وەحی وه یوحەنا 12:12 - کتاب مقدس به زبان کردی جنوبی - گویش کلهوری

¹² جا خوەشی بکێن ئێ ئاسمانیل و ئێ ئیوه که نیشتەجێیل ئەورەیلینه! وەلێ وی وه توێ ئێ زەوی و وی وه تو ئێ دەریا، چوینکه ئبلیس وەگەرد توڕەێ فرەێگ وه ملدانەو هاتیەسه خوار، چوینکه زانێد وەخت فرەێگ نێرێد.»

وەحی وه یوحەنا 12:12 Referans Kwoze

وەحی وه یوحەنا 8:13

جا نوڕسم و شنەفتم هەڵوێگ هەر ئەوجورە که له ‎ناوڕاس ئاسمان باڵەو گرێ، وه دەنگ بەرز هاوار کرد: «وی، وی، وی وه نیشتەجێیل زەوی، چشتێگ نەمنیه دەنگ شەیپورەگان ئەو سێ فریشتەێتریشه هەڵسێد.»

وەحی وه یوحەنا 18:20

ئێ ئاسمان وه ملێەو خوەشی بکه! خوەشی بکێن ئێ ئیوه موقەدەسیل و ڕەسولەیل و نەبوەتکەریل! ئەڕا ئیه که خودا ئنتقامدان له ئەوه سەندێه.»

وەحی وه یوحەنا 10:6

وه ئەیو که تا ئەبەد و تا ئەبەد زنیه قەسەم خوارد؛ هەر ئەیو که ئاسمان و هەر چێ ها ناوێ و زەوی و هەر چێ ها ناوێ و دەریا و هەر چێ ها ناوێ وەدی هاورد. ئەیو قەسەم خوارد و وەت که دیتر فرەتر وه ئیه ماتەڵی وه کار نیه.

وەحی وه یوحەنا 11:10

نیشتەجێیل زەوی له مردن ئەوانه خوەشاڵەو بون و جەشن گرن و ئەڕا یەکترەکی پیشکەشێ کل کەن؛ چوینکه ئی دو گله پەێخەمەره، بوینه بایس عەزاو نیشتەجێیل زەوی.

وەحی وه یوحەنا 9:12

’وی‘ یەکم له سەر گوزەریاس. بنوڕ، دو ’وی‘ ترەک هێمراێ باێه باێ.

لوقا 15:10

وەپێدان ئویشم، هەر ئیجوره وەختێ گوناکارێگ توبه بکێ فریشتەیل خودا شادی کەن.»

وەحی وه یوحەنا 11:14

’وی‘ دویم له سەر گوزەریاس. بنوڕ، ’وی‘ سێیەم وه ئی زویه باێه باێد.

دویم پتروس 3:8

وەلێ ئێ عەزیزەیل، چەودان وه مل ئی ڕاسیه نەوەسن که له لاێ خوداوەند یەێ ڕوژ هەر جور هەزار ساڵه و هەزار ساڵ هەر جور یەێ ڕوژه.

عبرانییل 10:37

چوینکه «وەشون ماوەێ کەمێگ ئەیو که باێه باێد، تێد و ماتەڵی نیەکێ.

لوقا 2:14

«جەڵاڵ ئەڕا خودا وه ئاسمان بەرز و ئاشتی و سڵامەتی ئەڕا مەردمیلێگ که وەبان زەوی، خودا وه لێان خوەشنوده!»

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 13:6

جا دەم خوەێ و کفر کردن وه خودا واز کرد و وه ناو ئەیو و شونێ که ئەیو نیشتەجێه، یانێ وه ئەوانه که له ناو ئاسمان نیشتەجێین، کفر کردیاد.