7 بەڵکەم خوەێ خاڵی کرد و شێوەێ خوڵام گرده خوەێ، وه وێنەێ ئایەمیل دەرهات.
چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.
تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»
کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.
چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،
وەلێ وەختێ ئەو زەمان دیاری کریاێ وه کەماڵ رەسێ، خودا کوڕەگەێ خوەێ کل کرد که له ژنێگ و له ژێر شەریعەت هاته دنیا،
چوینکه کاهن گەوراێ ئیمه ئەوجورە نیه که نەتویەند وەگەرد بی هازییل ئیمه هاودەردی بکێد، بەڵکەم کەسێگه که له هەر باوەتەو هەر جور ئیمه ئەزمون بیه، وەلێ گونا نەکرد.
چوینکه مەسیح وەشون خوەشنودی خوەێ نوی، بەڵکەم هەر ئەوجورە که وەناو کتاو زەبور نویسریاس: «سەرزەنشتیل ئەوانه که سەرزەنشتد کردن ڕشیا ملما.»
باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.
کامێان گەوراتره، ئەوه که وه سەر سفره بنیشێ یا ئەوه که خزمەت بکێ؟ ئەوه که وه سەر سفره بنیشێ. وەلێ من وەناو ئیوه جور یەێ خزمەتکارم.
چوینکه وەپێدان ئویشم که مەسیح ئەڕا ئیه که ڕاسی خودا نیشان بێی، بیه خزمەتکار خەتەنه کریایل یانێ هەر ئەو جویلەکەیله تا وادەیلێ که وه باپیریلمان دریاوی، مور بکێ و
ئەیو که هاوشیوەێ خودا بی، له بەرابەری وەگەرد خودا وه نەف خوەێ باره نەگرد،
«ئیەسه خزمەتکارەگەم که هەڵیوژاردمه، ئەیو عەزیزمه که گیانم له لێ خوەشنوده. روح خوەم نەمه ملێەو، ئەیویش دادپەروەری وه قەومیل جار دەێ.
ئەوانه که هانه ناو زندان بارنه هویردان، ئەوجورەکە چماێ خوەدانیش وەگەرد ئەوانه هاینه ناو زندان؛ هەر ئیجوره کەسیلێ وه هویردان بون که وەگەردێان وه خراوی ڕێ رەوشت کەن، ئەوجورەکە چماێ خوەدانیش وەناو جەسه رەنج کیشین.
له باوەت کوڕ ئەیوه، که وه پێ جەسه له نەتەوەێ داود پادشا بی و
عیسا جواو دا: «ئیه درسه که یەکم جار ئەلیاس تێ تا گشت چشتێگ جور جارانێ ڕیکڕاس بکێ. وەلێ ئەڕا له باوەت کوڕ ئنسان نویساس که باێه رەنج فرەێگ بکیشێ و سوکەو بکرێی؟
وەبونەێ ئیه که هەر چەن وەناو بی هازی وه سەلیب کیشریا، وەلێ وه هێز خودا زنەیی کێ. هەر ئیجوره، ئیمەیش وەناو ئەیو بی هازیم، وەلێ وەگەردیەو وه نوای ئیوه وه هێز خودا زنەیی کەیمن.