نامەێ فیلیپییل 2:19 - کتاب مقدس به زبان کردی جنوبی - گویش کلهوری

¹⁹ وەناو خوداوەند عیسا ئمید دێرم که تیموتاوس وه ئی زویه کل بکەمه ئەڕا لادان تا منیش وه ئاگاداری له حاڵ حەواڵدان دڵشادەو بوم.

نامەێ فیلیپییل 2:19 Referans Kwoze

یەکم قورنتییل 4:17

هەر وه ئی مدوه تیموتاوس کل کردمه ئەڕا لادان، ئەوه که ڕوڵەێ عەزیزم و وەناو خوداوەند وەفاداره. ئەوه ڕێ رەوشت زنەیی مه وەناو عیسا مەسیح وەپێدان نیشان دێ، هەر ئەوجورە که وەناو گشت کلیسایل وه هەر کوره تالیم دەم.

یەکم تسالونیکییل 3:2

جا تیموتاوس که براێ ئیمه و هاوکار خودا له کار ئینجیل مەسیحه، کل کردیمنه ئەڕا لادان تا ئیوه له ئیماندان بەردەوام بکێد و هاندان بێید،

نامەێ فیلیپییل 1:1

له پولوس و تیموتاوس خوڵامیل مەسیح عیسا، ئەڕا گشت موقەدەسیل که هانه ناو مەسیح عیسا له شار فیلیپی، وەگەرد هێوەتکەریل و شەماسەیل:

نامەێ فیلیپییل 2:28

جا ئەڕا کل کردنێ تاسەێ فرەترێگ دێرم تا یەێ جارتر له دینێ دڵشادەو بوین و له پەشێوی منیش کەمەو بود.

یاقوب 4:15

له جێ باێه ئیجوره بویشین: «ئەگەر خوداوەند بتواێ، زنی مینیمن و ئیجوره و ئەوجورە کيمن.»

دویم تیموتاوس 1:12

وه بونەێ ئیەسه که ئیجوره رەنج کیشم، وەلێ شەرمزار نیم، ئەڕا ئیه که زانم وه چ کەسێگ ئیمان هاوردمه و دڵنیام که ئەیو تویەناس ئەمانەتەگەم تا وەئەو ڕوژه بپارێزنێد.

دویم تسالونیکییل 1:3

ئێ برایل، ئیمه باێه هەمویشه وەبونەێ ئیوه سپاس خودا بکێم و درسیشێ هەر ئیەسه، چوینکه ئیمان ئیوه فره فره گەوراوه بود و مابەت هەر کامدان وه یەکترەکی فرەوه بود.

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

رومیەگان 16:21

تیموتاوس هاوکارم سڵامدان رەسنێ. هەر ئیجوره خزمەگانم لوکیوس، یاسون و سوسیپاتروسیش سڵامدان رەسننن.

رومیەگان 15:12

وەدواره ئەشعەیاێ پەێخەمەر ئویشێ: «ریشەێ یەسا تێد، هەر ئەوه که هەڵسێد تا وه سەر ناجویلەکەیل فەرمانرەوایی بکێ؛ ناجویلەکەیل وه ئەیو ئمید بەسن.»

ئنجیل مەتا 12:21

ناو ئەیو بوده ئمید گشت قەومیل.»

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

کاریل ڕەسولەیل 16:1

پولوس هاته ئەڕا شاریل دربه و لستره. وه ئەوره شاگردێگ تیموتاوس ناو زنەیی کردیا، داڵگێ جویلەکە و ئیماندار بی، وەلێ باوگێ یونانی بی.

نامەێ فیلیپییل 2:18

ئیوەیش باێه هەر ویجوره خوەشاڵ بوین و وەگەردمەو خوەشی بکێن.

یەکم تسالونیکییل 3:5

وه ئی بونه، وەختێ دیتر تویەنا نیاشتم، تیموتاوس کل کردم تا له ئیماندان ئاگادارەو بوم، چوینکه ڕخم چیاد که ئەو خەڵەتنه یانێ ئبلیس وه لەونێ ئیوه بخەڵەتنی و زامەت ئیمه له کیس بچود.