نامەێ فیلیپییل 1:11 - کتاب مقدس به زبان کردی جنوبی - گویش کلهوری

¹¹ پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامەێ فیلیپییل 1:11 Referans Kwoze

عبرانییل 12:11

چوینکه هەر لەون ئەدەوێگ وەختێ دێرێ ئەنجام گری ئیجوره وه چەو تێد که ژان دێرێ و خوەش نیه، وەلێ وەشونێ ئەڕا کەسیلێ که وەگەردێ ئەدەو بینه بەر سالح بوین دەێده دەس که پڕ له ئاشتی و سڵامەتیه.

یوحەنا 15:8

جەڵاڵ باوگم ها ناو ئیه که ئیوه بەر فرەێگ بارین؛ وه ئیجوره بوینه شاگردیل مه.

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

نامەێ فیلیپییل 4:17

نه ئیەک وەشون گردن خەڵاتی بوم، بەڵکەم هامه شون بەرێگەو که وه حساودان فرەوه بود.

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

رومیەگان 6:22

وەلێ ئێرنگه که له گونا ڕزگار کریاینه و بینەسه خوڵامیل خودا، بەرێگ که دەێده دەسدانەو وەرەو قودوسیەت بێدەدان و ئاخرەگەێ زنەیی ئەبەدیه.

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.

دویم تسالونیکییل 1:12

تا ناو خوداوەند ئیمه عیسا، وەناودان جەڵاڵ پەێا بکێد و ئیوەیش وەناو ئەیو جەڵاڵ پەێا بکێن، وه پێ فیز خوداێ ئیمه و خوداوەند عیسا مەسیح.

ئەفسوسیێل 5:9

چوینکه بەر نویر، وەناو هەر جور خاسێ، ڕاسی و درسی پەێا بود.

ئەفسوسیێل 1:14

روح‌القودوس بەیانەی میراتی ئیمەس تا وەختێگ وه تەمامی بکێمنه هن خوەمان، تا جەڵاڵ خودا ستایش بود.

یەکم قورنتییل 10:31

جا هەرچێ کین چ خواردن و چ نوشان، یا هەر کارێگ‎تر، گشتێ ئەڕا جەڵاڵ خودا بکێن.

ئنجیل مەتا 5:16

هەرئیجوره بیلن نویردان ئەڕا مەردم بدرەوشێد تا کردەوەیل خاسدان بوینن و باوگدان که ها ناو ئاسمان، جەڵاڵ بێەن.

یەکم پتروس 4:14

ئەگەر وەبونەێ ناو مەسیح خراو دانه پێدان، خوەش وه حاڵدان، چوینکه روح جەڵاڵ که هەر ئەو روح خوداسه، وه ملدانەو نیشتەجێ بود.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم پتروس 2:5

ئیوەیش خوەدان جور کوچگیل زنی وێنەێ ماڵێگ روحانی نرێینه سەرپاوه تا کاهنیلێگ موقەدەس بوین و وه وەسلەێ عیسا مەسیح، قوروانییل روحانی که خودا قەبوڵێ کەێد، پیشکەش بکێن.

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

ئەفسوسیێل 1:12

تا ئیمه که یەکمین کەسیلێ بیمن که وه مەسیح ئمید بەسایم، بیمنه مایەێ ستایش جەڵاڵ ئەیو.

دویم قورنتییل 9:10

جا ئەوه که تویەمەگه ئەڕا جفتیار و نان ئەڕا خواردن گورجەو کێ، تویەمەگەدان گورجەو کردێه و فرەوه کێ و بەر سالح بویندان فرەوه کێ.

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یوحەنا 15:2

هەر پەلێگ له منا که بەر نارێ، ئەیو بڕیدێ و هەر پەلێگیش که بەر بارێ، ئەیو هەرەسێ کەێ تا فرەتر بەر بێی.

رومیەگان 15:28

جا وەختێ ئی کاره کردم و ئەو چشته که گردەو بیه دامەێ پێان، له ڕێ ئیوه چمه ئەڕا ئێسپانیا.

تیتوس 3:14

بیل مەردمەگەمان یاێ بگرن که خوێان خەریک وەجێ هاوردن کاریل خاس بکەن تا ئەڕا پەرچەو کردن هەوەجییل واجو مەیەتیگ بێەن و زنەیی بی بەرێگ نیاشتوین.