وەحی وه یوحەنا 13:8 - کتاب مقدس به زبان کردی جنوبی - گویش کلهوری

⁸ گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 13:8 Referans Kwoze

ئەفسوسیێل 1:4

هەر ئەوجورە که ئەیو وەرجه دامەزرانن جهان، ئیمه وەناو مەسیح هەڵوژارد تا لەلاێ خودا موقەدەس و بی نەخس بویمن. وەناو مابەت،

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.

وەحی وه یوحەنا 3:5

هەر کەسێگ که بوێدەو، ئیجوره وه دڵنگێگ چەرمێگ ڕەژێیدەو جا ناوێ هەراێهەر له دەفتەر زنەیی پاکەو نیەکەم، بەڵکەم ناوێ وه لاێ باوگم و فریشتەیلێ وه زوان تیەرم.

تیتوس 1:2

ئی ڕاسیه وه پێ ئمید وه زنەیی ئەبەدیه که خوداێگ که هەراێهەر درو نیویشی، له ئەزەڵ وادەێ داسه پێمان و

وەحی وه یوحەنا 21:27

وەلێ هویچ چشت ناپاک و هویچکەسێگ که کاریل قیزهاوەر یا گولدەر وەجێ بارێ، هەراێهەر نیەچوده ناوێ، بەڵکەم تەنیا کەسیلێگ که ناوێان له دەفتەر ژیان وەرکەگه نویسریاس، چنه ناوێ.

وەحی وه یوحەنا 5:12

وه دەنگ بەرزەو ئیجوره وەتیان: «ئەیو وەرک سەر بڕیاێه شایسەێ ئیەسه که هێز و دەوڵەمەنی و زانیاری و تویەنایی و حرمەت و جەڵاڵ و ستایش پێشکەشێ بود.»

یوحەنا 1:29

ئی ڕوژەگەێ، یەحیا عیسا دی که تێ وەرەو لاێ، یەحیا وەت: «بنوڕن، ئیەسه وەرک خودا که گوناێ جهان هەڵگرێ بید!

لوقا 10:20

وەلێ له ئیه شادمانەو نەون که روحیل له لێدان گوش تەکنن بەڵکەم شادی ئیوه وه ئیه بود که ناودان له ئاسمان نویسریاس.»

نامەێ فیلیپییل 4:3

ئەرێ، له تنیش ئێ هاوکار ڕاسەکانی، له لێد توام که ئی دوگله ژنه مەیەت بێید، چوینکه وەگەرد ئەکلیمنتوس و ئەو باقی هاوکارەگانم که ناوێان وەناو دەفتەر زنەیی نویسریاس، شان وه شان مه ئەڕا کار ئینجیل زامەت کیشانه.

وەحی وه یوحەنا 3:20

بنوڕ، له دەم دەرەگه وسامه و دەر کوتم. کەسێگ ئەگەر دەنگ مه بشنەفێد و دەرەگه واز بکێد، تیەمه ناو ئەڕا لاێ و وەگەردیەو هاوسفره بوم و ئەویش وەگەرد منەو.

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.

وەحی وه یوحەنا 12:15

مارەگه وه شون ئەو ژنه له دەم خوەێ ئاوێگ هەر جور چەم خسته ڕێ تا لافاو ئەو ژنه وەگەرد خوێەو بوێد.

وەحی وه یوحەنا 5:13

ئمجا شنەفتم هەر درسکریاێگ که ها ناو ئاسمان و ها له بان زەوی و ها له ژێر زەوی و ها له ناو دەریا، وەگەرد هەر چی که ها ناوێانەو، ئیجوره وەتیان: «ستایش و حرمەت و جەڵاڵ و هێز، تا ئەبەد و تا ئەبەد هن تەختنشینەگه و وەرکەگه بود.»

وەحی وه یوحەنا 6:1

وەختێ وەرکەگه یەکمین مور له ئەو هەفت گله موره واز کرد، مه خوەم نوڕستم و شنەفتم یەکیگ له ئەو چوار گیانەوەر زنیه وەگەرد دەنگێگ هەر جور هەورەتریقه ئویشێ: «بەو!»

وەحی وه یوحەنا 13:12

وەگەرد گشت دەسڵات گیانەوەر دڕنەی یەکم و له جێ ئەوه کار کردیاد و زەوی و نیشتەجێیلی وه پەرەسین گیانەوەر دڕنەی یەکم که زام متڵەقبرەگەێ خاسەو بوی، وادار کردیاد.