بان زەوی ڕزگاریان سەنریاوی.

وەحی وه یوحەنا 22:4

ئەوانه ڕوی ئەیو دوینن و ناوێ ها بان تەخت تێوڵیان.