نامەێ فیلیپییل 3:20 - کتاب مقدس به زبان کردی جنوبی - گویش کلهوری

²⁰ وەلێ نیشتمان ئیمه ئاسمانه و وه تاسەێ تەمام چەوەڕێم که نجات دەر، یانێ خوداوەند عیسا مەسیح، له ئەورە ئاشکرا بود.

نامەێ فیلیپییل 3:20 Referans Kwoze

ئەفسوسیێل 2:19

جا ئیوه دی بێگانه و غەریو نین، بەڵکەم هاونیشتمان ئیمانداریل وه مەسیح و یەکیگ له ئاڵ ماڵەگەێ خوداین؛

دویم قورنتییل 4:18

جا ئیمه نیەنوڕیمنه چشتیلی که بود بوینیدیان، بەڵکەم نوڕێیمنه چشتیلی که نادیارن، چوینکه چشتیلی که بود بوینیدیان گوزەران، وەلێ چشتیل نادیاری، ئەبەدین.

عبرانییل 12:22

وەلێ ئیوه هاتینەسه ئەڕا کویەێ سەهیون و وه شار خوداێ زنی که ئورشەلیم ئاسمانیه. هاتینەسه ناو جەم سەرخوەش فریشتەیلێ که نیود بژمارێدیان،

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

ئەفسوسیێل 2:6

خودا ئیمه وەناو مەسیح عیسا وەگەرد مەسیح زنیەو کرد و وەناو شونیل ئاسمانی وەگەرد ئەیو دانیشان،

دویم قورنتییل 5:8

ئەرێ، ئازایمن و ئیجوره خاس زانیم، که له ئی جەسه دویرەو بکەفیمن و لەلاێ خوداوەند نیشتەجێ بویمن.

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

یەکم تسالونیکییل 1:10

و تا چەوەڕێ هاتن کوڕ خودا له ئاسمان بوین، هەر ئەوه که خودا له مردگیل زنیەو کرد، یانێ عیسا، که ئیمه له خەزەوێگ که ها له وەرەڕوی ڕزگاری بەخشێد.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

نامه وە غەلاتییل 4:26

وەلێ ئورشەلیم بان ڕزگاره، که داڵگ گشتمانه.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

یەکم قورنتییل 1:7

وه لەونی که ئیوه له هویچ خەڵاتیێگ بی نسیو نين، هەر وەئەو حاڵه که چەوەڕێ ئاشکرا بوین خوداوەندمان عیسا مەسیحین.

کاریل ڕەسولەیل 1:11

وەتن: «ئێ پیاێل جەلیلی، ئەڕا وساینه و چەو بڕینەسه ئاسمان؟ هەر ئی عیسا که له لاێ ئیوه بڕیاده ئاسمان، هەر ئەوجورە که دین چیه ئاسمان، وه دواره تێیدەو.»

ئنجیل مەتا 19:21

عیسا فەرمایش کرد: «ئەگەر تواێ کامڵ بویدن، بچو هەر چی ديری بفروش و پویلەگەێ بیه کەمدەسیل که وەناو ئاسمان گەنج وه دەس تیەرێ. ئمجا بەو بکەفه شونم.»

یەکم تسالونیکییل 4:16

چوینکه خوداوەند خوەێ وه فەرمانێگ که وه دەنگ بەرزه، وەگەرد دەنگ سەروک فریشتەیل و دەنگ شەیپور خودا، له ئاسمانەو تێدە خوار. ئەو وەخته یەکم جار ئیمانداریل وه مەسیح که مردنه، زنیەو بون.

لوقا 14:14

که بەختەوەر بویدن؛ چوینکه ئەوانه چشتێ نێرن ئەوەزی وەپێد بیەنەو. ئمجا تو پاداشد ئەو وەخته که ئایەمیل سالح زنیەو بون، گرید.»

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

نامەێ فیلیپییل 1:10

تا خاسترین چشت بناسین، تا ئەڕا ڕوژ هاتنەوەێ مەسیح، پاک و بی نەخس بوین و

لوقا 12:21

ئیه ئاخر کەسێگه که ئەڕا خوەێ ماڵ و دارایی گردەو کەی، وەلێ له لاێ خوداوه دەوڵەمەن نیه.»

یەکم قورنتییل 15:48

ئەوانه که له خوڵن، وێنەێ ئەو کەسنه که له خوڵ هاتوی؛ جا ئاسمانیێلیش وێنەێ ئەو کەسنه که له ئاسمانەو هاتوی.

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و