وەحی وه یوحەنا 11:3 - کتاب مقدس به زبان کردی جنوبی - گویش کلهوری

³ جا مه وه دو گله شاێەت خوەم دەسڵات دەم و ئەوانه جل و پەڵاس کەنه وەر و هەزار و دویس و شەس ڕوژ نەبوەت کەن.»

وەحی وه یوحەنا 11:3 Referans Kwoze

وەحی وه یوحەنا 12:6

جا ژنەگه وەرەو بیاوان، وه شونێگ که خودا ئەڕاێ گورجەو کردوی، دەرچی تا له ئەوره وه ماوەێ هەزار و دویس و شەس ڕوژ بپارێزننێ.

وەحی وه یوحەنا 11:2

وەلێ حسار دەیشت مابەد ئەنازەێ مەگێر و کارێگ وەپێ نیاشتوید، چوینکه دریاسه ملەتیل. جا ئەوانه چل و دو مانگ شار موقەدەس پاوڵا کەن.

وەحی وه یوحەنا 13:5

دەمێگ دریاویه ئەو گیانەوەر دڕنه تا قسیەيل قوزانه و هامیته وه کفر بکێ و ئجازه دریاده پێ تا دەسڵات خوەێ چل و دو مانگ وه کار بوێد.

کاریل ڕەسولەیل 13:31

ماوەێ فرەێگیش ئەوانه که وەگەردیەو له ناوچەێ جەلیل هاتوینه ئەڕا ئورشەلیم وه چەو خوێان دینەێ، ئێرنگەیش له لاێ قەوم شاێەتی ئەڕاێ دەن.

کاریل ڕەسولەیل 1:8

وەلێ وەختێ روح‌القودوس باێده ملدانەو، قەوەت گرين و بوینه شاێەتیل من، وەناو شار ئورشەلیم و گشت یەهودیه و سامره و تا ئەو پەر دنیا.»

لوقا 24:48

ئیوه شاێەتی دەر ئی کاریلینه.

دویم قورنتییل 13:1

ئیه سێیەم جاره که تیەمه ئەڕا لادان. «هەر بختێگ باێه وه شاێەتی دو یا سێ شاێەتیدەر مور بود.»

کاریل ڕەسولەیل 2:32

خودا هەر ئی عیسا زنیەو کرد و ئیمەیش گشتمان شاێەت وه ئەویمنه.

یوحەنا 15:27

ئیوەیش خوەدان شاێەتی دێن، چوینکه له سەرەتاوه وەگەردمەو بینه.

ئنجیل مەتا 18:16

وەلێ ئەگەر گوشه لێد نێا، یەک یا دو نەفەرتر وەگەرد خوەد بوه تا ”هەر قسیەیگ وه شاێەتی دو یا سێ شاێەتیدەر سابت بود.“

وەحی وه یوحەنا 19:10

ئمجا کەفتمه بان پایلێ تا بپەرەسمەێ. وەلێ وەپێم وەت: «نەبایه توی ئی کاره بکێ! منیش هەر جور توی و برایل توی که لچکینه شاێەتی عیسا، خزمەتکار ئەیوم. خودا بپەرەس! چوینکه شاێەتی عیسا، روح نەبوەته.»

وەحی وه یوحەنا 1:5

له لاێ عیسا مەسیح، ئەو شاێەت ئەمینە و یەکم زگ له ناو مردگیل و فەرمانرەواێ پادشایل زەوی، وه ملدانەو بود. وه ئەیو که ئیمەیش دوس دێرێ و وەگەرد خوین خوەێ ئیمه له گونایلمان ڕزگار کردێه و

کاریل ڕەسولەیل 3:15

ئیوه سەرچاوەی ژیان که خودا وەناو مردگیل زنیەو کرد، کوشتین. ئیمه شاێەت ئی هەڵکەفتیمنه.

وەحی وه یوحەنا 20:4

جا تەختیلێگ دیم که له بان ئەوانه کەسیلێگ دانیشتوین که دەسڵات داوەری دریاویه پێان. هەر ئیجوره گیانیل کەسیلێگ دیم که سەریان له ڕێ شاێەتی وه عیسا و له ڕێ کەڵام خودا، له جەسەیان جیاوه‎ بوی. ئیانه ئەو گیانەوەر دڕنه یا پێکەرەگەێ پەرەسش نەکردوین و نیشانەێ ئەوه وه بان تەخت تێوڵ یا وه بان دەسیلێان نەگردوینه وەر. ئیانه وه دواره زنیەو بین و وەگەرد مەسیح هەزار ساڵ سەڵتەنەت کردن.

ئەفسوسیێل 4:11

جا ئەیو بی که بەخشی ڕەسولەیل، نەبوەتکەریل، مزگانیدەریل، شوانیل و ماموستایل،

یەکم قورنتییل 12:28

خودا وەناو کلیسا دانا، یەکم ڕەسولەیل، دویم نەبوەتکەریل، سێیەم ماموستایل؛ وەشونێ هێز موجزەیل، ئمجا خەڵاتییل شەفا داین و مەیەت داین و ئێداره کردن و قسیه کردن وه زوانیلتر.

یوحەنا 3:27

یەحیا جواو دا: «کەس نیەتویەنی چشتێ وه دەس بارێ، مەر ئیه که له ئاسمان دریاویده‎ پێ.

ئنجیل مەتا 11:21

عیسا فەرمایش کرد: «وای وه حاڵد، ئێ شار خورەزین! وای وه حاڵد، ئێ شار بەیت‌سیدا! چوینکه ئەگەر موجزەیلێگ که وەناو ئیوه کریا وەناو شاریل سور و سیدون بکریاد، مەردم ئەوره هەر وه زویەو جل و پەڵاس ئازیەتی کردیانه وەر و لەناو خوڵەکەو و توبه کردیان.

لوقا 10:13

«وای وه حاڵد، ئێ شار خورەزین! وای وه حاڵد، ئێ شار بەیت‌سیدا! چوینکه ئەگەر موجزەیلێگ که وەناو ئیوه کریا وەناو شاریل سور و سیدون بکریاد، مەردم ئەوره هەر وه زویەو جل و پەڵاس ئازیەتی کردیانه وەر و نیشتیانه خوڵەکەو و توبه کردیان.

وەحی وه یوحەنا 11:6

ئەوانه هێز ئیه دێرن ئاسمان بوەسن تا له ڕوژیل نەبوەتیان واران نەوارید و هێز ئیه دێرن تا ئاویل بکەنه خوین و زەویش هەر چەن جار که بتوان وه هەر جور بەڵاێگ گیروده بکەن.