مەرقوس 7:3 - کتاب مقدس به زبان کردی جنوبی - گویش کلهوری

³ چوینکه فەریسیەیل و گشت جویلەکەیل، وه پێرەوی له نەریت شێخیل، تا دەسیلێان خاس نەشورن، نان نيەخوەن.

مەرقوس 7:3 Referans Kwoze

نامه وە غەلاتییل 1:14

وەناو جویلەکایەتی له قێر فرەێگ له هاوسن ساڵیلم له ناو قەومەگەم کەفتویمه نوا و فره وه غیرەت بیم تا که نەریتیل باوگ و باپیریلم وه جێ بارم.

مەرقوس 7:13

ئیوه ئیجوره وەگەرد نەریتیل خوەدان که نەتەوه وه نەتەوه رەسنین، کەڵام خودا ڕەد کردینه و ئیجور کاريل فرەێگ وه جا تیەرێن.»

نامه وه کولوسییل 2:8

ئاگادار بوین کەسێگ ئیوه وەگەرد فەلسەفه و فریو پویچ گیرودەدان نەکەید، که وه پێ نەریت ئایەمیل و بیروڕایل سەرەتایی ئی جهانەسه، نه وه پێ مەسیح.

یەکم پتروس 1:18

چوینکه زانين که له ڕێ رەوشت زنەیی پویچێگ که له باوگیلدان وه میراتی بردوین، ڕزگاریدان سەنریاس، نه وه چشتیلی که له بین چود هەر جور نقره یا تەڵا،

مەرقوس 7:5

جا فەریسیەیل و ماموستایل تەورات له عیسا پرسین: «ئەڕا شاگردەگاند ڕێ رەوشتیان وه پێ نەریت شێخیل نيه و وەگەرد دەسیل ناپاک نان خوەن؟»

لوقا 11:38

وەلێ فەریسیەگه وەختێ دی، عیسا وەرجه نان خواردن دەسیلێ نەشورد، ئەڵاجوی هات.

یوحەنا 2:6

له ئەوره شەش خومرەێ کوچگین بی که وه پێ نەریت جویلەکەیل، ئاوەگەێ ئەڕا پاکەو کردن چشتیل پێس وه کار بردێان، هەر کام له ئەو خومرەیله نزیک سەد لیتر گردیا.