نامەێ فیلیپییل 2:1 - کتاب مقدس به زبان کردی جنوبی - گویش کلهوری

¹ جا ئەگەر وەناو مەسیح دڵگەرمین، ئەگەر مابەتەگەێ مایەێ دڵنەواییدانه، ئەگەر وەناو روح خودا هاوبەشین و ئەگەر مێرەبانی و هاودەردی دێرین،

نامەێ فیلیپییل 2:1 Referans Kwoze

نامه وه کولوسییل 3:12

جا هەر جور هەڵوژاریەگان خودا که موقەدەس و عەزیزگرامین، دڵنگ دڵرەخمی، مێرەبانی، بێ فیسی، نەرمی و سەور بکەنه وەردان.

یەکم یوحەنا 4:12

هویچکەس هەراێهەر خودا نێه. ئەگەر ئیمه یەکترەکی مابەت بکێم، خودا وەناومان نیشتەجێه و مابەتەگەێ وەناومان وه کەماڵ ڕەسیه.

دویم قورنتییل 13:14

فیز خوداوەند عیسا مەسیح، مابەت خودا و هاوبەشی روح‌القودوس وەگەرد گشتدانەو بود.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

یەکم قورنتییل 12:13

چوینکه گشتمان، چ جویلەکە و چ یونانی، چ خوڵام و چ ڕزگار، وەناو یە روح خوسڵ تەعمید گردیمنه تا یە جەسه درس بکێم؛ جا گشتمان له یە روح نوشایمنه.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 4:6

جا ئەڕا ئیه که کوڕیلین، خودا روح کوڕەگەێ خوەێ کل کردێه ناو دڵمان که هاوار کێ: «ئەبا! باوگه!»

کاریل ڕەسولەیل 4:32

گشت کەسیلێ که ئیمان هاوردوین یەێ دڵ و یەێ گیان بین، هویچکەسیش نەوەتیاد چشتێ له دارایەگەێ هن خوێه، بەڵکەم وەناو گشت چشتێگ وەگەرد یەکا هاوبەش بین.

یەکم یوحەنا 3:24

هەر کەسێگ حوکمیل ئەیو وه جێ بارێ، وەناو خودا نیشتەجێه، هەر ئیجوریشه خودا وەناوێ. له ڕێ روح خوەێ که بەخشیەسه پێمان، زانیمن که ئەیو وەناومان نیشتەجێه.

یوحەنا 17:13

وەلێ ئێرنگه تیەمه ئەڕا لاێ تو، ئی قسیەیلیشه وەختێ دێرم کەم که هێمراێ هامه ناو جهان، تا شادی مه وه تەمامی وەناو دڵیانەو بود.

یەکم یوحەنا 4:16

جا ئیمه مابەتێ که خودا وەپێمان دێرێ ناسیمنه و ئیمانه پێ هاوردیمنه. خودا مابەته، ئەوه که وەناو مابەت نیشتەجێ بود، وەناو خودا نیشتەجێه و خودایش وەناو ئەوه نیشتەجێه.

نامەێ فیلیپییل 3:3

چوینکه خەتەنه کریایل ڕاسەکانی ئیمەیم که وەگەرد روح خودا، پەرەسش کەیمن و شانازیمان وه مەسیح عیساس و پشت نیەوەسیمنه جەسه،

یەکم قورنتییل 3:16

ئێ نيەزانين که مابەد خوداین و روح خودا وەناودان نیشتەجێه؟

رومیەگان 8:26

هەر ویجوره روح خودا وەناو بی هازیمان، مەیەتمان دەێ، چوینکه نيەزانیم ئەڕا چ چشتێ باێه دوعا بکێم. وەلێ روح خودا خوەێ وەگەرد ئاخیلێگ که نیود وه کەلیمەیل بویشیدی، ئەڕامان ناوجێ کەێ.

رومیەگان 5:5

ئمید نیوده بایس شەرمزاریمان، چوینکه مابەت خودا وه وەسلەێ روح‌القودوس که بەخشریاسە ئیمه، ڕشیاسه ناو دڵمان.

کاریل ڕەسولەیل 2:46

جا هەر ڕوژ، یەێ دڵ وەناو مابەد گردە‎و بویان، وەناو ماڵيل خوێانیش نان لەت کردیان و وه خوەشی و دڵپاکی وه یەکەو نان خواردیان و

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

عبرانییل 6:18

تا له ڕێ دو چشت نەگوڕیای، که مەحاڵ خودا له باوەت ئەوانه درو بویشێد، ئیمه فره دڵگەرمەو بویمن، ئیمه که ئەڕا پەنا بردن هەێوایمنه تا ئمیدێگ که له وەر دەم ئیمه نریاس، قورس بلچکێیم.

نامەێ فیلیپییل 1:8

خودا شاێەتمه که چەنێ وه مابەت مەسیح عیسا، تاسەێ گشتدان دێرم.

ئەفسوسیێل 4:4

چوینکه یەێ جەسه و یەێ روح هەس، ئەوجورەکە ئەڕا یەێ ئمید که هن داوەتەگەدانە دەنگ کریاینه؛

دویم قورنتییل 2:14

وەلێ سپاس ئەڕا خودا که هەمویشه ئیمه وەناو مەسیح، وەناو ڕز سەرکەفتێیل خوەێ بید و هەویرات خوەش ماریفەت له ڕێ ئیمه وه گشت‎کوره پەخشەو کێ.

یەکم قورنتییل 15:31

ئێ برایل، قەسەم وه ئەو شانازیه که وەناو خوداوەندمان عیسا مەسیح له باوەت ئیوه دێرم، هەر چی ڕوژه مەرگ قویرتم دەێ.

یوحەنا 14:27

ئاشتی و سڵامەتی ئەڕادان هیلمه جێ؛ ئاشتی و سڵامەتی خوەم دەمه پێدان. ئەوه که مه دەمه پێدان، جور ئەوه نیه که جهان دەێده پێدان. دڵدان پەشێو نود و ڕخدان نەچود.

یوحەنا 14:18

«ئیوه یەتیم نێیلم؛ تیەمەو ئەڕا لادان.

لوقا 2:25

وه ئەو دەورانه، پیاێگ دیندار و سالحان، وه ئورشەلیم زنەیی کردیا که ناوێ شەمعون بی، چەوەڕێ دڵنەوایی قەوم ئێسرائیل بی و پڕ وه روح‌القودوس بی.